Krakkar sækja kennslustundir í tjaldi nærri Urimare-skólanum í Catia La Mar í Venesúela 5. ágúst sl.EPA / MIGUEL GUTIERREZStjórnvöld í Venesúela segja að 6.438 hafi farist í jarðskjálftunum tveimur í júní. Björgunarfólk og almenningur leitar enn látinna í rústunum. Að minnsta kosti 190 byggingar gjöreyðilögðust í skjálftunum sem voru 7,2 og 7,5 að stærð.Yfirvöld segja að um 24.000 heimili séu óíbúðarhæf en um 60.000 heimili urðu fyrir áhrifum skjálftanna með einhverjum hætti.Þúsundir íbúa búa í tímabundnum tjaldbúðum en settur forseti í bráðabirgðastjórn landsins, Delcy Rodriguez, hefur lofað því að fólki verði útvegað varanlegra húsnæði. Fram til þessa hefur 335 heimilum verðið úthlutað af þeim 4.000 sem bráðabirgðastjórnin hefur lofað fyrir lok þessa árs.

Ríkisstjórn Donalds Trump Bandaríkjaforseta hefur gert hlé á framkvæmdum við umdeilt 1,7 milljarða dala landamæraverkefni í Big Bend-þjóðgarðinum í Texas eftir harða andstöðu heimamanna.

Rússar hafa á undanförnum árum komið upp herstöðvum víða í vesturhluta landsins. Þaðan eru þeir taldir geta skotið öflugum drónum langt inn á landsvæði ríkja Atlantshafsbandalagsins.

Enes Kanter er merkilegur íþróttamaður. Hann ólst upp í Tyrklandi og kom snemma í ljós að hann gat verið flinkur með körfuboltann. Ekki skemmdi fyrir að Kanter er 208 cm á hæð og ber því bókstaflega höfuð og herðar yfir aðra menn.

Tvö stærstu uppistöðulón Bandaríkjanna hafa náð sögulegu lágmarki vegna alvarlegra þurrka sem herja á vesturhluta landsins, samkvæmt gögnum sem birt voru um helgina.

Húsnæðisráðherra Kólumbíu sætir harðri gagnrýni eftir að myndir birtust af honum á strönd við Karíbahaf, á sama tíma og þúsundir landsmanna eru heimilislausar eftir mannskæðan jarðskjálfta.

Haraldur Noregskonungur verður lagður inn á sjúkrahús í tvær vikur. Krónprinsinn Hákon er því ríkisstjóri í fjarveru föður síns.

Réttarhöldum í ríkismáli yfir Luigi Mangione, sem játað hefur að hafa skotið forstjóra bandarísks sjúkratryggingafyrirtækis til bana, verður frestað í kjölfar játningar hans í alríkismáli.

Grunaðir íslamskir vígamenn í norðvesturhluta Nígeríu drápu um 30 manns í föstudagsbænum í síðustu viku, að því er heimamenn hafa tjáð fréttastofu AFP. Þetta er nýjasta árásin af fjölmörgum á síðustu misserum í hinu óstöðuga Sokoto-héraði í norðvesturhluta landsins.

Donald Trump Bandaríkjaforseti segir Kim Jong-un, leiðtoga Norður-Kóreu, hafa svarað tilraunum hans til að koma á samtali þeirra á milli. Hann segir samskipti sín við Kim gera stöðuna á Kóreuskaga mun öruggari.

Gervigreind spilar sífellt stærra hlutverk í lífi fólks og fleiri leita til spjallmenna til að spyrja ráða, hvort sem það er í vinnu eða einkalífinu. Þetta á einnig við í skólakerfinu.Stjórnvöld í Danmörku hafa sett saman neyðaraðgerðarpakka sem samanstendur af þremur aðgerðum sem hægt er að hrinda í framkvæmd til skamms tíma til að stemma stigu við óviðeigandi notkun gervigreindar í námi og prófum.Munnleg vörn á lokaverkefni, eftirlit með skjám nemenda í prófum og að láta nemendur klára verkefni í skólum þar sem hægt er að fylgjast betur með vinnuferli þeirra, veita endurgjöf og skapa nákvæmari grunn fyrir mat.Í framhaldsskóla á Norður-Jótlandi eru nemendur nú þegar látnir klára verkefni í skólanum til að forðast svindl.

Donald Trump, forseti Bandaríkjanna, skipaði fyrir um að dregið yrði úr „óviðeigandi og fjandsamlegum“ heræfingum Bandaríkjamanna með Suður-Kóreu, aðeins fáeinum klukkustundum áður en æfingarnar áttu að hefjast.

Ísraelar og Bandaríkjamenn hafa samið um að bandarískur herforingi sjái um afvopnun Hamas-samtakanna. Jared Kushner, fulltrúi Bandaríkjastjórnar í málefnum Mið-Austurlanda, var í Ísrael í dag og hitti Benjamín Netanjahú forsætisráðherra Ísraels. Embættismaður ísraelsku stjórnarinnar sagði við AFP-fréttastofuna að þeir hefðu samþykkt þetta fyrsta skref í afvopnun Hamas. Ísraelar hafa hingað til ekki viljað draga herlið frá Gaza, ekki fyrr en Hamas hafi skilað inn vopnum sínum.Almenningur í Ísrael og á GAza er tortrygginn á viðræðurnar á sama tíma og Ben Gvir þjóðaröryggisráðherra vill gera kerfisbundnar árásir á Gaza þar sem 30–40 yrðu drepnir á dag.

Bandarískur ferðamaður lést eftir að hafa orðið fyrir eldingu í göngu á eldfjallinu Etnu á Sikiley á Ítalíu í gær.

Merki eru um kólnun í hagkerfi Kína eftir eina verstu ársfjórðungsútkomu sem mælst hefur. Nýjustu tölur benda til þess að ástandið hafi ekki skánað í júlí.Kína er næststærsta hagkerfi veraldar, á eftir Bandaríkjunum. Útkoma annars ársfjórðungs sýndi að efnahagur landsins óx um 4,3 prósent, sem er ein versta mæling síðan þær hófust á tíunda áratugnum. Markmið ríkisstjórnarinnar var hagkerfið yxi um 4,5 til 5 prósent.Mælingarnar skánuðu ekki í júlí. Samkvæmt hagstofu landsins stöðvuðust neysluútgjöld og fjárfestingar í borgum drógust hraðar saman á meðan atvinnuleysi jókst. Smásala jókst um 0,6 prósent sem er hægari vöxtur en í júní, þrátt fyrir útgjöld ferðamanna á þessum tíma árs.Sérfræðingar höfðu spáð 1,5 prósenta vexti. Hagstofan sagði öfgakennt veðurfar, bæði mikill hiti og rigningar o

Haraldur Noregskonungur hefur verið lagður inn á sjúkrahús og er kominn í tveggja vikna veikindaleyfi.Haraldur, sem er 89 ára, hefur síðustu vikur verið í meðferð vegna blóðleysis sem orsakast af skorti á rauðum blóðkornum. Sjúkdóminn er yfirleitt hægt að meðhöndla með lyfjum. Haraldur hefur verið tæpur til heilsunnar um nokkurt skeið og var síðast í febrúar lagður inn á sjúkrahús á Tenerife þar sem hann var í fríi.

