Einn af þremur fundargestum sem var skotinn á kosningafundi Donalds Trump í Butler í Pennsylvaníu árið 2024 er látinn af völdum fylgikvilla vegna áverka sinna, að því er breska ríkisútvarpið hefur eftir ríkissaksóknara Pennsylvaníu.

Borgaryfirvöld í Tókýó, höfuðborg Japans, hafa til skoðunar að grípa til hertra aðgerða til að halda borginni hreinni. Borgarstjórinn Yuriko Koike tilkynnti á dögunum að í samstarfi við sérfræðinga eigi að grípa til aðgerða, svo sem að fá samþykkta reglugerð um sektir á hendur þeim sem henda rusli á götuna, að því er japanski fjölmiðillinn The Japan Times greinir frá.Yfir 500 milljónir manna heimsóttu Tókýó i fyrra, þar á meðal voru tæpar 29 milljónir erlendra ferðamanna. Þeir hafa aldrei verið fleiri. Borgin hefur lengi þótt ein sú snyrtilegasta í heimi en rusl á götum vinsælustu hverfanna hefur aukið mikið síðustu ár.Í Tókýó hafa hverfin ákveðin völd og í Shibuya samþykktu stjórnvöld í júní að leggja 2.000 jena sekt á fólk sem verður uppvíst að því að henda rusli á götuna. Það jafngildir

Bandarísk stjórnvöld hafa stungið upp á því að sendinefndir Rússlands og Úkraínu ræði saman í Sameinuðu arabísku furstadæmunum á næstunni. Þetta tilkynnti Zelenský Úkraínuforseti í dag. Úkraínsk stjórnvöld væru að bíða eftir dagsetningu.Verið er að reyna að blása lífi í friðarviðræður sem hafa legið niðri stóran hluta ársins. Zelenský ræddi við Trump Bandaríkjaforseta á allsherjarþingi Sameinuðu þjóðanna í vikunni.Úkraínsk stjórnvöld ætla á næstu dögum að ræða betur við bandamenn sína í Evrópu og bandarísk stjórnvöld ræða við Rússa, sagði Zelenský. Stjórnvöld í Rússlandi staðfestu í dag að mögulegt væri að viðræðurnar yrðu á næstunni.Volodymyr Zelensky forseti Úkraínu og Donald Trump forseti Bandaríkjanna.AP / Julia Demaree Nikhinson

Donald Trump Bandaríkjaforseti segir að hann og Xi Jinping Kínaforseti hafi náð árangri fyrir Bandaríkin og Kína í samtölum sín á milli, en kínverski forsetinn lauk opinberri heimsókn sinni til Washington í dag.

Umfang fellibyljarins Nolo magnast enn og nú metur miðstöð fellibylja í Bandaríkjnum það sem svo að mikil úrkoma geti leitt til hamfaraflóða á Hawaii-eyju, sem er stærsta eyja Hawaii-ríkis í Bandaríkjunum. Þetta kemur fram í tilkynningu frá miðstöðinni.

Xi Jinping lýkur ferð sinni til Bandaríkjanna með ferð í Skjalasafn Bandaríkjanna þar sem Donald Trump ætlar að sýna honum frelsisyfirlýsinguna frægu frá 1776 og réttindaskrá Bandaríkjanna. Bæði þessi skjöl marka grunnstoðir bandarísks lýðræðis. Trump lýsti þeim sem einhverjum mestu fjársjóðum Bandaríkjanna, áður en hann ætlaði að sýna þau leiðtoga öflugasta kommúnistaríkis heims.

Eftir því var tekið að engin viðskiptasendinefnd fylgdi Xi Jinping Kínaforseta á fund hans með Donald Trump Bandaríkjaforseta auk þess sem á gestalista í hátíðarkvöldverð Hvíta hússins í gærkvöldi.

Sérstök þingnefnd um kosningar meinaði í vikunni stjórnmálaflokkum landsins sem leiddir eru af Aröbum að bjóða fram í þingkosningum næsta mánaðar. Fastlega er búist við því að hæstiréttur Ísrael muni ógilda ákvörðun nefndarinnar, sem er nánast eingöngu skipuð þingmönnum.

Hávær mótmæli hafa brotist út á Spáni eftir að 87 ára gömul kona, sem jafnframt er öryrki, var þvinguð út af heimili sínu í Madrid fyrr í vikunni.Mótmælin hafa dreifst um fleiri borgir Spánar en mál konunnar, sem er einfaldlega þekkt undir skírnarnafni sínu, Maricarmen, hefur dregið athygli að þeirri miklu húsnæðiskrísu sem landið stendur frammi fyrir.Maricarmen hafði búið í sömu íbúð í Retiro-hverfinu í miðbæ Madrid í sjö áratugi. Faðir hennar tók íbúðina á leigu árið 1956 en eftir að foreldrar hennar voru fallnir frá tók Maricarmen við íbúðinni. Þak var á leiguverði íbúðarinnar sem nam 500 evrum, eða 68.600 íslenskum krónum. HÆKKUÐU LEIGUNA UM 430% Árið 2018 keypti fasteignafélagið Urbagestión húsið og tókst þeim að nýta sér lagaglufu til að hækka leiguna í 2.650 evrur, eða 364.000 ís

Diplómatar og blaðamenn biðu spenntir eftir að heyra ávarp Donalds Trumps Bandaríkjaforseta á allsherjarþingi SÞ fyrr í vikunni.

Talsmaður Vladimírs Pútín segir að þriggja hliða fundur milli Rússa, Úkraínumanna og Bandaríkjamanna gæti átt sér stað í náinni framtíð. Það sé þó ekki ljóst enn og viðræður við Bandaríkjamenn standi enn yfir. Vólódímír Selenskí segir að Bandaríkjamenn hafi lagt til að fundurinn fari fram í Sameinuðu arabísku furstadæmunum.

Volodimír Selenskí Úkraínuforseti segir að Donald Trump Bandaríkjaforseti hafi tjáð sér að hann myndi leyfa Úkraínu að framleiða háþróaðar Patriot-loftvarnaeldflaugar, eftir að óvissa hafði verið uppi um málið.

Elizabeth Holmes, stofnandi fallna heilbrigðisfyrirtækisins Theranos sem olli einu mesta fjaðrafoki Kísildals, verður flutt úr lágmarksöryggisfangelsi á áfangaheimili í ágúst á næsta ári.

Stjórnvöld á Ítalíu hafa bannað búrkur og níkab í skólum landsins. Þá má hlutfall nemenda sem ekki eru með ítalskan ríkisborgararétt eða tala litla ítölsku í bekk ekki vera hærra en þrjátíu prósent.

Umfangsmiklar framkvæmdir á lóð Vladimírs Pútín í Sochi í suðurhluta Rússlands virðast vera að klárast. Lúxushús forsetans þar kallast Bocharov Ruchey og var jafnað við jörðu árið 2024 en nú virðist sem enn stærra hús hafi risið þar í staðinn. Framkvæmdin er fjármögnuð af ríkinu og unnin af manni sem tengist vini Pútíns persónulega.

Yfirvöld í Sádi-Arabíu hafa boðað yfirmenn herafla Tyrklands og Pakistan á fund þar sem ræða á hvernig ríkin tvö geta stutt Sáda vegna árása Húta í Jemen. Æðstiklerkur Sádi-Arabíu hefur kallað eftir því að hermenn konungsríkisins verði tilbúnir til að leggja lífið að veði í baráttunni gegn Hútum.

Yfir eitt hundrað voru handteknir á fjölmennum mótmælum í New York í gær í tengslum við ræðu Benjamins Netanyahu forsætisráðherra Ísraels á allsherjarþingi Sameinuðu þjóðanna. Þekktir einstaklingar voru á meðal þeirra sem handteknir voru.

Donald Trump Bandaríkjaforseti bauð Xi Jinping, forseta Kína, til veglegrar kvöldverðarveislu í Hvíta húsinu í gær þar sem báðir leiðtogar lofuðu nýtt og betra samband ríkjanna. Á sama tíma söfnuðust mótmælendur saman fyrir utan hlið Hvíta hússins og voru nokkrir þeirra handteknir.

