Persónuverndarstefna

Síðast uppfært: 23. október 2026

Blaðberi safnar einungis þeim upplýsingum sem nauðsynlegar eru til að veita þjónustuna. Engar auglýsingar eru birtar, engum gögnum er deilt með auglýsendum og engin þvert-á-vefsvæði rakning fer fram.

Ábyrgðaraðili

Björn Brynjúlfur Björnsson. bjorn@bladberi.is

Hvaða gögnum er safnað

• Aðgangsupplýsingar: notandanafn og einkvæmt auðkenni frá auðkennisveitu (Sign in with Apple eða Google).
• Netfang: ef notandi skráir sig með Apple eða Google er netfangið afhent okkur frá auðkennisveitunni og notað til að senda valfrjálsar fréttabréfsuppfærslur eða vikulegt fréttayfirlit, eftir því sem notandi velur. Netfangið er einnig notað ef notandi býr til API-lykil gegnum vefþjónustuna.
• Notendaefni: ummæli og atkvæði sem notandi skráir eru opinberlega sýnileg undir notandanafninu.
• Tilkynningarmerki (push token): einkvæmt auðkenni tækisins, geymt í gegnum OneSignal, til þess eins að afhenda tilkynningar um svör við ummælum.
• Notkunarmælingar: ópersónugreinanlegar tölur um smelli og útþenslu samantekta á einstaka fréttum, sem nýtast til að birta vinsælustu fréttir („Efst").
• Tengd gervigreindarforrit (MCP): ef notandi tengir forrit á borð við Claude eða ChatGPT við MCP þjóninn geymum við heiti forritsins og vefslóðina sem það skráði, aðgangslykla þess (einungis sem tætigildi), hvenær það var tengt og síðast notað, og atvikaskrá um köll (tól, notandaauðkenni, tími). Forritið fær eingöngu opinber fréttagögn (fyrirsagnir, samantektir, tengla og talningar), aldrei netfang, ummæli eða stillingar notandans. Meðferð forritsins sjálfs á gögnunum fer eftir persónuverndarstefnu þess fyrirtækis sem rekur það.
• Vafrakökur: innskráningarkaka og stillingakaka (þema, flokkun, röðun). Engar auglýsingakökur eða þriðju-aðila rakningarkökur.

Þriðju aðilar

Eini þriðji aðilinn sem fær gögn um notendur er OneSignal, sem afhendir push-tilkynningar. OneSignal fær einungis tilkynningarmerki tækisins og innra notandaauðkenni Blaðbera.

Geymslutími

Aðgangur og innslegið efni eru geymd þangað til notandi eyðir aðgangi sínum. Notkunarmælingar eru geymdar í samanteknu formi til lengri tíma. Push-merki er eytt þegar notandi afskráir tækið eða eyðir aðgangi. Aðgangslyklar tengdra forrita renna út (klukkustund aðgangslykill, 30 dagar endurnýjunarlykill) og er eytt þegar notandi aftengir forritið eða eyðir aðgangi; atvikaskrár eru geymdar í allt að 30 daga.

Réttindi þín

Þú hefur rétt til að nálgast, leiðrétta eða fá eytt þeim persónuupplýsingum sem þig varða. Hægt er að eyða aðgangi sínum sjálfur í stillingum, eða með því að senda póst á bjorn@bladberi.is.

Persónuvernd

Kvartanir vegna meðferðar persónuupplýsinga má beina til Persónuverndar.

Summary in English