Benjamín Netanjahú, forsætisráðherra Ísraels, og Jared Kushner, tengdasonur Bandaríkjaforseta og erindreki Bandaríkjastjórnar í Mið-Austurlöndum, ræddu að láta bandarískan hershöfðingja hafa eftirlit með afvopnun Hamas-samtakanna. Fyrr myndi ísraelskt herlið ekki draga sig frá Gaza. Þetta hefur AFP-fréttaveitan eftir ísraelskum embættismanni.Kushner fundaði með Netanjahú í dag í Jerúsalem eftir að hafa rætt við leiðtoga Hamas í gær um friðaráætlun á Gaza. Samtökin samþykktu að afvopnast í lok júlí. Ísrael hafnaði friðaráætluninni í síðustu viku.Embættismaðurinn sagði við AFP að Kushner og Netanjahú væru sammála um að endurbygging myndi ekki eiga sér stað á Gaza fyrr en Hamas myndi leggja niður vopn. Fyrsta skrefið í áttina að því væri að krefjast þess að Hamas afhendi vopn sín undir eftirl

Hæstiréttur Bandaríkjanna hefur aftur hafnað beiðni Donald Trump um endurupptöku í máli rithöfundarins E. Jean Carrol. Trump var árið 2023 dæmdur fyrir að hafa brotið kynferðislega gegn Carrol og fyrir ærumeiðingar í hennar garð.Þetta er í annað sinn sem Hæstiréttur hafnar beiðni Trumps um endurskoðun málsins. Í júní hafnaði Hæstiréttur Bandaríkjanna beiðni Trumps um endurupptöku en honum var gert að greiða Carrol rúma fimm milljónir dala, eða um 650 milljónir íslenskra króna, í skaðabætur vegna kynferðisbrotsins.Carrol segir Trump hafa beitt sig kynferðislegu áreiti árið 1996 og síðar haldið því fram á samfélagsmiðlum að ásakanirnar hafi verið uppspuni frá rótum. VÍSAR ÁSÖKUNUM ALFARIÐ Á BUG Carrol, sem er nú 82 ára, stefndi forsetanum og sagði hann hafa ráðist á sig í mátunarklefa í v

Hagsmunasamtök kvikmyndaveranna (Motion Picture Association) í Hollywood hafa náð samkomulagi við kínverska fyrirtækið ByteDance um leiðir til að verja höfundarréttarvarið efni. Samtökin kröfðust þess fyrr á árinu að ByteDance hætti að brjóta á höfundarrétti.ByteDance er kínverskt tæknifyrirtæki sem stendur meðal annars að baki TikTok og spunagreindinni Seedance.Þegar Seedance 2.0 var gefin út í febrúar fór að birtast mikill fjöldi myndskeiða sem unnin eru með forritinu og byggja á höfundarréttarvörðu efni, eins og Hringadróttinssögu Peters Jacksons. Stéttarfélag leikara í Bandaríkjunum fordæmdi einnig höfundarréttarbrotin. Hvað er spunagreind? Gervigreind er AI eða artifical intelligence á ensku. Spunagreind er íslenskun á hugtakinu generative AI.Hugtakið vísar til gervigreindarforrita se

Andy Burnham forsætisráðherra Bretlands átti í samskiptum við manneskju sem þóttist vera Susie Wiles, starfsmannastjóri Hvíta hússins og einn af nánustu ráðgjöfum Donalds Trump Bandaríkjaforseta.

82 hjálparstarfsmenn hafa verið drepnir það sem af er þessu ári og 97 særst. 39 hefur verið rænt. Af þeim sem drepnir voru í fyrra voru flestir, eða 186, drepnir á Gaza. Það er hættulegasti staðurinn fyrir hjálparstarfsmenn þriðja árið í röð.Þetta kemur fram í samantekt Mannúðarskrifstofu Sameinuðu þjóðanna sem gerð var í tilefni af alþjóðlegum degi hjálparstarfsmanna.Samkvæmt samantektinni voru þó ekki eins margir drepnir í fyrra og 2024. Þá voru 377 hjálparstarfsmenn drepnir.Tom Fletcher, yfirmaður mannúðarmála hjá Sameinuðu þjóðunum, segir yfir þúsund hjálparstarfsmenn hafa verið drepna á síðustu þremur árum og það sé algjörlega óásættanlegt.„En það að segja það þýðir ekki að næsta hjálparstarfsmanni verði bjargað. Ríki verða að virða alþjóðalög og nota öll tól sem þau hafa til að vernd

Andy Burnham, forsætisráðherra Bretlands, skiptist á skilaboðum við einhvern sem þóttist vera Susie Wiles, yfirmaður starfsliðs Hvíta hússins í Washington.

Ráðamenn í Bandaríkjunum eru sagðir hafa sent spurningalista á ríkisstjórnir annarra aðildarríkja Atlantshafsbandalagsins. Þar eru þessir ráðamenn meðal annars spurðir út í stuðning ríkjanna við utanríkisstefnu Donalds Trump en spurningarnar munu vera liður í áætlunum Bandaríkjamanna í að draga úr viðbúnaði í Evrópu.

Rússneskur stjórnarandstöðuþingmaður var dæmdur í rúmlega ellefu ára fangelsi fyrir að mótmæla stríðinu í Úkraínu í dag. Hæstiréttur Rússlands meinaði flokki hans að bjóða fram í þingkosningum í haust.

Sebastien Lecornu, forsætisráðherra Frakklands, greindi í dag frá aðgerðum til að hjálpa íbúum í suðvesturhluta landsins, sem urðu fyrir barðinu á gróðureldum, að byggja sig upp eftir að hafa orðið fyrir bauli frá heimamönnum sem voru óánægðir með viðbrögð stjórnvalda við hamförunum.

Jared Kushner, tengdasonur Bandaríkjaforseta og erindreki Bandaríkjastjórnar í Mið-Austurlöndum, ræðir í dag við forsætisráðherra Ísraels um friðaráætlun á Gaza. Kushner fundaði með leiðtoga Hamas í gær um áætlunina, sem stjórnvöld í Ísrael hafa þegar hafnað.Fundur Kushners og Benjamíns Netanjahú, forsætisráðherra Ísraels, hófst fyrir hádegi.Á fundinum eru einnig fulltrúar friðarráðs Trumps, sem hefur umsjón með friðaráætlun Bandaríkjaforseta fyrir Gaza, búlgarski stjórnmálamaðurinn Nickolay Mladenov og Tony Blair, fyrrverandi forsætisráðherra Bretlands.Friðarráðið náði samkomulagi við Hamas-samtökin og aðra vopnaða hópa á Gaza um að þeir skyldu afvopnast í lok júlí. Það var hluti af fimmtán punkta friðarsamkomulagi sem friðarráðið setti saman. Afvopnunin væri þó háð því að Ísraelar myndu

Leiðtogi demókrata í hermálanefnd öldungadeildar Bandaríkjaþings sagði í dag að fyrirskipun Donalds Trumps Bandaríkjaforseta um að draga úr heræfingum með bandamönnum í Suður-Kóreu væri fáránleg og handahófskennd.

Donald Trump segir að sér liggi ekkert á þegar kemur að því að binda enda á stríðið gegn Íran. Hann hvetur ráðamenn þar þó til að gefast upp hið snarasta. Um Óman, sem hefur átt í viðræðum við Íran um framtíðarstjórn á Hormússundi, segir forsetinn ráðamönnum þar að standa ekki í vegi sínum.