Donald Trump Bandaríkjaforseti stóð fyrir hátíðarkvöldverði til heiðurs Xi Jinping forseta Kína og eiginkonu hans, Peng Liyuan, í gærkvöld. Bandaríkjaforseti sagði af því tilefni að forsetarnir væru meðvitaðir um að þeir væru fulltrúar ólíkra hagkerfa en tengslin milli þjóðanna væru enn til staðar.Xi hvatti til þess að þjóðirnar héldu áfram að vera í sátt og samlyndi og sagði að Kína og Bandaríkin yrðu að haga sér eins og ábyrg stórveldi.Trump gaf Xi styttu af skallaerni sem er tákn Bandaríkjanna. ÓLJÓST HVORT SAMKOMULAG HAFI NÁÐST UM DEILUEFNI Ekki er ljóst hvað muni koma út úr heimsókn Kínaforseta til Bandaríkjanna. Greinendur segja að heimsóknin hafi snúist meira um sjónarspil en innihald, en móttökurnar og hátíðarbragurinn dragi aðeins úr spennu milli þjóðanna, í það minnsta á yfirb

Prestur var drepinn og fjórir eru særðir eftir hnífárás í Benediktínaklaustri í Jarosław, suðaustur Póllandi í morgun.Pólska ríkisútvarpið greinir frá því að úkraínskur maður á fertugsaldri hafi verið handtekinn. Tveir hinna særðu eru prestar og auk þeirra særðust kona og maður í árásinni. Tveir eru alvarlega slasaðir eftir árásina.Nunna sem varð vitni að árásinni sagði að enginn hefði þekkt til árásarmannsins. Rannsókn lögreglu beinist meðal annars að ástæðu árásarinnar, en rannsakendur telja að maðurinn hafi keyrt frá Þýskalandi og að landamærum Úkraínu en hafi ekki farið yfir þau þar sem þau voru lokuð.Forsætisráðherra Póllands, Donald Tusk, segir að árásarmanninum verði refsað af hörku í samræmi við pólsk lög. Volodomyr Zelensky, forseti Úkraínu, fordæmdi árásina og sagði hana hryllile

Forseti Írans, Masoud Pezeshkian, ræddi stríð lands síns við Bandaríkin við bandarísku fréttastofuna Fox News fyrr í kvöld.

Benjamín Netanjahú forsætisráðherra Ísraels hélt ræðu á allsherjarþingi Sameinuðu þjóðanna í kvöld.Framferði Ísraels á Gaza hefur verið mótmælt í New York í dag. Því var líka mótmælt í þingsalnum þegar fjöldi fulltrúa gekk út á sömu stundu og Netanjahú gekk í ræðustól. > „Ef fleiri siðferðislegar bleyður eiga eftir að fara úr salnum bið ég ykkur að fara núna.“ Netanjahú nýtti ræðuna til að gagnrýna andstæðinga sína – og bandamenn. Hann var harðorður í garð Íran, sem hann kallaði morðóða einræðisstjórn, en setti einnig út á bandamennina Bretland og Frakkland sem hafa verið sígagnrýnni á Ísrael.Netanjahú vék líka máli sínu að Zohran Mamdani, borgarstjóra New York, og sakaði hann um gyðingaandúð.Mamadani hefur kallað eftir því að handtökuskipun Alþjóðlega sakamáladómstólsins á hendur Netanj

Í eldræðu sinni fyrir Allsherjarþingi Sameinuðu þjóðanna fyrr í dag réðst forsætisráðherra Ísraels, Benjamín Netanjahú, á vini jafnt sem fjendur, en áður en hann hélt ræðu sína gengu tugir erindreka víðs vegar að úr heiminum út úr salnum.

Einn hreysiköttur heldur náttúruverndarfólki á Orkneyjum enn við efnið eftir margra mánaða leit.

Stundum hefur virst eins og Tyrkland væri alveg við það að stíga inn í nútímann og í það minnsta taka forystu meðal múslímaríkja í málefnum hinsegin fólks.

Tugir fulltrúa ríkja á allsherjarþingi Sameinuðu þjóðanna gengu úr salnum þegar Benjamín Netanjahú forsætisráðherra Ísraels steig í ræðustól í New York í dag. Forsætisráðherrann lét sér fátt um finnast og kallaði fulltrúana siðferðislega hugleysingja.

Sex ára gömul kínversk stúlka, Lian Yunzhi, hefur sett nýtt heimsmet í að leysa Rubik-tening á sem skemmstum tíma í kvennaflokki. Metið setti hún í Wuhan í Kína fyrr í mánuðinum þegar hún leysti teninginn fimm sinnum á aðeins 4,27 sekúndum að meðaltali.

Gavin Newsom, ríkisstjóri Kaliforníu, spáir því að demókratar muni endurheimta fulltrúadeildina í þingkosningunum sem fara fram í nóvember og þá muni forsetatíð Donalds Trumps Bandaríkjaforseta vera á enda „eins og við þekkjum hana“.

Volodimír Selenskí Úkraínuforseti segir að Úkraínumenn séu slegnir yfir hinni fólskulegu hnífaárás sem úkraínskur maður framdi í dag þegar hann drap prest og særði fjóra aðra í kaþólsku klaustri í suðausturhluta Póllands.

Hægriflokkurinn AfD mælist nú langstærsti flokkur Þýskalands í skoðanakönnunum.

Norska ríkisútvarpið NRK hefur fengið staðfest frá konungsfjölskyldunni að Wilma, hundur Ástríðar Noregsprinsessu, hafi drepist fáeinum dögum eftir að prinsessan lést.Ástríður var borin til grafar í gær en hún lést aðeins tveimur dögum eftir að eldri bróðir hennar, Haraldur Noregskonungur, var jarðsunginn.Wilma, hundur Ástríðar Noregsprinsessu heitinnar, drapst aðeins nokkrum dögum eftir að prinsessan lést. Ástríður var borin til grafar í Osló í gær.Eftir því var tekið að hundinn Wilmu var hvergi að sjá í gær þegar Ástríður var jörðuð. Síðustu ár hafði hún tekið hundinn með sér nánast hvert sem hún fór.Tíkin Wilma var 12 ára en Ástríður tók hana að sér fyrir nokkrum árum. Wilma litla var chihuahua-blendingur og varð Norðmönnum kunnug, enda var Ástríður iðulega með hana í kjöltunni þegar hú

Nýtt stríð virðist hafið í Eþíópíu þar sem leiðtogar Frelsisfylkingarinnar svokölluðu í Tigray-héraði og bandamenn þeirra ætla að velta ríkisstjórn landsins úr sessi. Leiðtogar Frelsisfylkingarinnar segjast vera að heyja varnarstríð gegn ríkisstjórninni og eru þeir sagðir hafa gert umfangsmikla sókn víðs vegar um norðurhluta landsins.

Hundruð námsmanna gengu um götur Nýju Delí á miðvikudag og mótmæltu eftir að 17 ára stúlka greindi frá því að þrír menn í gervi lögreglumanna hefðu nauðgað henni í almenningsgarði í borginni þar sem hún fagnaði afmæli sínu ásamt vini. Þrír menn hafa verið handteknir.

Blaðamönnum frá CNN, Politico og MS Now var vísað frá Hvíta húsinu á degi sem Donald Trump lýsti sem „stóra deginum“ sínum með Xi Jinping, forseta Kín, þrátt fyrir dómsúrskurð sem fyrirskipaði stjórn hans að veita þeim aðgang að nýju.

Danskir og grænlenskir ráðamenn fullyrða að samningurinn skerði í engu fullveldi konungsríkisins Danmerkur. Í Heimsglugganum var rætt við hina grænlensk-íslensku Ingu Dóru Guðmundsdóttur og Rasmus Gjeddsø Bertelsen, sem er alþjóðastjórnmálafræðingur og prófessor við Norðurslóðaháskólann í Tromsø. Inga Dóra segir Grænlendingum létt, Rasmus er ósammála flestum sem hafa tjáð sig um samninginn og segir að í honum sé skýr takmörkun á fullveldi konungsríkisins Danmerkur. Mat umsjónarmanns Heimsgluggans var að eftir digurbarkalegar yfirlýsingar og hótanir hefði fjallið tekið joðsótt og fæðst mús. MIKILL LÉTTIR Á GRÆNLANDI Inga Dóra Guðmundsdóttir Markussen, framkvæmdastjóri hjá Air Greenland og fyrrverandi stjórnmálamaður og ritstjóri, segir að Grænlendingum sé létt eftir að samkomulagið var u

Kengúrur. Myndin tengist fréttinni ekki beint.EPA / GRZEGORZ MICHALOWSKIVegfarendur í Give á Jótlandi eru beðnir um að sýna aðgát af æði sérstökum ástæðum. Danska ríkisútvarpið greinir frá því að lögreglunni á Jótlandi hafi borist fjöldi tilkynninga frá vegfarendum sem sáu kengúrur á ferð á þessum slóðum.Þrjár kengúrur sem eru í einkaeign sluppu úr vistarverum sínum í Givskud norðan við Vejle á þriðjudaginn. Það gæti reynst þrautinni þyngri að ná kengúrunum sem eru eflaust hoppandi kátar með nýfengið frelsi. Hægt er að sjá myndskeið sem vegfarandi náði af einni kengúrunni í frétt DR.Lögreglan sagði í gær að hún myndi ekki grípa til aðgerða nema ef dýrin skapa hættu fyrir vegfarendur.

