„Ég hef miklar áhyggjur af umfangi og útbreiðsluhraða veirunnar,“ sagði Tedros Adhanom Ghebreyesus forstjóri Alþjóðaheilbrigðismálastofnunarinnar um ebólufaraldurinn sem nú geisar í Afríku. Óttast er að mun fleiri séu smitaðir en búið sé að staðfesta, auk þess sem stofnunin telur ljóst að faraldurinn verði ekki kveðinn niður á næstu tveimur mánuðum hið minnsta. Þessi faraldur gæti því orðið mjög skæður.Staðfest dauðsföll vegna yfirstandandi faraldurs eru 131, öll nema eitt í Lýðstjórnarlýðveldinu Kongó þar sem hann á upptök sín. 513 tilfelli til viðbótar eru staðfest. Útbreiðslan er slík að Alþjóðaheilbrigðisstofnunin hefur lýst faraldrinum sem alþjóðlegu neyðarástandi og kallað saman neyðarfund. Stofnunin hefur þegar sent mörg tonn af hjálpargögnum, þar á meðal sótthreinsunarbúnaði og tjö

Áhersla á að styrkja samstarf Indlands og Norðurlandanna í þeim síbreytilega heimi sem við lifum í var áberandi á blaðamannafundi sem forsætisráðherrarnir héldu í Ósló í dag. Hann var haldinn eftir leiðtogafund ráðherranna í morgun. Narendra Modi forsætisráðherra Indlands notaði þar orð sem hefur svipaða merkingu á hindú og íslensku.Modi nefndi meðal annars að tengslin þarna á milli hefðu aukist undanfarin ár. Meðal annars hefðu fjárfestingar Norðurlandanna á Indlandi aukist um 200% og tvíhliða viðskipti hefðu fjórfaldast. Þá hefðu Indland og EFTA-ríkin gert fríverslunar- og efnahagssamning í október í fyrra og svo fríverslunarsamning við Evrópusambandið fyrr á þessu ári.Modi nefndin einnig að samstarf Indlands og Norðurlandanna hafi í seinni tíð snúið meira að grænum lausnum. „Með því að

Áhorf á úrslitakvöld Söngvakeppni evrópskra sjónvarpsstöðva var í fjölmörgum löndum talsvert minna en undanfarin ár. Þátttökuþjóðirnar hafa ekki allar skilað inn áhorfstölum en miðað við birtar tölur var mesta áhorfið í Þýskalandi. Þar horfðu 8,94 milljónir á úrslitakvöldið, sem samsvarar meira en 64% áhorfi. Það eru örlítið færri en í fyrra þegar 9,1 milljón fylgdist með en það var mesta áhorf í Þýskalandi síðan 2016. MINNSTA ÁHORF Í BRETLANDI Í 16 ÁR Á Ítalíu og í Bretlandi voru áhorfendur úrslitakvöldsins rétt rúmlega 5 milljónir. Þrátt fyrir svipaðar áhorfstölur segja þær sitthvora söguna. Áhorfið á Ítalíu var í takti við síðustu ár en í Bretlandi hefur það ekki verið lægra síðan 2010. Til samanburðar hafa áhorfendur í Bretlandi flestir verið 9,9 milljónir 2023. Árangur þjóðanna spi

Hin 46 ríki Evrópuráðsins stigu á föstudag þýðingarmikið skref í átt að breyttri og rýmri túlkun Mannréttindasáttmála Evrópu varðandi útlendingamál, sem gefur aðildarríkjunum aukið svigrúm til þess að taka þau fastari tökum

Kristrún Frostadóttir forsætisráðherra hitti ásamt öðrum norrænum forsætisráðherrum Narendra Modi forsætisráðherra Indlands á fundi í Ósló í morgun.Þetta er í þriðja sinn á átta árum sem leiðtogar Norðurlandanna og Indlands hittast á slíkum fundi. Fréttaskýrendur segja þetta merki um að á tímum þar sem Bandaríkin reka fjandsamlegri stefnu en áður með tollum og hótunum, og Kína verði sífellt meira einræðisríki horfi Norðurlöndin til Indlands sem trausts samstarfs- og viðskiptafélaga.Aukið samstarf Norðurlandanna og Indlands á ýmsum sviðum hefur reglulega verið til umræðu. Indverjar hafa til dæmis mikinn áhuga á samstarfi í grænum lausnum eins og vindmyllum og kolefnisförgun, sjóferðum og fjarskiptakerfum, meðan Norðurlöndin sjá möguleika í aðgengi að stórum markaði, stafrænni þróun og ódýru

Nú verður ferðin í gegnum öryggisleitina á Kaupmannahafnarflugvelli bæði fljótlegri og einfaldari fyrir ferðalanga, að því er fram kemur í fréttatilkynningu frá flugvellinum.

Troels Lund Poulsen, formaður Venstre, vill mynda minnihlutastjórn með Íhaldsflokknum og Íhaldsflokknum. Þessu greindi hann frá á blaðamannafundi í morgun.

Kristrún Frostadóttir forsætisráðherra fundaði í gær með Narenda Modi, forsætisráðherra Indlands. Modi segist meta vináttu sína við Ísland mikils.

Lögregluyfirvöld í Katalóníu hafa handtekið Jonathan Andic, son stofnanda tískuverslanakeðjunnar Mango, í tengslum við dauða föður hans. Isak Andic lést í desember árið 2024, eftir að hann féll niður í gil í Montserrat á göngu ásamt syni sínum.

Troels Lund Poulsen leiðtogi Venstre, sem nú hefur umboð til að mynda ríkisstjórn í Danmörku, tilkynnti í morgun að hann vildi mynda minnihlutastjórn þriggja flokka í borgaralegu blokkinni, þ.e. Venstre, Íhaldsflokksins og Frjálslynda flokksins.Poulsen sagði við fjölmiðla í morgun að þetta væri besta leiðin til að mynda ríkisstjórn en nú eru hátt í tveir mánuðir frá þingkosningunum. Hann hafi rætt við hina tvo flokkana sem séu til í slaginn. Þeir séu sammála um nokkur stefnumál, meðal annars að lækka gjöld á eldsneyti og að halda þróunaraðstoð í 0,7% af landsframleiðslu. Venstre hafði áður boðað lækkun slíkrar aðstoðar og að peningarnir yrðu notaðir í varnarmál í staðinn.Þessir flokkar hafa 44 þingmenn en það þarf 90 til að styðja stjórnina. Það þýðir að þessi ríkisstjórn þyrfti ekki aðein

Margrét Danadrottning hefur verið útskrifuð af Ríkisspítalanum í Kaupmannahöfn en hún var lögð þar inn eftir að hafa fengið hjartakrampa í síðustu viku.