Donald Trump Bandaríkjaforseti hótaði að varpa sprengjum á Óman í dag ef þarlend yfirvöld stæðu í veginum fyrir samningi Bandaríkjanna við Íran um Hormússund. Þá kallaði forsetinn eftir uppgjöf Írans.

Donald Trump Bandaríkjaforseti hefur hótað því að gera sprengjuárásir á Óman, standi stjórnvöld þar í vegi fyrir samkomulagi um opnun Hormússunds.Forsetinn lét þessi orð falla í viðtali á Fox News í morgun. "Ef Óman þvælist fyrir, þá sprengjum við þá í tætlur," sagði Trump.Írönsk stjórnvöld greindu frá því í morgun að þau ynnu að lokafrágangi samkomulags við stjórnvöld í Óman um framtíð siglinga um Hormússund. Bandaríkin hafa krafist þess að sundið verði opnað að fullu. Ekki liggur fyrir hvort samkomulagið uppfyllir þær kröfur.Talsmaður íranska utanríkisráðuneytisins sagði í morgun að Íran og Óman hefðu náð samkomulagi. Hann skýrði ekki frekar frá því hvað fælist í samkomulaginu. AP-fréttastofan segir að upplýsingar hafi komið sem bendi til þess að siglingaleið inn í Persaflóa um Hormússun

Liðsauki úr lofti er á leið til Belgíu í dag til að aðstoða við að berjast við verstu gróðurelda í landinu í heila öld, en útbreiðsla eldsins var takmörkuð í nótt eftir að menn óttuðust að hann myndi yfir til Þýskalands.

Ný réttarhöld gegn Alex Murdaugh munu ekki fara aftur fram í heimasýslu hans í Suður-Karólínu, fari þau yfir höfuð fram. Murdaugh var dæmdur árið 2023 fyrir að myrða eiginkonu sína og son í dómsmáli sem naut mikillar athygli um heiminn allan.

Fjarlægja þurfti gamm sem neitaði að fara af væng farþegaþotu Ryanair sem beið eftir flugtaki á grísku eyjunni Krít, en þetta var gert til að koma í veg fyrir hugsanlegar skemmdir á flugvélinni.

Andy Burnam, forsætisráðherra Bretlands, átti í samskiptum við manneskju sem þóttist vera Susie Wiles, starfsmannastjóri Hvíta hússins. Bandaríski fjölmiðillinn Politico greindi frá.Samkvæmt Politico skiptist Burnham á skilaboðum við manneskjuna áður en hann hafi farið að gruna að þetta væri ekki Wiles. Þau áttu ekki í samtali, aðeins samskiptum gegnum skilaboð.Politico hefur þetta eftir fjórum embættismönnum, sem allir gæta nafnleyndar til að ræða málefni er varða þjóðaröryggi. Tveir embættismenn segja starfsmenn breska sendiráðsins í Washington, höfuðborg Bandaríkjanna, hafa verið svo áhyggjufulla yfir atvikinu að þeir hafi rætt það við fulltrúa í Hvíta húsinu.Talsmaður bresku ríkisstjórnarinnar sagðist ekki tjá sig um málefni er varða þjóðaröryggi. Ein manneskja sem var upplýst um samsk

Andy Burnam, forsætisráðherra Bretlands, átti í samskiptum við manneskju sem þóttist vera Susie Wiles, starfsmannastjóri Hvíta hússins. Bandaríski fjölmiðillinn Politico greindi frá.Samkvæmt Politico skiptist Burnham á skilaboðum við manneskjuna áður en hann hafi farið að gruna að þetta væri ekki Wiles. Þau áttu ekki í samtali, aðeins samskiptum gegnum skilaboð.Politico hefur þetta eftir fjórum embættismönnum, sem allir gæta nafnleyndar til að ræða málefni er varða þjóðaröryggi. Tveir embættismenn segja starfsmenn breska sendiráðsins í Washington, höfuðborg Bandaríkjanna, hafa verið svo áhyggjufulla yfir atvikinu að þeir hafi rætt það við fulltrúa í Hvíta húsinu.Talsmaður bresku ríkisstjórnarinnar sagðist ekki tjá sig um málefni er varða þjóðaröryggi. Ein manneskja sem var upplýst um samsk

Rektor Cambridge-háskóla í Bretlandi fordæmdi í dag „rasískt æði“ sem kviknaði vegna ásakana um ritstuld á hendur svarta fræðimanninum Jason Arday, sem fannst látinn í síðustu viku eftir að hafa sagt starfi sínu lausu.

Ráðamenn í Bandaríkjunum vilja ólmir senda hermenn til Mið- og Suður-Ameríku, þar sem þeir eiga að herja á leiðtoga og meðlimi glæpasamtaka sem smygla fíkniefnum til Bandaríkjanna. Á undanförnum mánuðum hafa Bandaríkjamenn fellt fleiri en tvö hundruð manns í loftárásum á meinta smyglara sem eiga að hafa verið að smygla fíkniefnum til Bandaríkjanna.

Donald Trump Bandaríkjaforseti hefur skipað varnarmálaráðuneyti sínu að draga verulega úr samstarfi Bandaríkjahers við Suður-Kóreu. Hann segir enga ógn stafa af Norður-Kóreu þrátt fyrir vígvæðingu alræðisríkisins.

Risastór stytta af Maríu mey, sem talin er vera sú hæsta í Evrópu, var vígð á laugardag í litlu pólsku þorpi. Styttan er 56 metra há. Bæjaryfirvöld vonast til þess að minnisvarðinn verði mikilvægur pílagrímastaður og ferðamannastaður. Útsýnispallur er byggður inn í stall styttunnar.

Mykhailo Fedorov, fyrrverandi varnarmálaráðherra Úkraínu, segir mögulegt að Úkraínuher muni geta gert árás á Rússland með heimsmíðaðri eldflaug á næstu þremur til sex mánuðum.

Jared Kushner, sérlegur erindreki Donalds Trump og tengdasonur kom óvænt til Ísraels í morgun og er búist við því að hann hitti Benjamín Netanjahú á fundi síðar í dag. Kushner fundaði með leiðtogum Hamas samtakanna í gær um hvernig hægt verði að koma friðarferli af stað á svæðinu.

Suður sem heyrist þegar hreyflar dróna fara af stað þekkja orðið flestir. Þetta litla flygildi sem á um áratug hefur orðið gríðarvinsælt meðal ljósmyndara, áhrifavalda og dellukalla. Drónar eru jafnvel orðnir vinsælar fermingargjafir enda hægt að fá vandað tæki sem flýgur um fyrir hundrað þúsund kall.En dróni getur líka verið allt annars eðlis.Í Úkraínu er hann vopn. Í upphafi voru það hugvitsamir Úkraínumenn sem fundu upp á því að festa handsprengjur við dótadróna með heimagerðum millistykkjum, fljúga þeim í átt að rússneskum hersveitum og varpa sprengjunni á þær úr lítilli hæð.Ódýr og einföld lausn. Ódýr og einföld lausn sem aðrir veittu athygli.Á nokkrum misserum er dróninn orðinn eitt aðalvopnið í Úkraínu, beggja vegna víglínunnar, en líka í Íran og meira að segja í borgarastyrjöldinni

Leikkonan Hayden Panettiere er látin. Hún var 36 ára gömul. Panettiere var þekktust fyrir hlutverk sín í sjónvarpsþáttunum Heroes og Nashville og fyrir kvikmyndirnar Scream 4 og Scream 6.