Nýir verjendur munu fara með mál Mariusar Borg Høiby, stjúpsonar Hákons VIII Noregskonungs, þegar þau verða tekin fyrir að nýju fyrir dómstólum eftir áfrýjun. Verjendurnir segjast ætla að leggja fram sönnunargögn sem ekki hafa sést áður og fá ný vitni til að gefa skýrslur fyrir dómi.

Beinagrind sem fannst við fornleifauppgröft á Grænlandi í sumar staðfestir kenningar fræðimanna um að rústir sem eru þar nærri séu kirkjurústir. Ritzau fréttaveitan greinir frá.Danskir fornleifafræðingar fundu beinagrindina í ágúst í Qinngua nærri Narsarsuaq, skammt frá Bröttuhlíð Eiríks rauða. Rúm 60 ár eru síðan kirkjurústir norrænna manna fundust síðast á Grænlandi. Þær kirkjur voru frá víkingatímanum en þessi kirkja er stærri og talið er líklegt að hún hafi verið byggð fyrir 1450. TÖLDU RÚSTIRNAR VERA AF KIRKJU EN ENGINN FANNST KIRKJUGARÐURINN Kenningar voru um að umræddar rústir væru kirkjurústir því rétthyrndur steinveggur er umhverfis steinbyggingu í miðjunni. Það var erfitt að sannreyna að þetta væru kirkjurústir því enginn kirkjugarður fannst þar nærri.Fornleifauppgröftur fór f

Alríkisdómari í Washington DC hefur skipað Hvíta húsinu að veita þremur fjölmiðlum sem Donald Trump bannaði úr byggingunni í síðustu viku aftur aðgang að byggingunni. Samkvæmt úrskurðinum eiga miðlarnir að fá aðgang að Hvíta húsinu næstu fjórtán daga á meðan málið er til meðferðar fyrir dómi.

Öryggis- og samvinnustofnun Evrópu, ÖSE, verður ekki boðið að fylgjast með þingkosningum í Bandaríkjunum í nóvember næstkomandi. Frá þessu er greint í fréttatilkynningu á vefsíðu stofnunarinnar sem birt var í dag.Öll ríki Evrópu eiga aðild að ÖSE auk Bandaríkjanna, Kanada, Kasakstan, Kirgistan, Tadsjikistan, Túrkmenistan og Úsbekistan. Aðildarríkin hafa skuldbundið sig til að bjóða eftirlitsmönnum frá öðrum aðildarríkjum og viðeigandi einkastofnunum og samtökum til kosningaeftirlits.Þetta verður í fyrsta sinn síðan 2002 sem ÖSE verður ekki með kosningaeftirlit í Bandaríkjunum. Frá árinu 2002 hafa fulltrúar ÖSE verið með kosningaeftirlit í 12 kosningum í Bandaríkjunum, þar af 6 þingkosningum.Í tilkynningu ÖSE segir að á undanförnum tveimur áratugum hafi stofnunin byggt upp samstarf við alrí

Ítalska lögreglan fann yfir þrjár milljónir evra í reiðufé faldar í veggjum húss meints eiturlyfjabaróns eftir ábendingu.

Anthony Albanese, forsætisráðherra Ástralíu, greindi frá því í dag að gervigreindarfulltrúi sem var þróaður af OpenAI hafi hakkað sig inn á vefsíðu ástralskra stjórnvalda í júní og komist í óopinberar skrár.

„Maður finnur að dýrin, sérstaklega kýrnar, þjást. Þær eiga mjög erfitt með þennan hita.“ Miklir þurrkar og endurteknar hitabylgjur hafa sett búskap í suðvesturhluta Frakklands í erfiða stöðu og bændur óttast um fóðurbirgðir, Abel Tite, bóndi, segir hitann hafa tekið verulegan toll af nautgripunum.

Donald Trump Bandaríkjaforseti tók persónulega á móti Xi Jinping forseta Kína á herflugvelli fyrir utan Washington þegar sá síðarnefndi lenti þar fyrir opinbera heimsókn sína til Bandaríkjanna.

Kínverjar reisa nú risavaxin gagnaver á kartöfluökrum í Mongólíu og ætla sér að sigra Bandaríkin í gervigreindarkapphlaupinu. Kínverskt ríkisdagblað segir áhyggjur Bandaríkjamanna af að verða undir enduróma gamla kaldastríðsspeki.

Forseti Írans sakaði Bandaríkin um hryðjuverk í ræðu sinni fyrir Allsherjarþingi Sameinuðu þjóðanna og sagði Írani aldrei myndu beygja sig og bugta fyrir Bandaríkjunum. Þá hélt hann á myndum af hinum látna leiðtoga Ayatollah Khameinei sem og af látnum almennum borgurum. Á sama tíma lýsti hann Írani opna fyrir viðræðum en sendinefnd Bandaríkjanna yfirgaf salinn.

Geimurinn er orðinn „vígvöllur“ og Bretar og bandamenn þeirra þurfa að efla getu sína til að bregðast við vaxandi ógnum, að sögn Sir Harv Smyth, yfirmanns breska flughersins (RAF).

Fyrr í þessum mánuði náði Yunzhi meðaltímanum 4,52 sekúndum á aþjóðlega viðurkenndu móti í borginni Wuhan. Hún sló svo sitt eigið met á öðru móti í borginni Guangzhou þremur dögum síðar. Þá náði hún meðal tímanum 4,27 sekúndum.Viðurkennd Rúbiks-kubba mót virka oftast þannig að hver keppandi fær fimm tilraunir. Besti og versti tími telja ekki með og tekið er meðaltal af þeim þremur sem eftir eru.Yunzhi brosti út að eyrum þegar hún náði að leysa eina tilraunina á aðeins 3,54 sekúndum. Geri aðrir betur segjum við nú bara.

Tólf manns þurftu á læknisaðstoð að halda og lögregla girti af hluta af byggingum spænska þingsins eftir að piparúði dreifðist um þær í dag. Piparúðinn kom frá þingmanni Lýðflokksins sem notaði hann sem leikmun í umræðum um innflytjendamál.

Ástríður prinsessa var borin til grafar í dag, tveimur vikum á eftir bróður sínum Haraldi heitnum Noregskonungi. Hún lést 11. september 94 ára að aldri.Ástríður lést aðeins tveimur dögum eftir að hafa fylgt yngri bróður sínum hinsta spölinn. Hún þjónaði fjórum Noregskonungum. Fyrst afa sínum Hákoni sjöunda VII., svo Ólafi fimmta V. föður sínum, þá Haraldi bróður sínum og nú síðast bróðursyni sínum Hákoni VIII.Ástríður prinsessa var borin til grafar í dag, tveimur vikum á eftir bróður sínum Haraldi heitnum Noregskonungi.Ástríður var við störf nánast fram til dánardags og var verndari fjölmargra samtaka. Hún giftist Johan Martin Ferner 1961 þrátt fyrir mótbárur norsku kirkjunnar. Ferner var fráskilinn. Þau eignuðust fimm börn.Aðeins 22 ára gömul fyllti hún í skarð móður sinnar, Mörtu krónpri

Polo stefnir í að verða einhver kröftugasti fellibylur austanverðs Kyrrahafsins í áratugi. Líklegara er að fellibylurinn muni fara nærri vesturströnd Mexíkó en hann á ekki að ganga þar á land. Þrátt fyrir það er búist við miklum vindum, úrkomu og flóðum, bæði sjávarflóðum og skyndiflóðum og aurskriðum.

Embættismenn innan ríkisstjórnar Donalds Trump segja það vera „forréttindi“ fyrir fjölmiðla að fá aðgang að Hvíta húsinu. Starfsmenn CNN, MS NOW og Politico hafi brotið gegn reglum og viðmiðum um siðprýði og þess vegna hafi þeim verið meinaður aðgangur að Hvíta húsinu.

Hið forna hringleikahús Colosseum í Róm er lokað í dag vegna banaslyss sem þar varð í gærkvöldi þegar Andrea Moretti, starfsmaður sem vann við að setja upp ný ljós, hrapaði til bana við vinnu sína.

Vopnaðir menn réðust inn á heimili í fátækrahverfi í hafnarborginni Durban í austurhluta Suður-Afríku og drápu 11 manns, að sögn yfirmanns héraðsstjórnarinnar og lögreglu í dag.

Trine Erdal héraðssaksóknari krefst tólf ára fangelsisrefsingar yfir fertugum manni fyrir framleiðslu á 74 kílógrömmum af amfetamíni á afskekktum sveitabæ í Modum í Buskerud-fylki vestan Óslóar. Verjandi fullyrðir að lögregla hafi gengið í svokallaða staðfestingargildru og ætli sér bara að ná fram sakfellingu, sama hvað.