Standard Chartered, breskur banki sem leggur megináherslu á viðskipti í Asíu, tilkynnti að bankinn hygðist fækka stöðugildum í bakvinnslu um 7.800 til ársins 2030. Með bakvinnslu er átt við störf sem ekki eru sýnileg viðskiptavinum, eins og rekstur og úrvinnsla upplýsinga. Fækkunin nemur rúmlega 15% í þessum hluta starfseminnar.Um 82 þúsund manns starfa hjá bankanum víða um heim. Þessar aðgerðir hafa mest áhrif á skrifstofur erlendis, til dæmis í Varsjá, Kúala Lúmpúr og Chennai á Indlandi.Í yfirlýsingu frá bankanum kemur fram að ástæðan sé aukin notkun gervigreindar. Eða eins og stendur í lauslegri þýðingu: „Við tileinkum okkur hagnýtari notkun sjálfvirkni, háþróaðra greininga og gervigreindar til að stytta verkferla, bæta ákvarðanatöku og bæta bæði þjónustu við viðskiptavini og innri skil

Sérfræðingar segja Evrópusambandið myndu taka Bretum með opnum örmum ef þeir vildu ganga aftur í sambandið en að þeir myndu hins vegar ekki fá jafn hagfelldan samning og þeir hefðu verið á. Tími sérstakra undanþága til handa Bretum væri liðinn.

Yfirmaður Alþjóðaheilbrigðismálastofnunarinnar lýsti í dag yfir áhyggjum af umfangi og hraða ebólufaraldurs í Lýðstjórnarlýðveldinu Kongó sem hefur kostað um 131 mannslíf.

Troels Lund Poulsen formaður danska hægriflokksins Venstre vill mynda minnihlutastjórn með Íhaldsflokknum og Frjálslynda bandalaginu. Hann segir það besta valmöguleikann í núverandi stöðu enn sögulegt þrátefli hefur verið í stjórnarmyndunarviðræðum eftir þingkosningarnar sem fóru fram í mars.

Spænska lögreglan greindi í dag frá því að hún hefði handtekið Jonathan Andic, son Isaks Andics sem stofnaði tískuverslanarisann Mango. Andic eldri lést í fjallgöngu í desember 2024. Sonur hans var þá einn með honum á ferð. Upphaflega var talið að Andic hefði látist af slysförum en seinna vaknaði grunur um að sonurinn hefði myrt föður sinn. Það var ekki síst vegna mótsagnakennds framburðar hans í skýrslutökum. Hann hafði upphaflega réttarstöðu vitnis en síðar sakbornings.Isak Andic ásamt fatahönnuðinum Wisharawish Akaransantisook. Safnmynd.EPA / TONI ALBIR

Átta manns eru látnir og fimm aðrir særðir eftir skotárás í Assiut-héraði í suðurhluta Egyptalands. Byssumaðurinn var skotinn til bana af öryggissveitum.

25 ára gamall maður hefur verið handtekinn, grunaður um að hafa myrt foreldra sína og sært fjóra aðra í skotárás á Suður-Spáni, að sögn lögreglu.

Svíar ætla að kaupa fjórar freigátur af franska hergagnarisanum Naval. Þær verða sérútbúnar vopnum til að verjast loftárásum.Ulf Kristersson forsætisráðherra, Pal Jonsson varnarmálaráðherra og Michael Claesson, yfirmaður sænska hersins, greindu frá kaupunum í dag.Kristersson sagði að með kaupunum þrefaldaðist loftvarnageta Svía frá því sem nú er. Hann sagði jafnframt að þetta væri ein mesta fjárfesting Svía í landvörnum síðan þeir keyptu Gripen-herþoturnar á níunda áratug síðustu aldar.Kristersson, Jonsson og Claesson sögðu að eftir viðræður við vopnaframleiðendur í Svíþjóð, Bretlandi og á Spáni hefði verið ákveðið að semja við Frakkana. Stefnt er að því að fyrsta freigátan verði tilbúin með öllum búnaði 2030.Ekki var greint frá kaupverðinu þar sem það ræðst á endanum af því hvaða vopnum o

Yfirvöld á Spáni hafa handtekið 25 ára gamlan mann sem er grunaður um að hafa skotið foreldra sína til bana og sært fjóra aðra, í bænum El Ejido nærri Almeríu.

Donald Trump, forseti Bandaríkjanna, hefur sagt að hann fresti hernaðarárás á Íran sem fyrirhuguð var í dag að beiðni Persaflóaríkja þar sem „alvarlegar samningaviðræður eiga sér nú stað“.

Stjórnvöld í Lýðstjórnarlýðveldinu Kongó áætla að 131 hafi látist af völdum ebólu af þeim 513 sem talið er að hafi smitast. Áður hafði verið greint frá því að 350 hefðu smitast og 91 látist.Talsmaður Alþjóðaheilbrigðisstofnunarinnar greindi AFP-fréttastofunni frá því í dag að stofnunin hygðist halda neyðarfund til að ræða um veikina. Fundurinn verður haldinn síðar í dag. Ebóla hefur einnig greinst í Úganda.Líberískur hjúkrunarfræðingur sótthreinsar aðstöðu.EPA / AHMED JALLANZO

Þrír létust í skotárás við mosku í suðurhluta Kaliforníu og tveir grunaðir byssumenn á táningsaldri fundust síðar látnir í bíl eftir að hafa að því er virðist svipt sig lífi, að sögn lögreglu.

Stjórnvöld í Tasmaníu í Ástralíu hafa beðist afsökunar á þjófnaði á líffærum og líkamshlutum látinna einstaklinga sem átti sér stað á árunum 1966 til 1991. Líkamspartarnir voru teknir án leyfis frá fjölskyldum viðkomandi, afhentir háskóla og í sumum tilvikum sýndir opinberlega.