Fjórum sérlega verðmætum listaverkum frá endurreisnartímabilinu var rænt frá listasafni í Messina á Sikiley á laugardag. Verkin eru eftir listamanninn og heimamanninn Antonello da Messina og eru frá 14. öld og talin meðal hans merkilegustu verka.Þrjú verkanna eru hluti af sex veggspjöldum sem saman mynduðu altaristöflu í San Gregori-klaustrinu. Fjórða verkið sem þjófarnir rændu var stakt verk með málverk á báðum hliðum. The Guardian segir að ránið hefði geta verið enn stærra, en af einhverri undarlegri ástæðu skildu þjófarnir eftir tvö veggspjöld úr altaristöflunni fyrir utan safnið.Verðmæti listaverkanna hefur ekki verið gefið upp en nýverið keypti ítalska ríkið verkið Ecce Homo eftir da Messina á uppboði í New York fyrir tæpar 13 milljónir evra, eða 1,8 milljarða íslenskra króna.Borgarst

Fjórum sérlega verðmætum listaverkum frá endurreisnartímabilinu var stolið úr listasafni í Messina á Sikiley á laugardag. Þau eru frá 14. öld og eru talin meðal merkilegustu listaverka Antonello da Messina.Þrjú verkanna eru hluti af sex veggspjöldum sem saman mynduðu altaristöflu í San Gregori-klaustri. Fjórða verkið er málverk á báðum hliðum. The Guardian segir að þjófarnir hafi skilið eftir tvö veggspjöld úr altaristöflunni fyrir utan safnið.Verðmæti listaverkanna hefur ekki verið gefið upp en nýverið keypti ítalska ríkið verkið Ecce Homo eftir da Messina á uppboði í New York fyrir tæpar 13 milljónir evra, eða 1,8 milljarða íslenskra króna.Borgarstjóri Messina, Federico Basile, segir þjófnaðinn ámælisverðan en einnig sorglegan því hann átti sér stað þegar mikil hátíðarhöld stóðu yfir í b

Bandaríska leikkonan Hayden Panettiere er látin 36 ára að aldri. Ekki liggur fyrir hvernig andlát hennar bar að en faðir hennar, Skip Panettiere, greindi frá andláti hennar. Hann sagði fjölskyldu hennar harmi slegna og bað hana um frið til að átta sig á þessum mikla missi.Panettiere byrjaði að leika í kvikmyndum og sjónvarpsþáttum á barnsaldri. Hún er hvað þekktust fyrir hlutverk sín í sjónvarpsþáttunum Heros og Nashville og í kvikmyndunum Remember the Titans, Scream 4 og Bring it on: All or Nothing.Leikkonan var opinská um erfiðleika sína sem fylgt hafa frægðinni, fyrst sem barnastjarna og síðar sem fullorðin leikkona. Hún sagði einnig frá baráttu sinni við áfengi og fæðingarþunglyndi og í maí á þessu ári gaf hún út ævisöguna „This Is Me: A Reckoning.“Panettiere lætur eftir sig eina dóttu

Donald Trump, forseti Bandaríkjanna, fagnar nýju varnarsamkomulagi Sádi-Arabíu, Tyrklands og Pakistans.„Þetta sýnir hvernig Miðausturlönd eru að taka höndum saman og hvernig ríki munu loksins geta varið sig á markvissari hátt,“ skrifaði Trump í færslu á Truth Social í kvöld.Samningurinn var undirritaður fyrr í þessum mánuði og kveður á um að árás á eitt ríkjanna þriggja jafngildi árás á þau öll. Ríkin ætli að auka samstarf um heræfingar, þjálfun, upplýsingamiðlun og hernaðartækni.AFP-fréttaveitan hefur eftir sádiarabískum heimildarmanni tengdum her og ríkisstjórn, sem krefst nafnleyndar, að stríð Bandaríkjanna gegn Íran hafi orðið til þess að flýta samkomulaginu, sem hafi verið í undirbúningi mánuðum saman.Sádi-Arabía og Pakistan gerðu þegar með sér tvíhliða varnarsamning í fyrra, en Tyrkl

Að minnsta kosti 2.325 hafa látist úr ebólu í Lýðstjórnarlýðveldinu Kongó. Stjórnvöld landsins segja að þetta sé mannskæðasti ebólufaraldur í sögu landsins og fleiri hafa dáið úr faraldrinum nú en á árunum 2018-2020. Þá fórust um 2.280 úr veirunni og um 3.500 smituðust af henni.Lýðheilsustofnun Kongó sagði í gær að staðfest tilfelli væru ríflega 4.900, þar með talið um hundrað tilfelli sem greinst hafa síðasta sólarhringinn. Sameinuðu þjóðirnar hafa varaði við hraðri útbreiðslu veirunnar og segja að einn látist úr veirunni á hálftíma fresti.Flestir eru smitaðir af bundibugyo-afbrigði ebóluveirunnar. Afbrigðið hefur ekki sést í rúman áratug og það eru hvorki til lyf né bóluefni gegn því. Unnið er að því að þróa bóluefni en það gæti tekið nokkra mánuði í þróun.

Donald Trump Bandaríkjaforseti hefur skipað Pete Hegseth varnarmálaráðherra að skera niður í sameiginlegri heræfingu Bandaríkjanna og Suður-Kóreu. Bandaríkjaforseti tilkynnti um þessa ákvörðun í færslu á Truth Social í kvöld.Hann segir að þar sem samband hans og Kim Jong Un, leiðtoga Norður-Kóreu, sé gott sé hann ekki ánægður með að Bandaríkin hafi fyrir löngu fallist á að taka þátt í sameiginlegri heræfingu með Suður-Kóreu.Þessar heræfingar séu ekki aðeins kostnaðarsamar, heldur sendi þær skilaboð sem séu óviðeigandi og óvinveitt til lands sem í forsetatíð hans hafi ekki verið með hótanir og sýnt virðingu.Bandaríkjaforseti segir að of seint sé að hætta við æfinguna og því hafi hann fyrirskipað Hegseth að minnka umfang hennar. Þá sagði Trump að hann hefði nýverið spurt forseta Suður-Kóreu

724 flutningabílar með alþjóðlega neyðaraðstoð komu til Afganistan í dag frá Pakistan. Bílalestin fór yfir landamærin í Torkham en landamæri milli landanna hafa verið nær alveg lokuð síðan í október.Bílarnir fluttu matvæli og ýmsan varning til Afganistan en mikil þörf er fyrir neyðaraðstoð í landinu. Vannæring barna er mikil og talið er að allt að 14 milljónir Afgana þurfi á matvælaaðstoð að halda vegna hungurs.Jarðskjálftar, loftslagsbreytingar og endurkoma milljóna afganskra flóttamanna frá Íran og Pakistan undanfarið hafa aukið þörf fyrir neyðaraðstoð verulega.Erfitt hefur verið að veita þjóðinni neyðaraðstoð vegna landamæralokana. Flytja átti næringarmikið kex til afganskra skólabarna frá Pakistan fyrr á þessu ári en það gekk ekki upp og því var það flutt frá Íran.Síðan lokaðist sú flu