Að minnsta kosti ellefu voru skotnir til bana þegar þrír árásarmenn ruddust inn í samkvæmi í Suður-Afríku í gærkvöldi. Þrír eru særðir en ólétt kona var meðal þeirra sem dóu í árásinni. Lögreglan segir að meðal hinna látnu séu menn sem voru þekktir af lögreglu og viðloðnir glæpastarfsemi.

Vólódímír Selenskí bað Donald Trump um „vetrarpakka“ af hernaðaraðstoð og þá sérstaklega um flugskeyti í Patriot-loftvarnarkerfi, til að verjast skotflaugaárásum Rússa. Hann segir einnig að Bandaríkjamenn séu líklegir til að reyna að koma á vopnahléi sem snýr sérstaklega að orkuinnviðum í bæði Úkraínu og Rússlandi.

Stjórnarandstöðuleiðtoga Venesúela, Maria Corina Machado, hefur verið meinað að snúa aftur til landsins úr útlegð sinni í Pamana.

Volodomyr Zelensky fundaði með Donald Trump Bandaríkjaforseta í New York í gær.AP / Julia Demaree NikhinsonVolodomyr Zelensky, forseti Úkraínu, segir að Úkraínumenn séu tilbúnir til að hætta árásum á orkuinnviði Rússa ef þeir geri slíkt hið sama.Þetta sagði hann í viðtali við fjölmiðla á allsherjarþingi Sameinuðu þjóðanna í gær. Hann sagði að stjórnvöld bæði í Washington og Kyiv vilji að innrásinni ljúki fyrir veturinn. Zelensky sagði að honum væri ekki kunnugt um afstöðu Rússa til þessa en vonaðist til að stjórnvöldum í Bandaríkjunum tækist að koma á viðræðum að nýju.Zelensky fundaði með Donald Trump Bandaríkjaforseta í gær. Hann sagði fund þeirra jákvæðan og árangursríkan.

Lönd Evrópusambandsins hafa náð samkomulagi um að rússnesku ólígarkarnir Alisher Usmanov og Mikhail Friedman verði teknir af lista Evrópusambandsins yfir einstaklinga og stofnanir sem sæta efnahagsþvingunum Evrópusambandsins vegna innrásar Rússa í Úkraínu.Yfir 3.000 einstaklingar og fyrirtæki á listanum sæta frystingu eigna og takmörkunum á ferðafrelsi.Andriy Sybiga, utanríkisráðherra Úkraínu, segir ákvörðun ESB „skammarlega og óverjandi.“ Hann sagði að nú væri fagnað í Moskvu því þetta væri það sem stjórnvöld vilji þar, refsileysi, niðurlægingu ESB og sundrung meðal Evrópuþjóða. DRÓGU NEITUNARVALD SITT TIL BAKA Stjórnvöld í Lettlandi beittu neitunarvaldi gegn því að óligarkarnir tveir yrðu teknir af listanum. Því var tvísýnt um tíma í gær hvort samkomulag myndi nást í tæka tíð áður en

Bandaríski „looksmaxxing“-áhrifavaldurinn Braden Peters, sem kallar sig Clavicular, er ákærður fyrir að nauðga stúlku undir lögaldri, gefa henni áfengi og byrla henni ólyfjan í kynferðislegum tilgangi.Samkvæmt ákærunni áttu meint brot sér stað í maí í fyrra.Peters neitar sök. Talsmaður hans sagði við CBS News að ákærurnar væru „rugl“. Stúlkan, sem nú er 18 ára, höfðaði einkamál gegn Peters fyrr á árinu. Hún segir hann hafa gefið sér nokkra staupa af vodka og haft samræði við hana án samþykkis á heimili foreldra hans í Cape Cod í Massachusetts.Stúlkan segist hafa verið ólögráða þegar Peters, sem er tvítugur, á að hafa brotið á henni. Hún sakar hann einnig um að hafa sprautað sig í andlitið með einhvers konar ólöglegu efni sem eigi að leysa upp fitu. BER SIG Í ANDLITIÐ MEÐ HAMRI Þetta er

Donald Trump, forseti Bandaríkjanna, og leiðtogar Grænlands og Danmerkur hafa undirritað öryggissamning á milli ríkjanna. Undirritunin fór fram við athöfn sem fór fram samhliða allsherjarþingi Sameinuðu þjóðanna.

Donald Trump forseti Bandaríkjanna fór um víðan völl í ræðu sinni á fundi í höfuðstöðvum Sameinuðu þjóðanna í New York í dag. Meðal umræðuefna hans var ákall til þeirra þjóða sem eiga aðild að Alþjóðlega sakamáladómstólnum (ICC) um að segja skilið við dómstólinn.Trump segir Bandaríkin andsnúin „þeirri stjórnlausu stofnun sem kallast Alþjóðlegi sakamáladómstóllinn.“ Þá hét Marco Rubio utanríkisráðherra Bandaríkjanna því að leggja dómstólinn kerfisbundið niður. Hann sé óþolandi ógn við fullveldi Bandaríkjanna. Alþjóðlegi sakamáladómstóllinn Alþjóðlegi sakamáladómstóllinn tók til starfa í hollensku borginni Haag árið 2002 í kjölfar þess að 60 ríki höfðu fullgilt Rómarsamþykktina svonefndu.Dómstóllinn dæmir á alþjóðlegum grundvelli í málum einstaklinga sem framið hafa alvarlega glæpi á borð vi

Benjamín Netanjahú, forsætisráðherra Ísraels, hét því í dag að fordæma Zohran Mamdani, borgarstjóra New York, á allsherjarþingi Sameinuðu þjóðanna.

Donald Trump Bandaríkjaforseti kallaði eftir afsögn allra þjóða úr Alþjóða sakamáladómstólnum í Haag í ræðu sinni á allsherjarþingi Sameinuðu þjóðanna í New York í dag. Þá kallaði hann dómstólinn jafnframt stjórnlausan.

Donald Trump Bandaríkjaforseti fór um víðan völl eins og hans er von og vísa í árlegri ræðu hans frammi fyrir Allsherjarþingi Sameinuðu þjóðanna í New York. Hann segist standa frammi fyrir mikilli ákvörðun hvað varðar Íran, að gera samning við þarlend stjórnvöld eða eyða íslamska lýðveldinu. Þá gekk sendinefnd Kúbu út úr salnum og forsetinn sagði Bandaríkjamenn bera höfuð og herðar yfir Kína þegar kemur að gervigreind, sem hann nefndi nýju nafni.

Karlmaður á fimmtugsaldri, starfsmaður lögreglunnar í Stokkhólmi, hefur verið ákærður fyrir ítrekaðar nauðganir gegn börnum.

Donald Trump, forseti Bandaríkjanna, sagði á allsherjarþingi Sameinuðu þjóðanna í dag að hann þyrfti að velja hvort hann ætti að „tortíma“ Íran ef landinu mistækist að gera samning til að binda enda á stríðið í Mið-Austurlöndum.

Þingmaður Vinstriflokksins í Svíþjóð sem virðist hafa notið góðs af kosningasvindli segist ætla að leyfi á meðan lögregla rannsakar málið. Hann segist ekki hafa komið nálægt svindli og engar upplýsingar hafa enn bendlað hann persónulega við það.

Donald Trump, forseti Bandaríkjanna, mun ávarpa allsherjarþing Sameinuðu þjóðanna í New York í dag. Þar er hann meðal annars talinn ætla að státa sig af afrekum sínum og leggja línurnar fyrir næsta árið.

Héraðsstjórn Bresku Kólumbíu í Kanada hefur höfðað mál gegn gervigreindarfyrirtækinu OpenAI vegna meintrar vanrækslu fyrirtækisins á að láta yfirvöld vita af grunsamlegri virkni í samskiptum notanda við mállíkanið ChatGPT áður en hann varð átta manns að bana í skotárás í Tumbler Ridge í febrúar.

Rýmingaráætlun hefur verið gerð í Litháen vegna þeirrar ógnar sem stafar að landinu frá Rússlandi.

Sameinuðu þjóðirnar vara við að fjöldi jemenskra flóttamanna sem flýja yfir Rauðahafið til Djíbútí gæti tekið stökk frá 3.000 til 10.000 á næstu mánuðum.Flóttamannahjálp Sameinuðu þjóðanna er þegar farin að búa sig undir þennan aukna fjölda. Stofnunin bendir enn fremur á að fjöldi þeirra Jemena sem eru á hrakhólum vegna stríðsins gæti aukist úr 130 þúsund í 230 þúsund á næstu mánuðum.Frá flóttamannabúðum í Jemen.AP / Abdulnasser Alseddik

Þriggja tékkneskra manna er enn saknað eftir að báti, sem þeir lögðu fjórir í haf á til veiða, hvolfdi við eyjaklasann Grip í norska fylkinu Mæri og Raumsdal á föstudaginn, um tólf kílómetra norðvestur af bænum Kristiansund.