Xi Jinping Kínaforseti mun hafa tjáð Donald Trump Bandaríkjaforseta þá skoðun sína að Vladimír Pútín Rússlandsforseti eigi eftir að iðrast innrásarinnar í Úkraínu. Pútín er væntanlegur í tveggja daga heimsókn til Kína í dag og sagður með fjölda samninga í farteskinu.Financial Times segir Xi hafa látið þessi orð falla á fundi þeirra Trumps í Beijing í liðinni viku og vitnar til ónafngreindra bandarískra heimildarmanna. Vitað er að leiðtogarnir ræddu málefni Úkraínu og að Trump hafi stungið upp á því að þeir þrír sneru bökum saman gegn alþjóðaglæpadómstólnum.Xi virðist með þessu öllu berorðari um afstöðu sína til innrásarstríðs Pútíns í Úkraínu en áður. Kínversk stjórnvöld hafa sagst hlutlaus gagnvart stríðsrekstrinum og hafa hvatt ríkin til friðarviðræðna en hafa ekki viljað fordæma innrási

Gróðureldur braust út í úthverfum Los Angeles, breiddist hratt út og varð til þess að yfirvöld gáfu út rýmingarskipun fyrir þúsundir íbúa.

Umfangsmiklir gróðureldar kviknuðu í gærmorgun nærri úthverfi í bandarísku borginni Los Angeles og breiddust hratt út. Fremur hlýtt, þurrt og hvasst er á svæðinu sem kyndir bálið. Hér má sjá afleiðingar gróðurelda í Kalíforníu í ágúst 2025.EPA / ALLISON DINNERYfirvöld skipuðu þúsundum íbúa bæja og úthverfa borgarinnar að yfirgefa heimili sín eða búa sig undir flótta. Í gærkvöld hafði eldurinn breiðst yfir fimm og hálfs ferkílómetra svæði og eyðilagt eitt íbúðarhús. Það jafngildir stærð Kársnessins og miðbæjar Kópavogs. Engar tilkynningar hafa borist um manntjón. Borgarstjórinn Karen Bass sagði á blaðamannafundi ólíklegt að gróðureldarnir næðu til Los Angeles-borgar sjálfrar.

Miguel Diaz-Canel Kúbuforseti varar bandarísk stjórnvöld við því að allar atlögur að eyríkinu komi af stað blóðbaði með óhugnanlegum afleiðingum.Miguel Diaz-Canel Kúbuforseti flytur ávarp 16. apríl síðastliðinn.EPA / Ernesto MastrascusaForsetinn sagði þetta í færslu á samfélagsmiðlinum X og áréttaði jafnframt að Bandaríkjunum eða hvaða öðru ríki sem er stafaði engin hætta af Kúbu.Diaz-Canel birti færsluna í kjölfar þess að vefritið Axios sagði Rússa og Írana hafa sent kúbverskum yfirvöldum á fjórða hundrað árásardróna og að þau hygðust beita vopnunum gegn bandarískum skotmörkum. Þar voru sérstaklega nefnd herstöð Bandaríkjanna við Guantanamoflóa, bandarísk herskip og jafnvel Key West á Flórída.

Níu manna kviðdómur í Bandaríkjunum úrskurðaði í gær að auðkýfingurinn Elon Musk, einn stofnenda OpenAI, hefði beðið of lengi með málshöfðun gegn tæknifyrirtækinu, sem hannaði snjallmennið ChatGPT, öðrum stofnendum þess og Microsoft.Musk hóf málið 2024, fjórum árum frá því hann lagði seinast eitthvað til fyrirtækisins. Það var of langur tími að mati kviðdómsins.Ákvörðunin leiðir af sér að dómstóllinn tekur ekki afstöðu til þeirra raka Musks að fyrirtækið hefði haft í frammi svik með þeirri stefnubreytingu að hefja hagnaðardrifna starfsemi þvert á upprunaleg markmið þess að deila hugbúnaði frítt og vinna aðeins til hagsbóta mannkyni öllu.Þróun tækninnar hefði átt að vera opið ferli. Musk sakaði fyrrum félaga sína þá Sam Altman og Greg Brockman um að hafa í eigin þágu nýtt 38 milljóna dala f

Varnarmálanefnd finnska þingsins hyggst í dag ræða þá ógn sem virtist steðja að landinu vegna drónaflugs innan lofthelginnar aðfaranótt síðasta föstudags. Einnig stendur til að fjalla um leiðir til að bæta samskipti milli stofnana virðist fjölþáttaógn steðja að Finnlandi.YLE segir að varnarmálaráðherrann Antti Häkkänen hafi verið boðaður á fundinn ásamt innanríkisráðherranum Mari Rantanen og Timo Herranen, yfirmanni flughersins.Fyrir dagrenningu á föstudag var lýst yfir tímabundnu hættuástandi, flugi beint frá alþjóðaflugvellinum í Helsinki og höfuðborgarbúar og íbúar Uusimaa-héraðs beðnir að halda sig innandyra uns hættan teldist yfirstaðin. Nokkrar herþotur voru sendar á loft í öryggisskyni. Seinna kom á daginn að enginn fótur var fyrir drónafluginu.Fjölþáttaógnir felast í óhefðbundnum h

Fjármálaráðuneyti Bandaríkjanna hefur tilkynnt að það framlengi á ný til þrjátíu daga sérstaka undanþágu frá banni við kaupum á rússneskri olíu.Heimildin, sem rennur út 17. júní, takmarkast þó eins og áður við kaup á olíu sem nú þegar er um borð í rússneskum skipum á hafi úti. Þeim ríkjum sem eru í hvað viðkvæmastri stöðu gefst tækifæri til að nálgast rússneska olíu, sagði fjármálaráðherrann Scott Bessent þegar hann tilkynnti um framlenginguna í færslu á samfélagsmiðlum.Hann sagði olíuna engum nýtast í tönkum skipa á siglingu. Þetta er í annað sinn sem Bandaríkin framlengja heimildina sem upphaflega var veitt í mars til að bregðast við olíuskorti vegna stríðsins gegn Íran.Líkt og áður eru einstaklingar og fyrirtæki frá Íran undanþegin, einnig frá Norður-Kóreu, Kúbu og þeim svæðum Úkraínu s

Bandaríska sóttvarnarstofnunin hefur ákveðið að auka varúðarráðstafanir til að koma í veg fyrir útbreiðslu ebólu, meðal annars með því að skima flugfarþega sem koma til landsins frá þeim svæðum þar sem ebólufaraldur geisar og stöðva vegabréfsáritanir þangað tímabundið.Einnig verði innleiddar takmarkanir á komu útlendinga sem hefðu síðustu þrjár vikur ferðast til Úganda, Lýðstjórnarlýðveldisins Kongó eða Suður-Súdan. Alþjóðaheilbrigðisstofnunin hefur lýst yfir neyðarástandi á heimsvísu vegna faraldursins í Kongó, þar sem minnst 91 hefur látistog 350 sýkst.Einn Bandaríkjamaður hefur greinst með veiruna og sóttvarnarstofnunin segir til standa að flytja hann til Þýskalands til umönnunar. Ætlunin er að koma sex Bandaríkjamönnum til viðbótar brott frá Kongó til rannsókna.Mat stofnunarinnar er að