724 flutningabílar með alþjóðlega neyðaraðstoð komu til Afganistans í dag frá Pakistan. Bílalestin fór yfir landamærin í Torkham en landamærin hafa verið nær alveg lokuð síðan í október.Bílarnir fluttu matvæli og ýmsan varning til Afganistans en mikil þörf er fyrir neyðaraðstoð í landinu. Vannæring barna er mikil og talið er að allt að 14 milljónir Afgana þurfi á matvælaaðstoð að halda vegna hungurs.Jarðskjálftar, loftslagsbreytingar og endurkoma milljóna afganskra flóttamanna frá Íran og Pakistan undanfarið hafa aukið þörf fyrir neyðaraðstoð verulega.Erfitt hefur verið að veita þjóðinni neyðaraðstoð vegna landamæralokana. Flytja átti næringarríkt kex til afganskra skólabarna frá Pakistan fyrr á þessu ári en það gekk ekki upp og því var það flutt frá Íran.Síðan lokaðist sú flutningsleið ve

Donald Trump Bandaríkjaforseti sagðist í kvöld ekki vera ánægður með þátttöku Bandaríkjanna í sameiginlegum heræfingum með Suður-Kóreu og væri að draga úr umfangi æfinganna sem hefjast á mánudag og er ætlað að fæla Norður-Kóreu frá.

Íranski herinn tilkynnti í dag að hann byði verðlaunafé að andvirði 30.000 bandaríkjadala, um 3,7 milljónir króna, fyrir að drepa eða handsama bandaríska hermenn, og yrðu verðlaunin tvöfölduð ef kona ynni verkið.

Eldra par lést í gróðureldum fyrir utan heimili sitt á grísku eyjunni Salamis í dag. Tveir eldar kviknuðu með stuttu millibili á fjölsóttum ströndum og dreifðust hratt vegna sterkra vinda í dag.Margt fólk hefur flúið og fimm hundruð hafa verið flutt af eyjunni. Hún er nálægt Aþenu, höfuðborg Grikklands, og þar búa um 37 þúsund. Margir íbúarnir eru eldri borgarar.Um 200 slökkviliðsmenn reyndu að koma í veg fyrir að eldarnir tveir á Salamis næðu saman í dag. Ekki liggur fyrir hvernig þeir kviknuðu.

Tveir létust og mörg hundruð manns voru flutt á brott af grísku eyjunni Salamis sem er nærri höfuðborginni Aþenu en tveir gróðureldar kviknuðu „nánast samtímis“ eða um klukkan 14:40 á staðartíma og svo tuttugu mínútum seinna. Fyrri eldurinn kviknaði á suðurströnd eyjunnar og að sögn slökkviliðsyfirvalda í Grikklandi breiddist hann gríðarlega hratt út vegna hvassviðris.

Nýleg rannsókn meðal foreldra ungra skólabarna, sem stjórnendur norsku fylkjanna Akershus og Buskerud höfðu af veg og vanda, dregur fram miklar áhyggjur þar í fylkjunum af börnum á leið til og frá skóla vegna umferðar rafmagnshlaupahjóla.

Rúta frá Póllandi keyrði út af þjóðvegi og hafnaði ofan í skurði í Ungverjalandi í nótt. Tólf eru látnir og fleiri tugir slasaðir.Rútan var á leið frá Serbíu til Póllands með pólska ferðamenn þegar hún hafnaði utan vegar. Slysið varð um 140 kílómetra austan við Búdapest, höfuðborg Ungverjalands.Fimmtíu og sjö voru um borð auk tveggja bílstjóra. Tólf eru látnir og minnst tíu eru alvarlega slasaðir. Minnst fimm eru í lífshættu. Þrjátíu og sjö farþegar eru með minniháttar áverka.Gabor Posfai, innanríkisráðherra Ungverjalands, segir að bílstjórinn sé í haldi. Talið er að hann hafi sofnað undir stýri. Donald Tusk, forsætisráðherra Póllands, ætlar að senda flugvél til að sækja þá farþega sem eru ferðafærir.Tveir kranar voru notaðir til að lyfta rútunni úr skurðinum. Þjóðveginum sem slysið varð á

Tveir létust og hundruð manna þurftu að yfirgefa heimili sín þegar tveir gróðureldar brutust út á grísku eyjunni Salamis, skammt frá Aþenu, í dag.

Átök gætu brotist út í Írak á milli yfirvalda og vopnaðra sveita sem tengjast stjórnvöldum í nágrannalandinu Íran. Fyrir liggur að Bandaríkin hafa lagt áherslu á að bregðast við lokun Írana á Hormússundi með því að koma upp olíuleiðslum, m.a

Skógareldarnir í Belgíu eru þeir verstu í sögu landsins.Eldarnir loga í þjóðgarði, nærri landamærunum við Þýskaland, og íbúar í nærliggjandi þorpum hafa yfirgefið heimili sín.Eldarnir brutust út á föstudag og síðan þá hafa slökkviliðsmenn notast við þyrlur við slökkvistarf.Dregið hefur úr ákafa skógarelda sem hafa geisað í Frakklandi og Austurríki. MIKILL VINDUR ERFIÐAR SLÖKKVISTARF Mikill vindur hefur gert slökkvistarf erfitt, segir Gregory Mellotte slökkviliðsstjóri, en allt er reynt til að reyna að hefta útbreiðslu eldanna.Bændur hafa aðstoðað við slökkvistarf.Í Huesca, á Spáni, er enn barist við skógarelda sem hafa nú þegar brunnið á yfir fimmtán þúsund hekturum lands.Yfir þúsund íbúar hafa þurft að yfirgefa heimili sín. Bóndi sem spænska sjónvarpið ræddi við segist gera það sem han

Bílstjóri pólsku rútunnar sem valt á hraðbraut í Ungverjalandi í nótt hefur verið handtekinn en fyrstu upplýsingar lögreglu benda til þess að hann hafi sofnað undir stýri.

Íslenskur blaðamaður búsettur í Kænugarði var vakinn um þrjúleytið í nótt við sprengingar. Rússar gerðu umfangsmikla eldflauga- og drónaárás á úkraínsku höfuðborgina í nótt.

Fimmtíu, hið minnsta, hafa fundist látin eftir jarðskjálfta sem skók Flores-eyju í Indónesíu á föstudag.Fimm þúsund hafa flúið heimili sín og margir halda til utandyra af ótta við eftirskjálfta.Björgunarlið leitar enn í rústum húsa eftir skjálftann, sem var 7,7 að stærð.Talið er að hátt í þúsund byggingar hafi skemmst en það mun taka tíma að meta umfang skemmda vegna þess hve dreifbýl byggð er á eyjunni. SKÓLAR OG SJÚKRAHÚS URÐU FYRIR SKEMMDUM Skólar, sjúkrahús og opinberar stofnanir urðu fyrir skemmdum.Sjúklingar fá læknisaðstoð utandyra en erfiðlega hefur gengið að koma nauðsynlegum hjálpargögnum á svæðin sem urðu verst úti. Margir vegir lokuðust vegna aurskriða sem féllu eftir skjálftann.Þúsundir gistu utandyra í nótt af ótta við eftirskjálfta og ljóst er að áhrif skjálftans á dagleg

Fjórum verðmætum málverkum eftir endurreisnarlistamanninn Antonello da Messina hefur verið stolið af safni á Sikiley við Ítalíu, að því er menningarmálaráðuneyti landsins greindi frá í dag.