Repúblikanar eru byrjaðir að verja fúlgum fjár í auglýsingar í aðdraganda kosninganna í nóvember. Þeir sitja á mun digrari sjóðum en Demókratar. Forsetinn sjálfur situr á rúmum fjögur hundruð milljónum dala í pólitískri aðgerðanefnd sinni og er byrjaður að beita honum til að styðja frambjóðendur Repúblikanaflokksins.

Ríkissaksóknaraembættið gegn spillingu hefur hafið frumrannsókn vegna gruns um kosningasvindl í nýafstöðnum þingkosningum í Svíþjóð.

Sænsk yfirvöld rannsaka nú meint kosningasvindl eftir að kæra barst yfirvöld um í kjölfar þingkosninganna í Svíþjóð þann 13. september síðastliðinn. Frambjóðandi Vinstriflokksins er meðal annars sakaður um að hafa borgað fólki fyrir að kjósa flokkinn.

Enn er óljóst hvort rússnesku ólígarkarnir Alisher Usmanov og Mikhail Friedman sleppa af lista Evrópusambandsins yfir um 3.000 einstaklinga og stofnanir sem sæta efnahagsþvingunum Evrópusambandsins vegna innrásar Rússa í Úkraínu.Fólkið og fyrirtækin á listanum sæta frystingu eigna og takmörkunum á ferðafrelsi. HART DEILT UM LISTANN Frakkar beittu sér fyrir því að fá Usmanov tekinn af listanum og yfirvöld í Lúxemborg þrýstu á að nafn Friedman hyrfi þaðan líka. Frakkar hafa borið við þjóðaröryggi en grunur leikur á að þeir vilji hlífa Usmanov til að liðka fyrir lausn fransks kaupsýslumanns sem dæmdur var í tíu ára fangelsi í Aserbaídsjan fyrr á þessu ári.Í gær virtist sem samkomulag hefði náðst um að taka þá Usmanov og Friedman af listanum en það var dregið til baka þegar leið á kvöldið.

Perúsk blaða- og stjórnmálakona, Susy Aponte Polo, var skotin til bana á markaði í Caraz í Perú á laugardaginn. Hún var í framboði til embættis héraðsstjóra Áncash-héraðs og var að kynna sig fyrir kjósendum og dreifa kynningarefni ásamt stuðningsmönnum þegar árásin var gerð. Tveir aðrir særðust alvarlega í árásinni. Spænska dagblaðið El País greinir frá.Polo vakti mikla athygli fyrir umfjöllun sína á samfélagsmiðlum um meinta spillingu hjá sveitarfélögum, opinberum stofnunum, saksóknaraembættinu og lögreglunni.Í síðustu viku greindi hún frá því á samfélagsmiðlum að henni hefðu borist líflátshótanir símleiðis úr þremur fangelsum þar sem hún var vöruð við meintu samsæri um að taka hana af lífi. Hún sagði að líflátshótanirnar hefðu verið fyrirskipaðar af yfirmanni rannsóknardeildar lögreglunn

Bilun í fjarskiptakerfi bandarísku flugmálastjórnarinnar, FAA, og rofinn ljósleiðari hafa valdið mikilli röskun á flugumferð í Bandaríkjunum í dag.

Bandarísku fjölmiðlarnir ABC, CBS, Fox News and NBC hafa sammælst um að flytja ekki sjónvarpsfréttir frá Hvíta húsinu í mótmælaskyni eftir að Donald Trump Bandaríkjaforseti tilkynnti að hann ætlaði að meina fjölmiðlunum CNN, Politico og MSNOW aðgang að Hvíta húsinu.Trump tilkynnti ákvörðun sína sem tók gildi tafarlaust á föstudaginn.Fjölmiðlarnir ABC, CBS, Fox News, NBC og CNN skiptast á að sjá um sjónvarpsútsendingar frá viðburðum Hvíta hússins. CNN átti að sjá um útsendingu á mánudaginn en gat það ekki vegna banns Trumps. Í samstöðu með CNN ætla hinir fjölmiðlarnir að hætta að senda út frá Hvíta húsinu.Í sameiginlegri yfirlýsingu skrifuðu fréttastöðvarnar fimm: „Almenningur hefur brýnna hagsmuna að gæta af því að fá nákvæmar, óháðar upplýsingar um stjórnvöld sín. Engin ríkisstjórn ætti a

Bandarísku fréttastöðvarnar Fox News, ABC, CBS og NBC hafa samþykkt að hætta að flytja fréttir af Hvíta húsi Donalds Trump Bandaríkjaforseta í mótmælaskyni við ákvörðun Hvíta hússins um að meina fréttafólki CNN, Politico og MS Now inngöngu í Hvíta húsið og á viðburði á vegum þess.

Spenna hefur aukist milli Rússa og Evrópuríkja sem styðja Úkraínu síðustu mánuði. Donald Tusk, forsætisráðherra Póllands, varaði við því fyrir helgi að Rússar hefðu í hyggju að ráðast með drónum og eldflaugum á bandamenn Úkraínu. Leyniþjónustugögn bendi til þess.„Raunveruleikinn er sá að á undanförnum árum hafa orðið hundruð svokallaðra „hybrid-aðgerða“ eða árása Rússa inn á evrópsk landsvæði, sem gerðist á flugvellinum í Leipzig í Þýskalandi,“ segir Friðrik Jónsson, sendiherra Íslands í Úkraínu og Póllandi.Rætt var við Friðrik í Kastljósþætti kvöldsins.„Í Póllandi hafa verið skemmdaverk og í Búlgaríu núna í síðustu viku var vopnageymsla sem brann. Þetta er mjög mikið og á mjög mörgum stöðum,“ segir Friðrik. RÚSSAR REYNI AÐ ÝTA UNDIR ÓSAMSTÖÐU OG DEILUR Hann segir eitt helsta vopn og tæ

Hundruðum flugferða var seinkað á stórum flugvöllum í Bandaríkjunum í dag eftir að byggingarverkamenn slitu óvart í sundur kapal sem er nauðsynlegur fyrir flugumferðarstjórn.Flug voru stöðvuð eða þeim seinkað seinni part dagsins í dag á flugvöllum í New York, Pennsylvaníu, New Jersey og Massachusetts.Fjarskiptafyrirtækið Verizon, sem á kapalinn, segist ekki bera ábyrgð á skemmdunum en að unnið sé að viðgerð eins fljótt og auðið er, að því er fram kemur í frétt BBC. Skemmdirnar á kaplinum höfðu áhrif á kerfið sem er notað til að leiðbeina flugvélum við flugtak og lendingu, að sögn samgönguyfirvalda.Alþjóðaflugvöllurinn Newark Liberty í New Jersey varð verst úti í truflunum á flugumferðarstjórn í dag en 267 brottförum seinkaði þaðan í dag. 257 flugferðum sem voru á leið til Newark var einnig

Leopardus tilcayo er kattartegund sem uppgötvaðist nýverið. Hann er tignarlegur en smár í sniðum, 46 cm að lengd og vegur um 1,3 kíló.Þessi áður óþekkta kattartegund fannst í fjallendi Bólivíu á verndarsvæði fyrir villt dýr. Þetta er í fyrsta sinn í meira en öld sem vísindamenn uppgötva nýja tegund villikatta. Heimamenn þekkja vel til kattarins en það var fyrst í síðustu viku sem rannsóknir staðfestu að tegundin væri ný.Líffræðingurinn Enzo Aliaga-Rossel er annar tveggja vísindamanna sem stóðu að uppgötvuninni. Erfðaefni dýrsins var greint í þaula og það er af ætt sem finnst víðar í Suður-Ameríku. Vísindamenn vonast til að uppgötvunin hjálpi til í baráttunni við að vernda skógarsvæðið sem dýrið býr á en það er í hættu vegna eyðingar skógarins og námuvinnslu.

Heimsókn Wladyslaw Kosiniak-Kamysz varnarmálaráðherra Póllands til Bandaríkjanna, þar sem ræða átti varanlega bandaríska herstöð í Póllandi, hefur verið slegið á frest að brýnni beiðni bandarískra stjórnvalda.

Fimm stærstu sjónvarpsstöðvarnar í Bandaríkjunum tóku höndum saman í dag og neituðu að flytja fréttir af Donald Trump forseta, í mótmælaskyni við ákvörðun hans um að meina þremur miðlum aðgangi að Hvíta húsinu.Trump fyrirskipaði á föstudag að CNN, MS NOW og Politico skildu ekki fá að koma inn í Hvíta húsið til að sinna störfum sínum. Þetta er enn einn kaflinn í áralangri sögu Trumps þar sem hann ræðst gegn fjölmiðlum.Í sameiginlegri yfirlýsingu sögðu ABC, CBS, CNN, Fox News og NBC að hagsmunir almennings lægju í því að fá nákvæmar og óháðar fréttir af stjórnvöldum. „Engin ríkisstjórn ætti að takmarka aðgang fréttamiðils vegna þess að hún er ósátt við fréttaflutning hans,“ sagði í yfirlýsingunni.Þau ætla ekki að sýna frá störfum Trumps í dag en meðal annars stóð til að segja frá ferð forset

Stærstu sjónvarpsstöðvar Bandaríkjanna gripu til óvenjulegra aðgerða í dag og hættu í raun að sjónvarpa frá störfum Donalds Trump Bandaríkjaforseta. Með þessu mótmæla þær ákvörðun forsetans um að meina þremur fréttamiðlum aðgang að Hvíta húsinu.