Rússnesk stjórnvöld eru vongóð um góðan árangur af viðræðum forsetans Vladimírs Pútín við Xi Jinping Kínaforseta. Pútín heldur til Kína í dag til tveggja daga fundar við Xi, fast á hæla Donalds Trump Bandaríkjaforseta. Tilgangur heimsóknarinnar er að styrkja vinaböndin og ræða mikilvægi hernaðarsamvinnu ríkjanna, samkvæmt tilkynningu frá rússneskum stjórnvöldum. Til stendur einnig að Pútín ræði viðskipti og efnahagsmál við forsætisráðherrann Li Qiang. Vesturlönd hafa lýst áhyggjum af vinfengi Kínverja og Rússa, ekki síst eftir að þeir síðarnefndu hófu innrásarstríðið gegn Úkraínu. Kínversk stjórnvöld hafa sagst hlutlaus gagnvart stríðsrekstrinum, hafa hvatt ríkin til friðarviðræðna en hafa ekki viljað fordæma innrásina.

Aftökur í Bandaríkjunum voru 47 í fyrra. Árið áður voru þær 25. Bandaríkin eru meðal þeirra landa þar sem beita dauðarefsingu og aftökum. Innan Bandaríkjanna voru aftökurnar flestar í Flórída. „Það sem við sjáum í Bandaríkjunum er að orðræða þar, orðræða Trumps er sú að það skuli beita dauðarefsingunni til þess að koma í veg fyrir glæpi og þetta virðist smitast út í samfélagið þannig að það er eins og fólk trúi því að dauðarefsingin geti verið einhvers konar hindrunartæki til að koma í veg fyrir glæpi og halda borgurunum öruggum þó að allar rannsóknir bendi til þess að dauðarefsingin geri það ekki,“ segir Anna Lúðvíksdóttir, framkvæmdastjóri Amnesty International á Íslandi. AFTÖKUSVEITIR, BANVÆNT GAS OG LYF Ríkisstjóri Flórída, Ron DeSantis, er fylgjandi beitingu dauðarefsingar og hefur

Donald Trump Bandaríkjaforseti kveðst hafa hætt við fyrirhugaða stóratlögu að Íran vegna vonarglætu um að friðarsamkomulag að undirlagi Sáda, Katara og stjórnvalda í Sameinuðu arabísku furstadæmunum væri við sjóndeildarhringinn. Árás hefði verið á teikniborðinu eftir að klerkastjórnin hafnaði samningsdrögum Bandaríkjanna í gær sem óásættanlegum, líkt og öðrum þar á undan. Leiðtogar bandalagsríkjanna við Persaflóa hefðu hvatt hann til að halda aftur af sér bæði vegna þess að þau ættu í viðræðum við klerkastjórnina og að Íranar hefðu hótað þeim hefndaraðgerðum ryfu Bandaríkin og Ísrael næstum sex vikna gamalt vopnahléð. Leiðtogarnir hefðu sagt samkomulag í bígerð sem tryggði að Íranar kæmu sér ekki upp kjarnorkuvopnum, sem þeir segja aldrei hafa verið markmiðið. Trump hefur framlengt vopnahl

Úkraínskar hersveitir skjóta langdrægum drónum frá ótilgreindum stað í átt að Rússlandi í einni stærstu árásahrinu átakanna hingað til.

Gríðarmikill fundur silfurmynta á Mørstadjordet í Åmot í Østerdalen í hinu norska Innlandet-fylki nú í apríl hefur vakið miklar vangaveltur fornleifa- og sagnfræðinga. Peningarnir eru nú orðnir 4.772. Hver átti þá og hvers vegna voru þeir grafnir á þessum stað?

Vörubílstjóri sætir nú 13 ára fangelsi fyrir að smygla 90 kílóum af kókaíni í vörubíl sem flutti undirfatnað frá undirfatamerkinu Skims á milli landa, en merkið er í eigu Kim Kardashian.

Lögreglan í Þýskalandi skaut tígrisdýr til bana í dag eftir að það slapp úr garði í eigu konu sem gengur undir viðurnefninu tígrisdýradrottningin.

Dómsmálaráðuneyti Bandaríkjanna opinberaði í dag stofnun sérstaks sjóðs sem ætlað er að greiða skaðabætur til bandamanna Donalds Trump, forseta, sem hafa verið rannsakaðir eða dæmdir af yfirvöldum í forsetatíð Joes Biden.

Þrír voru skotnir til bana þegar tveir táningar hófu skothríð við mosku í San Diego í Kaliforníu fyrr í kvöld. Einn hinna látnu starfaði þar sem öryggisvörður.Árásarmennirnir, sem voru 17 og 19 ára gamlir, eru einnig látnir. Þeir fundust í bíl fyrir utan moskuna og talið er að þeir hafi svipt sig lífi.Árásin var gerð við Islamic Center sem ku vera stærsta moska í San Diego-sýslu. Hún er talin vera hatursglæpur.

Jens-Frederik Nielsen, formaður landstjórnar Grænlands, segir Grænlendinga ekki til sölu og að ekki sé hægt að semja um sjálfsákvörðunarrétt þeirra. Þetta sagðist Nielsen hafa ítrekað fyrir sérstökum erindreka Bandaríkjaforseta gagnvart Grænlandi sem lenti þar í gær.

Mikið öngþveiti skapaðist í borgum víða um heim á laugardaginn, þegar ný tegund úra frá Svissneska framleiðandanum Swatch fór í sölu.

Umferð um Hormússund jókst lítillega í síðustu viku en hún hafði nær alfarið stöðvast í vikunni þar áður þegar aðeins 19 skip fóru um sundið.

Kengúra sem hafði strokið að heiman stöðvaði umferð belgískra járnbrautalesta um stundarsakir eftir að hún sást á ferð nálægt járnbrautarteinum í flæmskumælandi hluta Belgíu.

Tveir menn hófu skothríð á fólk í og við mosku í San Diego í Bandaríkjunum nú undir kvöld. Báðir munu hafa verið skotnir til bana af lögregluþjónum, sem eru með mikinn viðbúnað á svæðinu og segist lögreglan hafa náð tökum á ástandinu. Óljóst er hve margir liggja í valnum.

