Donald Trump Bandaríkjaforseti segir að stór samningur við Rússland sé í vinnslu. Hann segir að samningur þessi muni ekki einungis hafa áhrif á Úkraínu heldur Evrópu alla.Ummæli þessi lét forsetinn falla eftir fund með sendimanni Rússlandsforseta í Hvíta húsinu í dag. Hann vildi ekki upplýsa nánar um hvað þeim fór á milli á fundinum en sagði að stór samningur væri í farvatninu.Trump hefur ekki greint nánar frá innihaldi þessa samnings en áður hefur hann boðað til friðarsamninga án þess þó að nokkuð verði af þeim.Trump hefur dregið verulega úr stuðningi við Úkraínu og jafnvel þótt vera hliðhollur Rússum. Á dögunum gerði hann samning við Pútín um olíuviðskipti og hefur gagnrýnt stjórnvöld í Úkraínu.