Tvítugur maður hefur játað sök í máli sem kom upp í bænum Tilst, í úthverfi Árósa í sumar. Maðurinn ók á ofsahraða um götur bæjarins á flótta undan lögreglu. Eftirförin endaði með því að hann ók inn í lítið einbýlishús með þeim afleiðingum að kona á sjötugsaldri sem svaf í húsinu lét lífið.Í frétt DR segir að farþegar í bílnum hafi hrópað á ökumanninn að stöðva bílinn, en hann virti þá að vettugi.Hann er ákærður fyrir manndráp í umferðinni, sem er nýlegt ákvæði í dönskum hegningarlögum og á við þegar ökumaður veldur dauða með sérlega ógætilegum akstri.Engin vitni verða kölluð til og engin sönnunargögn lögð fram þar játning liggur fyrir.Ungi maðurinn ók inn í húsið þar sem konan svaf.DR / Emil Nordkvist Johansson

Markaðsöflin eru að keyra skipti yfir í hreina, endurnýjanlega orkugjafa með þvílíkum krafti að ekki verður aftur snúið. Þetta segir Simon Stiell, loftslagsstjóri Sameinuðu þjóðanna, en ný skýrsla Alþjóðastofnunar um endurnýjanlega orku (IRENA) var birt í dag.Samkvæmt henni bættust 693 gígavött af nýrri endurnýjanlegri orku við á heimsvísu árið 2025. Aldrei hefur annað eins magn orkugetu bæst við á einu ári en þetta samsvarar meira en helmingi allrar raforkuframleiðslugetu Bandaríkjanna.Til að ná markmiði um að þrefalda framleiðslugetu endurnýjanlegrar orku fyrir árið 2030, sem ríki heims komu sér saman um á loftslagsráðstefnunni COP28 árið 2023, þarf þó enn að bæta í.Heildarframleiðslugetan er nú rúm 5 teravött, en ef þróunin heldur áfram af sama krafti og á síðasta ári verður hún komin u

Donald Trump bað Vólódímír Selenskí um að Úkraínumenn hættu árásum á olíuvinnslustöðvar í Rússlandi. Í símtali þeirra á milli í gær sagðist Trump hafa áhyggjur af því hvað þessar árásir væru að hafa slæm áhrif á heimsverð díselolíu. Trump sagðist vilja að rússnesk díselolía rataði á heimsmarkað svo verðið gæti lækkað.

Þýski fjarhægriflokkurinn AfD spáir því að Friedrich Merz kanslari verði ekki í embætti út árið, degi eftir að flokkur hans, CDU, beið afhroð í tvennum héraðskosningum.

Fréttastofurnar CNN, MS Now og Politico hafa stefnt ríkisstjórn Donalds Trumps Bandaríkjaforseta eftir að hann bannaði aðgang fréttastofanna að Hvíta húsinu.

Donald Trump segir að hinn stærðarinnar sigurbogi sem hann vill reisa í höfuðborg Bandaríkjanna eigi að verða hernaðarmannvirki. Boginn eigi, að beiðni yfirmanna bandaríska hersins, að hýsa leyniskyttur og dróna og vera geymsla fyrir skotfæri. Með þessu er hann talinn vilja komast hjá lögsóknum og auðvelda sér að reisa bogann.

Kaja Kallas, utanríkismálastjóri Evrópusambandsins, segir að kosningar til rússneska þingsins í gær séu enn eitt áfallið fyrir lýðræði í Rússlandi. „Ráðamenn þögguðu niður í gagnrýnisröddu, komu í veg fyrir þátttöku eina flokksins sem er á móti stríðinu í Úkraínu og hindruðu alþjóðlegt kosningaeftirlit,“ skrifaði Kallas á samfélagsmiðilinn X. „Yfirbragð lýðræðis er það eina sem eftir er í Rússlandi.“Kallas sagðist einnig hafa lagt til aðgerðir gegn þeim sem hefðu staðið fyrir því að slíkar sviðsettar kosningar færu fram í hernumdum héruðum Úkraínu.Atkvæði talin í Rússlandi.EPA / MAXIM SHIPENKOV

Átökum tveggja eldri borgara um sólbekk á strönd í Grikklandi lauk með því að annar þeirra lét lífið. Sá var 82 ára að aldri en sá sem gekk heill á húfi frá baráttunni um sólbekkinn var 76 ára.

Aflýsa hefur þurft nálægt 300 flugferðum í Japan í dag vegna fellibylsins Dujan. Japanska veðurstofan hefur gefið út viðvaranir vegna hugsanlegrar metúrkomu þegar stormurinn nálgast Tókýó.

Bandaríkin hafa flutt úr landi yfir 25 þúsund manns eftir að hafa gert leynilega samninga við 35 lönd um að taka við flóttamönnum sem hafa engin tengsl þau, að sögn samtakanna Forbidden Stories.

Patrick Clancy, fyrrverandi eiginmaður Lindsay Clancy, segist hafa fyrirgefið henni fyrir að kyrkja þrjú ung börn þeirra. Í kjölfarið reyndi hún að svipta sig lífi en Clancy segist sjálfur hafa glímt við gífurlega sorg í kjölfarið og íhugað að svipta sig lífi.

Útlit er fyrir að Sameinað Rússland, flokkur Vladimírs Pútín forseta, fái mikinn meirihluta atkvæða í kosningum til neðri deildar þjóðþingsins Dúmunnar, sem haldnar voru síðustu þrjá daga.Flokkurinn er með 57,5 prósent atkvæða þegar 71 af hundraði atkvæða hafa verið talin, samkvæmt fréttum rússneskra miðla.Kommúnistaflokkurinn hefur fengið um fjórtán prósent og hægri sinnaði þjóðernisflokkurinn LDPR 8,7. Kjörsókn virðist hafa verið um 56 prósent þótt stjórnvöld hafi reynt allt til að hvetja landsmenn að kjörborðinu.Yabloko, eina flokknum sem lýst hefur andstöðu við innrásarstríðið í Úkraínu, var bannað að bjóða sig fram og allt útlit er fyrir að Sameinað Rússland haldi meirihluta í Dúmunni, neðri deild þingsins.Allir aðrir flokkar styðja stríðsreksturinn og Pútín. Útgönguspáin gerði ekki r

Kristilegir demókratar, flokkur Friedrich Merz Þýskalandskanslara, er fallinn út af þingi í Mekclenborg-Vestur Pommeraníu ef marka má útgönguspár. Flokkurinn hlaut 4,9 prósent en fimm þarf til að koma að manni. Merz segir niðurstöðuna áfall fyrir flokkinn, enda einsdæmi.Hægri jaðarflokkurinn Valkostur fyrir Þýskaland hlaut 37 til 38 prósenta fylgi og virðist því hafa skákað Jafnaðarmönnum sem stærsti flokkurinn í fylkinu. Í Berlín var það flokkurinn á hinum enda hins pólitíska litrófs sem kjósendur fylktu sér helst um.Vinstri jaðarflokkurinn Die Linke hlaut 25 til 26 prósent atkvæða og er öllu stærri en Kristilegir demókratar og Valkostur fyrir Þýskaland sem koma næstir.Niðurstöður kosninganna lofa ekki góðu fyrir kanslarann en hann kveðst ekki ætla að láta deigan síga. Á fundi í dag sagði

Charles, 65 ára gamall fyrrverandi stjórnandi í bresku viðskiptalífi, stendur grátandi á Haethrow-flugvellinum í London, einn 478 Breta sem sænsk stjórnvöld hafa vísað úr landi eftir Brexit. Eigur hans rúmast í tveimur plastpokum, hann er með leiðbeiningabréf frá ræðismanni Breta í Svíþjóð, heimilislaus og án vonar.