Tveir táningar hófu skothríð á fólk við mosku í San Diego í Bandaríkjunum nú undir kvöld. Báðir eru látnir en lögreglan er með mikinn viðbúnað á svæðinu og segist lögreglan hafa náð tökum á ástandinu. Að minnsta kosti þrír fullorðnir voru skotnir til bana fyrir utan moskuna.

Lögregla í San Diego í Bandaríkjunum er nú með mikinn viðbúnað vegna skotárásar við mosku í Clairmont þar í borginni en þar segir lögregla á vettvangi að heyra hafi mátt fjölda skothvella.

Ítölsku kafararnir fjórir, sem létust í köfunarslysi á Maldívum í Indlandshafi í Suður-Asíu á fimmtudaginn og eru nú fundnir, heita Giorgia Sommacal, Monica Montefalcone, sem er móðir Sommacal, Muriel Oddenino og Federico Gualtieri.

Þýsk stjórnvöld greindu í dag frá því að þau hygðust leggja tíu milljarða evra, jafnvirði 1.434 milljarða íslenskra króna, til varna landsins fram til ársins 2029 í því augnamiði að hafa fælingaráhrif á Rússa.

Fjórir hafa farist í mótmælum gegn háu bensínverði í Kenía í dag. Yfir 30 eru slasaðir.Mótmælendur, sem flestir eru bílstjórar og samgöngustarfsmenn í verkfalli, lokuðu vegum víða um land sem setti almenningssamgöngur úr skorðum. Þá voru eldar kveiktir í útjaðri höfuðborgarinnar Naíróbí. Lögreglan beitti táragasi á mótmælendur og 348 þeirra voru handteknir.Kenía er mjög háð olíuinnflutningi um Hormús-sund sem hefur nánast stöðvast vegna stríðsins í Íran. Stjórnvöld í Kenía tilkynntu um mikla olíuverðshækkun í síðustu viku, meðal annars 23,5% hækkun á dísilolíu. Það varð til þess að boðað var til verkfalls hjá starfsmönnum í samgöngum. Dísilolía hefur þegar hækkað um 45% frá því stríðið hófst.

Útvarpsstjóri ríkisútvarpsins í Moldóvu hefur sagt af sér eftir að dómnefnd þess í Söngvakeppni evrópskra sjónvarpsstöðva, eða Eurovision, greiddi atkvæði á skjön við vilja almennings þar.Dómnefndin gaf Póllandi flest stig í keppninni, eða 12 stig, og Ísrael fékk 10 stig. Á sama tíma fengu nágrannalöndin Rúmenía þrjú stig og Úkraína ekkert. Niðurstaða dómnefndarinnar var mikið gagnrýnd á samfélagsmiðlum bæði í Rúmeníu og Moldóvu, auk þess sem menningarmálaráðherra Moldóvu krafðist skýringa. Rúmenía fékk 12 stig frá Moldóvu í símakosningunni.Vlad Turcanu, útvarpsstjóri Teleradio Moldova, ríkissjónvarps Moldóvu, tilkynnti afsögn sína og sagði það einstakt og alvarlegt að dómnefndin hefði ekki tekið tillit til viðkvæmrar stöðu milli Moldóvu og nágrannanna Rúmeníu og Úkraínu.„Afstaða okkar er

Fyrrverandi framkvæmdastjóri hjá Google tók við sem nýr útvarpsstjóri BBC í dag.

Yfirvöld á Maldíveyjum hafa fundið lík fjögurra ítalskra kafara sem saknað hafði verið síðan í síðustu viku. Hópurinn var frá háskólanum í Genóa og var þar til að sinna rannsóknum. Maldíveyjar eru sjálfstætt ríki staðsett í Indlandshafi og þykja búa yfir gífurlegri náttúrufegurð. Þar á meðal eru fjölskrúðug kóralrif sem hópurinn hugðist rannsaka.

„Gagnkvæm virðing og góður tónn“ einkenndi nýafstaðinn fund sendinefndar Bandaríkjanna, undir forystu Jeff Landry, og fulltrúa grænlensku ríkisstjórnarinnar.

Jens Frederik Nielsen formaður landstjórnar fundaði í dag með Jeff Landry fulltrúa Bandaríkjaforseta í málefnum Grænlands og Ken Howery sendiherra Bandaríkjanna í Danmörku um samskipti landanna. Landry er í þriggja daga heimsókn á Grænlandi á vegum Trumps og Howery kom til Grænlands í morgun. Múte B. Egede utanríkisráðherra Grænlands var einnig á fundinum.Nielsen sagði á blaðamannafundi í Nuuk í dag að fundur þeirra fjögurra hefði farið fram af gagnkvæmri virðingu og á góðum nótum. Þeir hafi ítrekað að það sem stjórnvöld hafi sagt frá upphafi gildi enn þá – það eigi að virða grænlenskt samfélag og að það sé vilji til góðs samstarfs við Bandaríkin.En mörkin hafi líka verið ítrekuð. „Við höfum tjáð afstöðu Grænlands með skýrum hætti. Og við sjáum í fjölmiðlum að stjórnvöld hafa ekki skilið þ

Ísraelsmenn stöðvuðu snemma í morgun för skipa sem voru hluti af aðgerðahópnum Global Sumud Flotilla, og var á leið til Gaza með hjálpargögn. Skipin lögðu upp frá Tyrklandi á fimmtudag.Á myndskeiðum innan úr skipunum má sjá skip á vegum ísraelska hersins nálgast skip aðgerðasinnanna áður en hermenn stíga um borð.Tyrknesk stjórnvöld hafa líkt aðgerðum Ísraelsmanna við sjórán.Ísraelsmenn hafa ítrekað stöðvað sams konar siglingar aðgerðasinna, síðast í apríl. Benjamín Netanjahú forsætisráðherra Ísraels segir tilganginn með því að rjúfa hafnbann sem sett hafi verið á hryðjuverkamenn innan Hamas-samtakanna. Á móti hafa önnur yfirvöld bent á að aðgerðirnar séu á alþjóðlegu hafsvæði og því hafi Ísraelsmenn engan rétt til að beita þeim.

Frönsk yfirvöld tilkynntu í dag að þau hefðu valið alþjóðlegt teymi arkitekta til að umbreyta Louvre-safninu fræga í París. Safnið hefur glímt við fjölda vandamála að undanförnu, þar á meðal skartgriparán að verðmæti 100 milljóna dala.

Bandarísku orkurisarnir NextEra Energy og Dominion Energy tilkynntu í dag að fyrirtækin muni sameinast og mynda stærsta eftirlitsskylda rafveitufyrirtæki heims og hjálpa til við að knýja áfram aukna eftirspurn frá gagnaverum gervigreindar.