Lenny Fernández lést þegar byggingin sem hún var í hrundi í öflugum jarðskjálfta í Kólumbíu. Fjölskylda hennar segir hana hafa bjargað lífi hundsins síns, Salomon, með því að verja hann með líkama sínum þegar húsið féll saman.

Að minnsta kosti fimm eru látnir eftir stórfelldar dróna- og eldflaugaárásir Rússa í Úkraínu í nótt. Áfram skiptast ríkin á drónum og eldflaugum en úkraínsk drónaárás hæfði vöruhús netverslunarrisans rússneska Wildberries sem stóð í ljósum logum í morgun.

Hreinsunarstarf er hafið í Kólumbíu eftir öflugan jarðskjálfta sem reið yfir fyrir viku.Borgin Pereira, í vesturhluta landsins, varð einna verst úti í skjálftanum sem var 7,4 að stærð. Borgin er í stærsta kaffiræktunarhéraði landsins og aðeins 55 kílómetra frá miðju skjálftans.Björgunarlið hafa leitað þeirra sem enn er saknað, í kappi við tímann, en vonir um að finna fólk á lífi hafa dvínað mikið.Yfirvöld gáfu íbúum leyfi til þess að sækja persónulega muni í skemmdar byggingar í gær.Hreinsunarstarf er hafið í Kólumbíu eftir öflugan jarðskjálfta sem reið yfir fyrir viku. UNICEF, Barnahjálp Sameinuðu þjóðanna, óttast áhrif og eftirköst skjálftans á börn. UNICEF HEFUR STARFAÐ Í PEREIRA OG CALI Í TUTTUGU ÁR Borgin Cali, sem er þriðja stærsta borg landsins, varð einnig illa úti í skjálftanum

Hreinsunarstarf er hafið í Kólumbíu eftir öflugan jarðskjálfta sem reið yfir fyrir viku.Borgin Pereira, í vesturhluta landsins, varð einna verst úti í skjálftanum sem var 7,4 að stærð. Borgin er í stærsta kaffiræktunarhéraði landsins og aðeins 55 kílómetra frá miðju skjálftans.Björgunarlið hafa leitað þeirra sem enn er saknað, í kappi við tímann, en vonir um að finna fólk á lífi hafa dvínað mikið.Yfirvöld gáfu íbúum leyfi til þess að sækja persónulega muni í skemmdar byggingar í gær.Hreinsunarstarf er hafið í Kólumbíu eftir öflugan jarðskjálfta sem reið yfir fyrir viku. UNICEF, Barnahjálp Sameinuðu þjóðanna, óttast áhrif og eftirköst skjálftans á börn. UNICEF HEFUR STARFAÐ Í PEREIRA OG CALI Í TUTTUGU ÁR Borgin Cali, sem er þriðja stærsta borg landsins, varð einnig illa úti í skjálftanum

Skilti sem bannar drónaflug næst Spaskaya-turninum í Moskvu.EPA / SERGEI ILNITSKYAð minnsta kosti þrír voru drepnir í drónaárásum Úkraínuhers á Rostov í Rússlandi í nótt. Miklar drónaárásir voru einnig gerðar á Moskvu.Borgarstjórinn Sergei Sobyanin segir í færslu á Max að 600 drónum hafi verið beint að borginni, en um tvö hundruð hafi verið stöðvaðir fyrir utan hana.Héraðsstjóri Moskvuhéraðs, Andrey Vorobyov, sagði árásina eina stærstu drónaárás sem gerð hafi verið á borgina. Heimildum ber ekki saman um fjölda særðra. Þá braust út eldur í drónaárás á vöruhús Wildberries í Podolsk suður af Moskvu.Þrír voru drepnir í árásum Rússa í Úkraínu í nótt og yfir tuttugu særðust.

Tólf manns létu lífið og tugir slösuðust þegar pólsk ferðamannarúta fór út af hraðbraut í Ungverjalandi og hafnaði í skurði. Talið er að bílstjórinn hafi sofnað undir stýri.

Pólsk rúta valt á hraðbraut í Ungverjalandi í nótt með þeim afleiðingum að 12 manns létu lífið og að minnsta kosti 10 slösuðust alvarlega, að sögn Peter Magyar forsætisráðherra og ungversku lögreglunnar.

Pólsk rúta valt á hraðbraut í Ungverjalandi í nótt með þeim afleiðingum að 12 manns létu lífið og að minnsta kosti 10 slösuðust alvarlega, að sögn Peter Magyar forsætisráðherra og ungversku lögreglunnar.

Spænsk F-18 orrustuþota skaut niður ómannaðan dróna í loftrými Rúmeníu, nærri borginni Galati við landamæri Moldóvu í nótt. Spænski flugherinn sinnir loftrýmisgæslu í Rúmeníu um þessar mundir á vegum Atlantshafsbandalagsins.Uppruni drónans er óþekktur en rúmenska varnarmálaráðuneytið segir að dróninn hafi flogið ólöglega inn í loftrými Rúmeníu frá Moldóvu.Þetta er fjórði dróninn sem er skotinn niður í landinu á þessu ári. Rúmenskar orrustuþotur skutu niður þrjá rússneska dróna sem komu inn í loftrými Rúmeníu í júlí.Fréttastofa Reuters segir að drónar hafi ítrekað flogið inn í loftrými landsins síðan innrás Rússa hófst í Úkraínu í febrúar 2022.

Þúsundir aðdáenda velsku söngkonunnar Bonnie Tyler komu saman í Mumbles í suður Wales í gær til að votta söngkonunni virðingu sína þegar kista hennar var flutt í líkvagni áleiðis til Swansea þar sem hún verður jörðuð á mánudag.Kistan var umvafin velska fánanum og til hliðar var innrömmuð mynd af söngkonunni. Aðdáendurnir klöppuðu þegar eitt hennar þekktasta lag var spilað, Total Eclipse of the Heart.Bonnie Tyler lést á spítala í Portúgal í síðasta mánuði, 75 ára að aldri. Skírnarnafn hennar var Gaynor Hopkins og hún ólst upp í námuþorpi norðvestur af Swansea.Hún var sannkölluð drottning 9. áratugarins og þekkt fyrir sína einstöku rámu rödd. Eftir hana liggja fjölmargir þekktir slagarar, líkt og It´s a heartache, Holding out for a Hero að ógleymdu Total Eclipse of the Heart.