Í Moskvu hefur fátt bent til þess að þingkosningar hafi verið haldnar um helgina. Engir kosningafundir, engar myndir af frambjóðendum, aðeins eitt og eitt veggspjald til að minna á kosningahelgina enda margir lítt meðvitaðir um að það séu þingkosningar í gangi.Eftir að eina flokknum sem lýsti andstöðu við stríðið var bannað að bjóða sig fram er fátt sem bendir til annars en að Sameinað Rússland, flokkur Pútíns forseta, haldi góðum meirihluta á Dúmunni, neðri deild rússneska þingsins.Andstæðingar forsetans segja kosningarnar sýndarleik. Stjórnin hvetji kjósendur til að kjósa rafrænt sem auðveldara sé að hagræða en kjörseðlunum sem koma upp úr kössunum. Fyrir utan kjörstað sem Jón Björgvinsson fréttamaður RÚV fór á um helgina voru það aðeins fylgjendur Pútíns sem ekki óttuðust að tjá sig.Fyr

Shawn Kanung, heimskunnur frumkvöðull og rithöfundur, og að sögn Nordic Business Forum sérfræðingur í gervigreind, skýjagagntækni og atferlishagfræði (e. behavioural economics), vill taka snjallsímana úr höndum barna.

Volodomyr Zelensky, forseti Úkraínu, greindi frá því í dag að hann og Donald Trump, forseti Bandaríkjanna, ætli að ræða saman í New York á næstu dögum. Þetta gera þeir á sama tíma og allsherjarþing Sameinuðu þjóðanna stendur yfir.Stjórnvöld í Bandaríkjunum hafa þrýst á um friðarviðræður Rússa og Úkraínumanna.Zelensky sagði að hann og Trump hefðu ákveðið fundinn í símtali sem þeir áttu í dag. Zelensky sagði að þeir hefðu átt mikilvægt samtal og náð að ræða mörg atriði. Hann sagði að fundur þeirra í New York gæti breytt miklu um framtíðina. Hann kvað góðan gang í tilraunum til að koma á friði og tryggja öryggi.Volodymyr Zelensky.EPA / VLADYSLAV MUSIIENKO

Öryggisgæsla hefur verið hert á St. Pancras-lestarstöðinni í London vegna skipulagðra farangursþjófnaða. Stöðin er fjölfarin meðal ferðamanna, þar á meðal Íslendinga, og þaðan ganga meðal annars Eurostar-lestir til meginlands Evrópu.

Öldungadeild svissneska þingsins hefur hafnað tillögu um sérstakan skatt á stuttar flugferðir þar sem miðað yrði við hvort hægt væri að komast á áfangastaðinn með lest á hæfilegum tíma.

Hópur grímuklæddra innbrotsþjófa braust inn á heimili fjölskyldu í Frakklandi í nótt og neyddi fjölskylduna til þess að millifæra háar fjárhæðir í rafmyntum yfir á reikninga sína, að andvirði alls 40.000 evra yfir nóttina, sem jafngildir fimm og hálfri milljón íslenskra króna.

„Þú getur alveg byrjað að endursenda dót aftur til landanna sem gáfu það. Finndu út hvað þú vilt ekki og sendu það til baka eins fljótt og hægt er,“ sagði Richard Grenell, yfirmaður Kennedy-miðstöðvarinnar í Washington, í tölvupósti til Josef Palermo, sýningarstjóra safnsins, í október í fyrra.Tölvupósturinn er hluti af gögnum sem The New York Times byggir á í umfjöllun sinni um það hvernig Donald Trump Bandaríkjaforseti og stuðningsmenn hans hafa reynt að gjörbreyta Kennedy-miðstöðinni.Mikið hefur verið rætt um baráttu Trumps fyrir að kenna miðstöðina við sjálfan sig. Hann skipaði nýja stjórn yfir The John F. Kennedy Center for the Performing Arts og lét bæta sínu nafni fremst í heiti stofnunarinnar og efst í merkinguna á framhlið þess. Dómstólar hafa síðar dæmt þá nafnbreytingu ólöglega

Umfangsmikil leit lögreglu, strandgæslu og björgunarsveita að fjórum erlendum ferðamönnum, sem lögðu í haf frá Averøya í norska fylkinu Mæri og Raumsdal á föstudagsmorgun, hefur engu skilað utan hvað að lík eins fjórmenninganna er fundið.

Búrkur og níkab-slæður verða brátt bannaðar í skólum Ítalíu og fjöldi erlendra nemenda í hverjum bekk verður jafnframt takmarkaður, ef marka má ummæli sem forsætisráðherrann Giorgia Meloni lét falla fyrr í dag.

Þúsundir söfnuðust saman á götum Parísar í dag til að mótmæla fyrirhuguðum lögum um valdbeitingu lögreglu og öryggisstarfsmanna – sem gagnrýnendur hafa sagt veita lögreglumönnum „leyfi til að drepa“.Í júlí samþykkti franska þjóðþingið frumvarp sem kveður á um að gengið skuli út frá því að lögreglu- eða öryggisstarfsmenn sem beita valdi hafi farið að lögum við notkun vopna sinna. Frumvarpið bíður nú atkvæðagreiðslu í öldungadeild þingsins.Stjórnmálamenn, mannréttindasamtök og aðrir baráttumenn tóku þátt í mótmælagöngunni í dag – auk samtakanna Amnesty International, Félags franskra dómara og franskra mannréttindasamtaka Mótmæli voru einnig skipulögð í öðrum borgum víðs vegar um Frakkland um helgina.Undirskriftasöfnun gegn frumvarpinu skilaði 730.000 undirskriftum, en laganefnd þingsins vísa

Íslendingar voru ekki einir um það að lítast ekki á blikuna þegar þeir sáu landsvæði sitt sveipað bandarískum fánalitum á korti sem Donald Trump Bandaríkjaforseti birti á samfélagsmiðlum í byrjun mánaðar. Frakklandsforseti og Kanadamenn senda Bandaríkjaforseta væna pillu vegna kortsins.

Karlmaður á níræðisaldri lést af sárum sínum í Grikklandi í dag eftir að hafa lent í slagsmálum um sólbekk á strandstaðnum Vouliagmeni, skammt frá höfuðborginni Aþenu.

Jens-Frederik Nielsen, formaður grænlensku landsstjórnarinnar, er á leið til New York þar sem hann mun undirrita nýjan öryggissamning við Bandaríkin og Danmörku í tengslum við allsherjarþing Sameinuðu þjóðanna í New York sem hefst á þriðjudag.

Forsætisráðherra Danmerkur gefur ekkert upp um innihald samkomulags við Bandaríkin um framtíð Grænlands en segir samkomulagið engu að síður gott. Sérfræðingar við háskóla í Kína setja samkomulagið í samhengi við komandi þingkosningar í Bandaríkjunum og fyrirhugaða heimsókn forseta Kína til Bandaríkjanna síðar í vikunni.

Talið er að minnsta kosti 20.000 tilkynningar um heimilisofbeldi berist mæðraverndarþjónustu á Englandi á hverju ári.

Borgarstjóri Moskvu sakar Úkraínu um að hafa gert „fordæmalausa“ árás með yfir 1.600 drónum í átt að Rússlandi, með það að markmiði að trufla þingkosningar í landinu, sem fara nú fram í fyrsta skipti síðan innrásin hófst í Úkraínu árið 2022.

Dísilverðið hækkaði í Frakklandi í dag og hefur aldrei verið hærra. Lítrinn kostaði að meðaltali 2,41 evru í morgun, samkvæmt útreikningum franska viðskiptaráðuneytisins. Það jafngildir 337 krónum.Gamla metið fékk ekki að standa lengi. Það var sett í gær.Eldsneytisverð hefur hækkað mikið vegna stríðsins í Miðausturlöndum, milli Írans og Bandaríkjanna. Eldsneytisdæla í Nice.EPA / SEBASTIEN NOGIER

Lögregla handtók 24 mótmælendur í hollensku borginni Haag í dag við um 500 manna útifund samtaka yst á hægri kanti stjórnmálanna.Frá mótmælum hópsins Wij Zijn Het Volk í Haag.EPA / LINA SELGHollenska almannafréttastöðin NOS segir ofbeldi hafi brotist út á fundinum og lögregla því ætlað að leysa hann upp. Þá köstuðu svart- og grímuklæddir mótmælendur skoteldum að lögreglu sem svaraði með beitingu vatnsfallbyssa. Mótmælin beindust að innflytjendastefnu stjórnarinnar og voru skipulögð af samtökunum Wij Zijn Het Volk sem gæti útlagst Við erum þjóðin.