Írönsk stjórnvöld sögðu í dag að þau hefðu svarað nýrri tillögu Bandaríkjanna sem miðar að því að binda enda á stríðið og bættu við að diplómatísk samskipti héldu áfram þrátt fyrir að íranskir fjölmiðlar lýstu kröfum Bandaríkjanna sem óhóflegum.

Lík fjögurra Ítala sem drukknuðu í köfunarslysi á Maldíveyjum hafa fundist en það er ekki enn búið að flytja þau upp á yfirborðið að sögn ítalska utanríkisráðuneytisins og hersins á Maldíveyjum.

Evrópa er sú heimsálfa sem er að hitna hraðast af völdum loftslagsbreytinga og afleiðingarnar eru þegar farnar að hafa áhrif á daglegt líf fólks, segir Katrín Jakobsdóttir, formaður samevrópskrar nefndar um loftslag og heilsu. Nefndin vill að Alþjóðaheilbrigðismálastofnunin lýsi yfir neyðarástandi í lýðheilsumálum vegna loftslagsbreytinga.„Það eru þegar komin fram ýmis merki loftslagsbreytinga sem eru að hafa mikil áhrif á daglegt líf fólks; hitabylgjur, flóð og þurrkar. En við bendum líka á að það eru önnur atriði sem kalla á athygli stjórnvalda sem varða hreinlega ógn við heilsu og öryggi íbúa,“ segir Katrín. Til að mynda geti veiking hafstrauma í Atlantshafi bitnað á fæðuöryggi í norðanverðri Evrópu.„Það er auðvitað staðreynd að við erum búin að vera að eiga við mjög flókin mál í Evrópu

Búið er að finna lík allra fimm ítölsku kafaranna sem fórust í slysi við Maldívur fyrir helgi. Einn björgunarkafaranna lést einnig við leitina að þeim.Slysið átti sér stað á fimmtudaginn í Vaavu Atoll i Indlandshafi undan ströndum Maldíva. Íralirnir fimm drukknuðu meðan þeir voru að reyna að skoða neðansjávarhelli á 50 metra dýpi. Meðal þeirra látnu var líffræðiprófessor ásamt dóttur sinni og tveium ungum rannsakendum. Þetta er versta köfunarslys í sögu Maldíva.Lík eins kafaranna fannst skömmu eftir slysið en erfiðlega gekk að ná hinum fjórum. Einn björgunarkafaranna lést vegna vandamála í þrýstibúnaði. Í leitinni var aðstoð veitt frá Bretlandi, Ítalíu og Ástralíu og í gær komu þrír finnskir sérfræðingar einnig til aðstoðar.Yfirvöld í Maldívum hafa svipt skipið sem Ítalirnir höfðu aðstöðu

Tvær orrustuþotur rákust saman á flugi á flugsýningu í norðvesturríkinu Idaho í gær en flugmennirnir stukku út í fallhlíf og komust heilir á húfi frá borði, að því er bandarískir fjölmiðlar greina frá.

Hondius, skemmtiferðaskipið þar sem farþegar smituðust af hantaveiru, kom til hafnar í Rotterdam í morgun. Um 120 farþegar höfðu verið fluttir frá skipinu á Tenerife fyrir viku og þaðan ýmist til heimalands síns eða á sjúkrahús.Aðeins 25 manna áhöfn og tveir læknar voru um borð. Sumir sáust með bláa hjálma og grímur fyrir vitunum þegar skipið kom. Lík þýskrar konu sem var farþegi í skipinu og lést úr veirunni var einnig um borð.Hondius, skemmtiferðaskipið þar sem hantaveirusmit breiddist út fyrr í mánuðinum, kom til hafnar í Rotterdam í morgun. Nýtt smit farþega af skipinu greindist í gær.Skipið hélt frá Argentínu í byrjun apríl og átti að ljúka ferð sinni á Grænhöfðaeyjum. Á leið þangað í byrjun maí greindust fyrstu tilfellin. Yfirvöld á Grænhöfðaeyjum neituðu að taka við farþegunum. Spæn

Alþjóðaheilbrigðismálastofnunin (WHO) tilkynnti í dag að flokkun stofnunarinnar á hantaveirufaraldrinum sem „lítilli áhættu“ héldist óbreytt.

Benjamín Netanjahú, forsætisráðherra Ísraels, sagði í dag að Ísrael hefði næstum lokið við lykilmarkmið stríðsins á Gasa með því að útrýma öllum þeim sem báru ábyrgð á skipulagningu árásanna 7. október 2023.

Skemmtiferðaskipið MV Hondius er komið til hafnar í Rotterdam í Hollandi þar sem til stendur að sótthreinsa það. Útgerð skipsins stefnir enn á að senda það í norðurslóðaferð í til Íslands í þessum mánuði.

Hollenska skemmtiferðaskipið, MV Hondius þar sem hantaveira kom upp, lagðist að bryggju í Rotterdam í Hollandi í morgun.

Alþjóðaheilbrigðisstofnunin (WHO) hefur lýst yfir neyðarástandi á heimsvísu vegna nýs ebólufaraldursins sem geisar nú í Austur-Kongó. Mikil hætta er sögð á að faraldurinn breiðist út til nágrannaríkjanna.

Frá Tehran.EPA / ABEDIN TAHERKENAREHÍranar hafa svarað nýrri tillögu Bandaríkjamanna um frið í landinu. Þetta sagði Esmaeil Baqaei talsmaður utanríkisráðuneytis Íran á blaðamannafundi í morgun. Íranskir fjölmiðlar hafa lýst kröfum Bandaríkjanna sem óhóflegum, en þrátt fyrir það sagði talsmaðurinn að samskipti væru enn í gangi með aðstoð Pakistana.Baqaei sagði jafnframt að tækniteymi frá Íran og Óman hefðu hist í Óman til að semja um öruggt flutningskerfi um Hormús-sund. Donald Trump forseti Bandaríkjanna sagði í færslu á Truth Social í gær að klukkan tifaði og þeir þyrftu að bregðast hratt við, annars verði ekkert um að semja.

David Lammy, dómsmálaráðherra Bretlands, segir forsætisráðherrann Keir Starmer ekki hafa í hyggju að segja af sér né leggja fram drög að áætlun um að víkja. Lammy, sem er varaforsætisráðherra og einn nánasti bandamaður Starmer, hefur hvatt flokkssystkin sín til að hætta að hugsa um mögulegt leiðtogakjör og segir umræðuna um það „sjálfsmark“.