Konur geta nú erft krúnuna í furstadæminu Liechtenstein eftir lagabreytingu sem tilkynnt var um á þjóðhátíðardegi landsins í gær. Erfðaprinsinn Alois greindi frá því að lögum um erfðaröð verði breytt innan tíðar og sagði að tveir þriðju furstafjölskyldunnar hefðu samþykkt þessa breytingu. Frumburðurinn erfir krúnuna, óháð kyni.Furstinn Hans-Adam II er þjóðhöfðingi landsins. Erfðaprinsinn Alois, elsti sonur hans er 58 ára og tilvonandi fursti. Hann heur gegnt flestum opinberum skyldum síðustu tvo áratugi.Næstur í erfðaröðinni er Joseph Wenzel prins, sem er elstur fjögurra barna Alois og er 31 árs gamall. Tíminn mun svo leiða í ljós hvort hann eignist fursta eða fyrstu furstynju af Liecthenstein. KONUR FENGU KOSNINGARÉTT ÁRIÐ 1984 Um 44.000 búa í Liechtenstein sem liggur á milli Sviss og

Fjölskyldur ganga fram hjá kistum látinna ástvina í minningarathöfn um fórnarlömb ferjuslyssins. Að minnsta kosti 114 farþegar voru um borð auk ótilgreinds fjölda barna.AP / Mkhululi ThobelaYfirvöld í Simbabve segja að fjöldi látinna í ferjuslysi á Kariba-vatni fyrir vikunni sé kominn upp í 72. 77 var bjargað.Ferjunni hvolfdi á þriðjudag í miklum öldugangi og enn er nokkurra leitað. Flestir farþeganna voru þorpsbúar og fiskkaupmenn sem búa við vatnið.Yfirvöld segja að ferjan hafi verið með leyfi fyrir 90 farþega, en að minnsta kosti 114 farþegar voru um borð, auk fimm manna áhafnar og ótilgreinds fjölda barna.Þetta er eitt mannskæðasta ferjuslys í sögu landsins.

Fjölskyldur ganga fram hjá kistum látinna ástvina í minningarathöfn um fórnarlömb ferjuslyssins. Að minnsta kosti 114 farþegar voru um borð auk ótilgreinds fjölda barna.AP / Mkhululi ThobelaYfirvöld í Simbabve segja að fjöldi látinna í ferjuslysi á Kariba-vatni fyrir vikunni sé kominn upp í 72. 77 var bjargað.Ferjunni hvolfdi á þriðjudag í miklum öldugangi og enn er nokkurra leitað. Flestir farþeganna voru þorpsbúar og fiskkaupmenn sem búa við vatnið.Yfirvöld segja að ferjan hafi verið með leyfi fyrir 90 farþega, en að minnsta kosti 114 farþegar voru um borð, auk fimm manna áhafnar og ótilgreinds fjölda barna.Þetta er eitt mannskæðasta ferjuslys í sögu landsins.

Yfirvöld í Marokkó handtóku 294 í gær sem ætluðu að fara frá Marokkó yfir til spænsku hólmlendunnar Ceuta. Marokkóski fjölmiðillinn Le360 greinir frá.Fólkið sem var handtekið er marokkóskir ríkisborgarar og ríkisborgarar frá löndum sunnan Sahara. Yfirvöld í Marokkó og í Ceuta hafa aukið öryggisgæslu á landamærunum vegna orðróms um að hópur fólks ætli að fara yfir landamærin um helgina.Fyrir tveimur vikum komust um 72.000 yfir til Ceuta yfir nokkurra daga tímabil. Miklum meirihluta þeirra hefur verið vísað aftur til Marokkó.Yfirvöldum ber ekki saman um hversu margir fórust við það að reyna að komast til Ceuta. Marokkósk yfirvöld segja að ellefu hafi farist en spænsk yfirvöld segja að minnsta kosti 80 hafa farist.Marokkósk mannréttindasamtök áætla að að minnsta kosti 141 hafi farist.

Fimm særðust í skotárás í Ríkisháskóla Virginíu (Virginia State University). Grunur leikur á að fleiri en einn hafi verið að verki og er einn hinna særðu í lífshættu.

Nýr forseti Kólumbíu, Abelardo de la Espriella, hefur skorað á Donald Trump forseta Bandaríkjanna að fella niður tolla sem nú beinast að Suður-Amerísku þjóðinni, sem glímir við afleiðingar mannskæðs jarðskjálfta.

Tjónið er mikið og þúsundir hafa flúið heimili sín eftir að jarðskjálfti af stærðinni 7,7 reið yfir Indónesíu í gærkvöld.Skjálftinn átti upptök sín undan ströndum Flores-eyju. Óttast er að margir hafi slasast. Björgunarlið hefur ekki enn komist á afskekkt svæði sem talið er að hafi orðið illa úti.Flóðbylgjuviðvörun var gefin út en var afturkölluð þremur klukkustundum síðar. Fjöldi eftirskjálfta hefur orðið, sá stærsti 6,1 að stærð.Sjúkrahús voru rýmd og sjúklingum komið fyrir utandyra af ótta við frekari skjálfta.

Flóð og aurskriða á norðvesturhluta Spánar urðu tveimur eldri konum að bana í dag og tvö ungbörn slösuðust, samkvæmt upplýsingum frá neyðarþjónustu á svæðinu.

Ríkisstjórn Talíbana í Afganistan fagnaði því í dag að fimm ár eru liðin frá því að höfuðborg landsins, Kabúl, var hertekin. Brynvarðir bílar skreyttir fánum keyrðu um stræti og fulltrúar ríkisstjórnarinnar tjáðu sig fjálglega um árangur hennar.

Ríkisstjórn Talíbana í Afganistan fagnaði því í dag að fimm ár eru liðin frá því að höfuðborg landsins, Kabúl, var hertekin. Brynvarðir bílar skreyttir fánum keyrðu um stræti og fulltrúar ríkisstjórnarinnar tjáðu sig fjálglega um árangur hennar.

Kólumbísk kona, sem var bjargað eftir að hafa verið föst í nærri 37 klukkustundir undir rústum í kjölfar öflugs jarðskjálfta á mánudag, er látin af sárum sínum.

Stærsta tónlistarstreymisveita heims, Spotify, ætlar að búa til sérstakt merki til að aðgreina gervigreindartónlistarmenn frá mennsku tónlistarfólki. Markmiðið er að aðgreina djúpfalsaða listamenn frá raunverulegum flytjendum sem gætu tapað tekjum á streymi sem flyst frá þeim til „gervi“-keppinauta.Spotify tilkynnti breytingarnar í vikunni en þær taka gildi um miðjan september. Gervigreindarlistamenn verða merktir með sérstöku „AI persona“-merki og verða sjálfkrafa útilokaðir frá sérsniðnum ráðleggingum sem algóritmi leggur til.„Hlustendur hafa sagt okkur skýrt að þeim líki ekki að sjá heimasíður listamanna sem líti út fyrir að vera mennskir en komast svo að því að þeir séu búnir til með gervigreind,“ segir í tilkynningunni.Merkið á að gefa til kynna að listamaðurinn geti verið búinn til m

Andalúsíuhátíðin Feria de Agosto er hafin í Málaga á Suður-Spáni, tíu daga löng hátíðarhöld þegar íbúar Málaga og spænska sjálfsstjórnarhéraðsins Andalúsíu minnast þess þegar kaþólsku konungshjónin Ísabella I frá Kastilíu og Ferdínand II frá Aragóníu sigruðu síðasta virki Mára árið 1487.