Félag þeirra fréttamanna sem starfa í Hvíta húsinu í Washington (WHCA) krefst þess að Bandaríkjaforseti afturkalli án tafar aðgangsmissi þriggja fjölmiðla að blaðamannafundum þar.„Bannið er skýlaust brot á fyrsta viðauka stjórnarskrárinnar,“ segir í yfirlýsingu félagsins, sem telur hundruð fréttamanna sem flytja fréttir frá Hvíta húsinu. Samkvæmt ákvæðum viðaukans skal ríkja málfrelsi og fjölmiðlafrelsi í Bandaríkjunum.Donald Trump forseti sakar miðlana MSNOW, CNN og Politico um að skrifa og flytja falsfréttir. Blaðamenn þeirra miðla bætast í vaxandi hóp fjölmiðlafólks sem ekki fær að stíga fæti inn í Hvíta húsið.Málaferli standa enn eftir að Trump meinaði blaðamönnum Associated Press um aðgang í fyrra fyrir að neita að nefna Mexíkóflóa Ameríkuflóa. Forsetinn fyrirskipaði nýjasta bannið í

Breskir foreldrar gætu þurft að afplána fangelsisdóma eða sjá á bak félagslegra bóta vegna afbrota barna sinna nái kerfisbreytingar vegna ungra afbrotamanna á Englandi og í Wales fram að ganga.

Donald Trump Bandaríkjaforseti hefur tilkynnt að hann muni stofna „gervigreindarsveit“ og skipa „gervigreindarkeisara“ í náinni framtíð. Hann segir gervigreindina vera næstu iðnbyltingu og þvertekur fyrir það að ríkisstjórn sín muni hindra eða hefta vöxt hennar. Þau muni fylgjast grannt með þeim sem kunni að nýta tæknina í óæskilegum tilgangi og refsa þeim.

Nótt eina í júlí 2024 komust þrír grímuklæddir menn inn í íbúð í Södertälje í Svíþjóð. Þeir brutu sér ekki leið inn, þeim var hleypt inn, nokkuð sem lögreglan setti stórt spurningarmerki við í rannsókn sinni.

Tónlistarmaðurinn stígur á svið í kvöld.

Kona á fertugsaldri er látin eftir að hafa fallið tugi metra í fjallgöngu á hinu 1.329 metra háa fjalli Romsdalseggen í Mæri og Raumsdal í Noregi þar sem þau ferðafélagi hennar voru við það að ná toppi fjallsins í morgun. Ítalskur gönguhópur var samferða konunni og ferðafélaga hennar og ræddi maður úr þeim hópi við VG.

Bandarísku miðlarnir CNN, MS Now og Politico fordæmdu í dag bann Bandaríkjaforseta við komu blaðamanna þeirra í Hvíta húsið í Washington.Donald Trump Bandaríkjaforseti sakaði miðlana í gær um að deila falsfréttum og sagði að fleiri fjölmiðlum yrði meinaður aðgangur að Hvíta húsinu í kjölfarið. Hann hefur áður meinað fréttaveitunni Associated Press aðgangi eftir að fréttaveitan neitaði að kalla Mexíkóflóa „Ameríkuflóa“.Associated Press höfðaði mál gegn banninu sem er enn í vinnslu og gert er ráð fyrir að CNN, MS Now og Politico leiti einnig til dómstóla.Trump sakaði miðlana um að deila falsfréttum.AP / Jacquelyn Martin

Donald Trump Bandaríkjaforseti hefur undirritað lög um umfangsmiklar nýjar refsiaðgerðir gegn Rússlandi vegna stríðsins í Úkraínu.

Trump stóð við stóru orðin.

Utanríkisráðherra Íslands fagnar því að Danir, Grænlendingar og Bandaríkin hafi komist að samkomulagi í Grænlandsdeilunni. Þrátt fyrir „skrítin kort“ hafi hún verið meðvituð um að viðræðum á milli ríkjanna miðaði fram. Hún telur að samstaða Íslands og annarra líktþenkjandi ríkja með Grænlendingum og Dönum hafi skipt sköpum í málinu.

Yfirvöld í Ástralíu hafa gefið út skipun um að veiða og drepa hvítháf sem sést hefur við vesturströnd landsins, eftir að hann réðst á sundmann í gærmorgun á vinsælli strönd. Lík mannsins hefur enn ekki fundist.

Átján ára piltur hefur verið dæmdur til tíu ára fangelsis í dómstóli í Umea í Svíþjóð fyrir tvær tilraunir til manndráps gegn ungmenni í Þýskalandi og fjölmörg kynferðis- og ofbeldisbrot gegn ástralskri stúlku. Brotin áttu sér stað á netinu og pilturinn hefur verið kallaður „Chai“ í sænskum miðlum og var hluti af glæpahópnum 764.

Mette Frederiksen, forsætisráðherra Danmerkur, segir öryggissamning við Bandaríkin, styrkja sameiginlegt öryggi á norðurslóðum og Norður-Atlantshafssvæðinu en viðurkenni um leið fullveldi og landhelgi konungsríkisins og sjálfsákvörðunarrétt grænlensku þjóðarinnar.

Múte B. Egede, ráðherra utanríkismála og fyrrverandi formaður landstjórnar Grænlands, segir samkomulagið við Bandaríkin um varanleg yfirráð yfir öryggismálum landsins, endurspegla það sem stefnt var að í upphafi.

Utanríkisráðherra Danmerkur, Lars Løkke Rasmussen, segir næstu viku geta orðið góða viku í sínum fyrstu viðbrögðum við því að samningur hafi náðst á milli Bandaríkjanna og Danmerkur um öryggismál í Grænlandi.

Donald Trump Bandaríkjaforseti segist ekki vita annað en að sonur hans og nafni hafi endurgreitt rússneskum kaupsýslumanni kostnað við tveggja daga brúðkaupsveislu sem haldin var á Bahamaeyjum í maí.Veislan er sögð hafa kostað um hundrað þúsund dali og hefur vakið siðferðisspurningar og vangaveltur um óeðlileg tengsl fjölskyldu forsetans við Rússa. Trump sagði ekkert ólöglegt við slíka vinargjöf.Umar Kremlev er auk þess að vera vellauðugur kaupsýslumaður forseti Alþjóðahnefaleikasambandsins og náinn bandamaður Vladimírs Pútíns forseta. Donald Trump yngri og Bettina Anderson eiginkona hans hafa sagt Kremlev náinn vin sinn.Óháða fréttastofan ProPublica greindi frá því fyrr í september að ólígarki með náin tengsl við Rússlandsforseta hefði á laun lagt út fyrir brúðkaupsveislunni, þar á meðal

Danmörk og Bandaríkin hafa gert öryggissamning um Grænland. Donald Trump Bandaríkjaforseti greindi frá þessu á samfélagsmiðli sínum og Mette Fredriksen forsætisráðherra Danmerkur staðfesti tíðindin skömmu síðar. Sérstakur erindreki Bandaríkjastjórnar fyrir Grænland segir samkomulagið sem tilkynnt var í kvöld styrkja varnir Bandaríkjanna, Danmerkur og Grænlands og koma í veg fyrir að andstæðingar nái fótfestu á norðurslóðum. Jeff Landry, deildi samfélagsmiðlafærslu Donalds Trump forseta og hældi honum í hástert fyrir að tryggja samninginn. Bandaríkjaforseti segir Bandaríkin fá varanleg yfirráð yfir öryggismálum á Grænlandi. Trump hefur ekki farið í grafgötur með vilja sinn til að komast yfir Grænland vegna öryggis og auðlinda. Varnarmálaráðherrann Pete Hegseth deildi færslunni einnig með þe

Drónum var flogið án leyfis í lofthelginni nærri og yfir alþjóðaflugvellinum í Lúxemborg í kvöld og fram yfir miðnætti og því var ákveðið að stöðva alla flugumferð um stund. Svissnesk þota á flugi.EPA / PATRICK SEEGERÍ tilkynningu á vefsíðu flugvallarins sem birt var eftir að flugumferð var hleypt af stað á ný segir að mikilvægt hefði verið að tryggja öryggi flugvéla, farþega, flugáhafna og starfsfólks á jörðu niðri. Ekkert kemur fram um uppruna flygildanna. Flugvallaryfirvöld segjast fylgjast grannt með framvindu mála og vara við mögulegum töfum og truflunum á flugumferð.

Rússneskar hersveitir beita almenna borgara og stríðsfanga í Úkraínu miklu kynferðislegu. Úkraínuher virðist bera ábyrgð á mun færri slíkum brotum. Þetta segir í nýrri skýrslu Mannréttindaskrifstofu Sameinuðu þjóðanna. Gerð er grein fyrir 1.004 staðfestum tilvikum kynferðisofbeldis tengdum stríðsátökunum frá því í febrúar 2022 til júlí á þessu ári. Áréttað er að niðurstöðurnar eru ekki tæmandi í ljósi þess að enn berast mjög fáar tilkynningar um kynferðisofbeldi tengt stríðinu. Í skýrslunni greina þolendur frá hópnauðgunum, limlestingu og beitingu raflosts á kynfæri. Karlar í varðhaldi, einkum hermenn, urðu fyrir ofbeldi og einnig konur og börn, einkum á herteknum svæðum. ENGIN MERKI UM NAUÐGANIR RÚSSNESKRA STRÍÐSFANGA Tæplega helmingur brota á úkraínskum svæðum fólust í hótunum um kynf