Ekki hafa verið fleiri aftökur í heiminum í 44 ár, eða frá árinu 1981. Á síðasta ári voru 2.707 einstaklingar teknir af lífi í sautján löndum. Þetta kemur fram í nýútkominni árlegri skýrslu Amnesty International um beitingu dauðarefsingarinnar.

Rússneskur dróni hæfði kínverskt flutningaskip á Svartahafi í nótt, að sögn Úkraínumanna, degi áður en Vladimír Pútín Rússlandsforseti heldur til Peking til fundar við Xi Jinping.

Rússar skutu hundruðum dróna og 22 eldflaugum að Úkraínu í nótt. Meira en 30 særðust í árásunum, að sögn úkraínskra embættismanna. 26 særðust í Dniepro og nágrenni. Fimm særðust í Ódesa, Kherson og Zapoizhzhia.Úkraínuher sagðist hafa skotið niður 546 rússneska dróna. Aftur á móti tókst aðeins að skjóta niður fjórar eldflaugar af 22. Björgunarsveitarmaður í rústum húss sem varð fyrir árás Rússa í síðustu viku.AP / Evgeniy Maloletka

Donald Trump, forseti Bandaríkjanna, hefur varað Íran við því að „klukkan tifi“ þar sem viðræður um að binda enda á stríðið hafa stöðvast.

Lai Ching-te, forseti Taívan, segir þarlend stjórnvöld ekki munu grípa til aðgerða sem gætu leitt til átaka en á sama tíma muni þau ekki gefa eftir sjálfræði landsins.

Yfir 2.150 manns voru teknir af lífi í Íran á síðasta ári, tvöfalt fleiri en árið áður. Það segja mannréttindasamtökin Amnesty International vera „ógnvekjandi“ fjölgun sem hefur leitt til þess að skráðar aftökur þar og um allan heim hafa ekki verið fleiri síðan 1981. Samtökin segjast hafa fengið staðfestar minnst 2.707 aftökur um heim allan árið 2025, sem sé meira en tveggja þriðju aukning samanborið við heildarfjöldann 2024. Þau segjast gruna kínversk stjórnvöld um að lífláta þúsundir ár hvert, þær upplýsingar fara Kínverjar með sem ríkisleyndarmál. Amnesty lítur á Kína sem það ríki sem beitir dauðarefsingum í mestum mæli. ÞRÓUNIN STERKUST Í RÍKJUM ÞAR SEM VALDHAFAR HERÐA TÖKIN Samtökin segja þróun til harðari refsinga sterkasta í löndum þar sem yfirvöld hafa hert valdatök með því að t

Í það minnsta tveir eru látnir eftir að jarðskjálfti að stærðinni 5,2 reið yfir Guangxi-hérað í suðurhluta Kína í dag.

Hjón á miðjum aldri fórust þegar jarðskjálfti af stærðinni 5,2 reið yfir kínverska héraðið Guangxi skömmu eftir miðnætti í gær að staðartíma. Kínverska ríkissjónvarpsstöðin CCTV greindi frá og segir yfirvöld hafa flutt á áttunda þúsund brott frá jarðskjálftasvæðinu.Eins er saknað eftir að þrettán byggingar hrundu í borginni Liuzhou að sögn Xinhua-fréttaveitunnar. Björgunarsveitir nota þefhunda við leitina.Í fréttum CCTV má sjá fólk á flótta innan um hrundar byggingar og brak af ýmsu tagi. Jarðskjálftar eru tiltölulega algengir í Kína. Að minnsta kosti 126 týndu lífi og mikið eignatjón varð í hörðum jarðskjálfta sem reið yfir Tíbet í janúar á síðasta ári.

Ebólufaraldurinn sem upp er kominn í Lýðstjórnarlýðveldinu Kongó hefur nú náð til nágrannaríkisins Úganda.Rachel Rukwati var klædd í sóttvarnarbúning áður en hún fór inn á sóttvarnastöð fyrir ebóla-sjúklinga árið 2019.EPA / HUGH KINSELLA CUNNINGHAMAlþjóðaheilbrigðisstofnunin hefur skilgreint þennan faraldur sem alþjóðlega lýðheilsuvá. Vel á þriðja hundrað smit hafa komið upp og um 80 manns eru talin hafa látist af völdum veirunnar, sem er af sérlega banvænum Bundibugyo-stofni.Bandarísk heilbrigðisyfirvöld hafa ákveðið að flytja fámennan hóp ríkisborga brott frá Kongó. Hópnum verður haldið í sóttkví þar sem talið er að hann hafi komist í snertingu við fólk smitað af ebólu. Alþjóðaheilbrigðisstofnunin óttast að útbreiðslan sé meiri en skráð tilvik gefi vísbendingar um.

Umdeild lög tóku gildi í gærkvöld sem heimila dauðarefsingu yfir þeim Palestínumönnum á Vesturbakkanum sem fremja hryðjuverk gegn Ísrael. Slík mál fara sjálfkrafa fyrir herdómstól og herráðsforinginn Avi Bluth undirritaði tilskipun í gær um gildistöku laganna.Samkvæmt ákvæðum laganna, sem samþykkt voru í mars, ber dómstólum að gera dauðarefsingu sjálfgefna niðurstöðu í málum gegn Palestínumönnum sem af ásettu ráði hafa gert mannskæðar árásir af því tagi sem Ísraelsríki flokkar sem hryðjuverk.Undir sérstökum mildandi kringumstæðum mega dómarar kveða upp lífstíðardóm í staðinn. Lögin taka ekki til sams konar glæpa ísraelskra ríkisborgara sem fara fyrir borgaralega dómstóla.Frumvarpið var sérstakt baráttumál þjóðaröryggisráðherrans Itamars Ben-Gvir, sem leiðir stjórnmálaflokk yst á hægri kant

Donald Trump Bandaríkjaforseti segir umþóttunartíma Írana vera að renna út. Þeir þurfi að drífa í að semja um frið í stríði sem hefur kostað fjölda mannslífa, skekið Mið-Austurlönd og keyrt orkuverð í hæstu hæðir.„Klukkan tifar fyrir Írani og þeir þurfa að bregðast hratt við, ella verður ekkert eftir til að semja um,“ skrifaði Donald Trump á samfélagsmiðil sinn Truth Social í gær.Íranskir miðlar sögðu Bandaríkjamenn ekki hafa boðið neinar haldbærar málamiðlanir gagnvart tillögum stjórnvalda um leiðir til að ljúka stríðinu.„Bandaríkjamenn halda áfram að krefjast tilslakana sem þegar hefur verið hafnað og það leiðir til pattstöðu í viðræðunum,“ hefur Mehr-fréttaveitan eftir stjórnvöldum. Pakistanski innanríkisráðherrann Mohsin Naqvi hitti forseta Íransþings og aðalsamningamanninn Mohammad Ba

Sögur eru nú farnar að ganga manna á milli í Bretlandi að forsætisráðherra landsins, Keir Starmer, hafi ákveðið að segja af sér embætti.