Fimm eru særðir, þar af einn lífhættulega, eftir skotárás í ríkisháskóla Virginíu-ríkis (e. Virginia State University) í Bandaríkjunum. Lögreglumenn brugðust við tilkynningu um árásina snemma morguns.Á vettvangi fundu lögreglumenn fimm með áverka. Fjórir voru með áverka sem ekki voru taldir lífshættulegir en einn er alvarlega særður. Allir voru fluttir á spítala.Ójóst er hvort árásarmaðurinn eða mögulegir árásarmenn hafi verið handteknir eða ekki.Háskólanum var lokað í kjölfar árásarinnar en hefur verið opnaður á ný. Enn er þó mikill fjöldi lögreglumanna á vettvangi.Um 5.700 nemendur eru í háskólanum sem staðsettur er um 20 mílur frá borginni Richmond sem er höfuðborg Virginíu-ríkis. Háskólinn var sá fyrsti í Bandaríkjunum sem hlaut fullan ríkisstuðning til fjögurra ára náms fyrir svarta B

Ellefu voru drepnir, þar af þrjú börn, og þrír særðust í loftárás Ísraela á suður Líbanon. Líbanska fréttastofan NNA segir að árásin hafi verið gerð á útjaðri þorpsins Ansar. Önnur árás var gerð í bænum Deir al-Zahrani.Þetta er mesta mannfall í Líbanon síðan Ísraelar og Hezbollah samþykktu vopnahlé í júní.Ísraelsher segir skotmark árásarinnar hafa verið innviðir Hezbollah-samtakanna. Hún hefði verið gagnárás vegna árásar á ísraelska hermenn. Yfirvöld í Líbanon segja loftárás Ísraela hins vegar hafa beinst að híbýlum fjölskyldna á flótta.Viðvarandi átök Ísraels og Hezbollah tengjast stríði Bandaríkjanna og Írans. Hezbollah-samtökin, sem eru líbönsk en tengjast Íran, skutu eldflaugum á Ísrael eftir að æðstiklerkur Írans var drepinn í mars. Ísrael brást við með því að ráðast inn í Líbanon.

Andy Burnham, forsætisráðherra Bretlands, hefur beðið landsmenn að taka sér andartak til íhugunar eftir að Jason Arday, prófessor við Cambridge-háskóla, fannst látinn. Burnham lýsir dauða Arday sem harmleik. Hann fannst látinn stuttu eftir að hann sagði af sér vegna ásakana um ritstuld.Arday, sem var 41 árs, fannst látinn á heimili sínu í gær. Mikið fjölmiðlafár var í kringum hann stuttu fyrir dauða hans. Deilur hófust þegar Nathan Cofnas, sem starfaði fyrir Cambridge-háskóla en var sagt upp 2024, sakaði Arday um ritstuld. Sjálfur skilgreinir Cofnas sig sem kynþáttaraunsæismann, sem felur í sér að og trúir að það sé líffræðilegur munur á kynþáttum mannkynsins.Sjálfur neitaði Arday ásökunum og sagði að rekja mætti villur í skrifum hans til einhverfu og hvernig hann leitaðist við að skilja u

Forsætisráðherra Bretlands segir fráfall fræðimannsins Jason Arday kalla á umhugsun. Arday sagði af sér prófessorsstöðu við Cambridge-háskóla vegna ásakana um ritstuld sem hann sagði sprottnar af kynþáttafordómum.

Hugsanlegu stórslysi var afstýrt í gær þegar flugumferðarstjóri í Phoenix í Bandaríkjunum áttaði sig á því að tvær farþegaþotur American Airlines flugu fyrir mistök undir sama flugnúmeri.

Forsætisráðherra Bretlands segir andlát fræðimannsins Jason Arday kalla á umhugsun. Arday sagði af sér við Cambridge-háskóla eftir ásakanir um ritstuld sem hann sagði sprottnar af kynþáttafordómum.

Tala látinna er komin upp í 38 eftir að jarðskjálfti af stærðinni 7,7 reið yfir Indónesíu í gærkvöldi. Annar stór eftirskjálfti reið yfir í dag af stærðinni 6,1.

Sextán ára drengur lét lífið eftir að hafa verið stunginn á nýnemahittingi í Hróarskeldu í gærkvöldi. Jafnaldri hans er grunaður um verknaðinn.

Sextán ára drengur lést eftir að hafa verið stunginn með hnífi, í árlegri busavígslu, í dönsku borginni Hróarskeldu í gærkvöldi.Jafnaldri hans hefur verið handtekinn og verður ákærður fyrir morð.Í tilkynningu frá Himmelev-skólanum segir að nemendum og kennurum verði boðið upp á áfallahjálp í dag en drengurinn sem lést var nemandi við skólann. LÉST AF SÁRUM SÍNUM Á SJÚKRAHÚSI Drengurinn var stunginn nokkrum sinnum bæði í bak og bringu. Hann var fluttur á sjúkrahúsið í Kaupmannahöfn þar sem hann lést af sárum sínum.Í tilkynningu frá dönsku lögreglunni segir að ástæða árásarinnar séu átök milli drengjanna.Sá handtekni hefur verið úrskurðaður í gæsluvarðhald til 10.september. Hann neitar sök.

Donald Trump Bandaríkjaforseti gerir lítið úr áhyggjum aðstandenda hermanna sem eru um borð í bandaríska flugmóðurskipinu Abraham Lincoln í viðtali við fjölmiðla í Washington í gær. Svo virðist sem birgðavandamál fyrir skipið hafi komið upp á fyrstu dögum stríðsins í Mið-Austurlöndum.Trump sagði hermennina ekki vera búna að vera útsenda nærri nógu lengi. Hann staðfesti þó að til stæði að skipt yrði um flugmóðurskip og herlið fljótlega. Sjóherinn hefur greint frá því að flugmóðurskipið George Washington sé á leið til að taka við af Abraham Lincoln.Erlendir miðlar greindu frá því fyrr í vikunni að aðstandendur þeirra fimm þúsund hermanna um borð í flugmóðurskipinu Abraham Lincoln hefðu áhyggjur af andlegri heilsu þeirra og aðstæðum um borð. Til stóð að úthald þeirra yrði sex mánuðir en það h

Sextán ára piltur lést eftir að hafa verið stunginn ítrekað með hníf í busavígslu í Hróarskeldu í gærkvöldi. Jafnaldri hans hefur verið handtekinn og verður ákærður fyrir manndráp.

Kröftugur jarðskjálfti af stærðinni 6,9 reið yfir Jakarta, höfuðborg Indónesíu, rétt fyrir klukkan 11 að sögn Jarðvísindastofnunar Bandaríkjanna.

Þrjátíu og átta, hið minnsta, eru látin eftir jarðskjálfta í Indónesíu í gærkvöld.Tvö þúsund hafa yfirgefið heimili sín.Skjálftinn, sem var af stærðinni 7,7, átti upptök sín undan ströndum Flores-eyju.Byggingar á eyjunni, og á eyjum í kring, urðu fyrir skemmdum og óttast er að margir hafi slasast. FLÓÐBYLGJUVIÐVÖRUN OG FJÖLDI EFTIRSKJÁLFTA Flóðbylgjuviðvörun var gefin út en var afturkölluð þremur klukkustundum síðar. Fjöldi eftirskjálfta hefur orðið, sá stærsti 6,1 að stærð.Flores-eyja liggur austan við Bali og vestan við Tímor og er í eyjaklasanum milli Balihafs og Tímorhafs.Jarðskjálftar eru algengir við Indónesíu og nágrannaríki.Landið er staðsett í hinum svokallaða Kyrrahafseldhring sem er jarðskjálftabelti sem nær frá Nýja-Sjálandi, í gegnum Suðaustur-Asíu og Japan og meðfram vestu