Hér má sjá reyk stíga upp þaðan sem þoturnar skullu til jarðar.AP/Lisa Van Horne / Lisa Van HorneTvær Boeing-herþotur skullu saman á flugsýningu í Idaho í Bandaríkjunum í dag. Áreksturinn varð í um tveggja kílómetra fjarlægð frá Mountain Home-herflugvellinum. Öllum fjórum sem voru um borð tókst að skjóta sér út í fallhífum og sakaði ekki samkvæmt fréttum bandarískra miðla.

Jeff Landry, ríkisstjóri Louisiana og sérstakur erindreki Bandaríkjastjórnar í málefnum Grænlands, kom til Nuuk um miðjan dag í dag.Samkvæmt fréttum danska ríkisútvarpsins ætlar Landry að taka þátt í ráðstefnunni Future Greenland, sem Viðskiptaráð Grænlands stendur fyrir. Hann er ekki gestur ráðsins en er hluti föruneytis Ken Howery, sendiherra Bandaríkjanna.Við komuna sagði Landry forsetann Donald Trump hafa hvatt sig til ferðarinnar og reyna að eignast eins marga vini og mögulegt væri. Tilgangur heimsóknarinnar væri að skapa tengsl; hann vildi hlusta og læra hvernig hægt væri að treysta samband Bandaríkjanna, Grænlands og Danmerkur.Jens-Frederik Nielsen, formaður landsstjórnarinnar, kveðst ætla að hitta Landry í dag. Trump skipaði Landry sérstakan erindreka fyrir Grænland í desember og s

Donald Trump Bandaríkjaforseti segir varar við því að „ekkert verði eftir“ af Írönum ef þeir hafa ekki fljótar hendur við í friðarviðræðum. Viðræður milli Írana og Bandaríkjamanna dregist verulega á langinn og líkur eru á því að stríð brjótist aftur út.

Norska öryggislögreglan gaf í dag út að hún hefði handtekið kínverskan mann í norðurhluta landsins fyrir njósnir. Nokkrar vikur eru síðan að samlandi mannsins var þar handtekinn grunuður um að hafa njósnað um gervihnattagögn.

Deilur hafa lengi verið milli Indlands og Pakistans og hafa löndin háð þrjú stríð frá árinu 1947. Deilurnar hafa þó tekið á sig undarlega mynd að undanförnu þar sem dyraöt, símaöt, bílaeltingaleikir og hótanir koma við sögu.

Skógarbjörn varð manni að bana í Vitosha, fjalllendu svæði rétt utan við búlgörsku höfuðborgina Sofíu.

Salten- og Lofoten dómstóllin úrskurðaði manninn í gæsluvarðhald.NRK / Ine-Sofie BruhaugKínverskur maður hefur verið handtekinn í Noregi grunaður um njósnir fyrir Kína. Maðurinn var handtekinn í Norðurlandi í Noregi á föstudag og var í morgun úrskurðaður í fjögurra vikna gæsluvarðhald, þar af tvær vikur í einangrun, að því er norska ríkisútvarpið NRK greinir frá.Lögmaður mannsins segir hann ekki hafa játað njósnir í yfirheyrslum lögreglu eða fyrir dómi.Norski herinn hefur verið upplýstur um málið en vill ekki tjá sig frekar. Talsverð uppbygging hernaðarinnviða stendur yfir í Norðurlandi.

Alþjóðaheilbrigðismálastofnunin (WHO) hefur lýst því yfir að ebólufaraldur í Lýðstjórnarlýðveldinu Kongó sé neyðarástand á sviði lýðheilsu sem varðar alþjóðasamfélagið.

Að minnsta kosti fjórir voru drepnir í stórfelldum árásum Úkraínu á Rússland í nótt.Úkraínuher sendi hátt í 600 dróna að skotmörkum vítt og breytt um landið, allt að nágrenni höfuðborgarinnar Moskvu. Þar voru 3 drepnir og einn til viðbótar í landamærahéraðinu Belgorod.Þessar aðgerðir koma í kjölfar þungra og mannskæðra árása Rússa á Úkraínu síðustu daga og vikur. Volodymyr Zelensky Úkraínuforseti sagði í samfélagmiðlafærslu í morgun að þetta svar væri fyllilega réttlætanlegt. Skilaboðin til Rússa væru að nú þyrfti að ljúka stríðinu sem hefur staðið í rúm fjögur ár, frá allsherjarinnrás Rússa í febrúar 2022.Volodymyr Zelensky segir Úkraínu hafa verið í fullum rétti að svara fyrir árásir Rússa síðustu daga og vikur. Fjórir voru drepnir í árásum sem náðu allt að úthverfum Moskvu.

Ástralska flugfélagið Qantas þurfti að breyta flugleið vélar á leið til Bandaríkjanna vegna farþega sem olli ónæði.

Búlgaría kom, sá og sigraði á 70. Eurovision-söngvakeppninni sem fram fór í Vín í Austurríki í gærkvöld.

Wes Streeting, fráfarandi heilbrigðisráðherra Bretlands, segist munu sækjast eftir því að verða næsti formaður Verkamannaflokksins ef til formannskjörs kemur. Hann vill að Bretar gangi aftur í Evrópusabandið.

Búlgaría tók fram úr Ísrael á lokametrum kosningarinnar í Eurovision-söngvakeppninni í kvöld. Keppnin verður því haldin í Búlgaríu að ári.

Hvalshræ sem fannst undan ströndum Danmerkur á fimmtudag er af hvalnum Timmy. Hnúfubakurinn Timmy vakti fyrst athygli þýsku þjóðarinnar í mars þegar hann strandaði undan ströndum Þýskalands.

Norska lögreglan sagði í dag að hún hefði handtekið 27 manns á samkomu sem skipulögð var af glæpasamtökum vélhjólamanna í Ósló í Noregi.

Ökumaður slasaði sjö manns, þar af fjóra alvarlega, þegar hann ók upp á gangstétt í borginni Modena í dag. Hann fór síðan út úr bílnum, hugsanlega með hníf á sér, að sögn borgarstjórans.