„Ég veit ekki hvar hann fær þessa 130 milljarða en Guð minn góður, ef ég hef nefnt 130 milljarða, þá er það spurning um það: Verða göng eða brú. Það er það sem skiptir máli,“ sagði Eyjólfur Ármannsson innviðaráðherra.

„Er virkur alkóhólisti á meðal vor?“ Svona byrjar færsla Sigurbjörns Hjaltasonar, íbúa í Kjósarhreppi, á umræðusíðu íbúa sveitarfélagsins á Facebook. Sigurbjörn hefur orðið var við vodkapela og bjórdósir í vegakantinum við land sitt nánast daglega undanfarin fjögur ár. Flöskurnar skipta hundruðum segir hann.Sigurbjörn birti færsluna til að reyna að ná til sökudólgsins og biðja hann um að hætta að fleygja flöskunum í náttúruna. Í samtali við fréttastofu segist hann ekki hafa hugmynd hver sá hinn sami sé. > Ég hafði ákveðna grunaða en þeir eru allir dánir eða hættir að drekka. Flöskurnar finni hann mest á svipuðu svæði á Hvalfjarðarvegi, frá Göngum og inn eftir Kjósinni. Hann telji því að einstaklingurinn sé að drekka við akstur og fleygi pelunum út um gluggann til að fela drykkjuna. Það s

Stjörnugrís hefur hagnast um nær einn og hálfan milljarð króna á síðustu þremur árum og er eiginfjárstaða fyrirtækisins afar sterk. Stjórnvöld heimiluðu í árslok 2024 að svínabændur fengju þriggja ára viðbótarfrest til að uppfylla kröfur um aðbúnað dýranna, meðal annars vegna þess að svínabændur skorti fjármagn til nauðsynlegra endurbóta.

Daði Már Kristófersson fjármálaráðherra sagði á Alþingi í dag að hann hefði sjálfur spurt um lokagreiðslu ríkisins vegna kaupa á hlut Landsvirkjunar í Landsneti. Hann bar spurninguna upp á fundi með stjórn Landsvirkjunar í fjármálaráðuneytinu 6. janúar. Hörður Arnarson, þáverandi forstjóri fyrirtækisins, sat ekki fundinn.

„Maður er búinn að vera alveg á fullu að reyna að fylla á og gera allt klárt og tilbúið fyrir jól. Núna er maður sleginn svolítið niður og maður verður bara að standa upp og finna einhverja leið til að halda áfram.“

Guðrún Hafsteinsdóttir spurði Kristrúnu Frostadóttur forsætisráðherra á Alþingi í dag hvort hún hefði vitað af viðvörunum Harðar Arnarsonar um hættu á pólitískum afskiptum af Landsvirkjun fyrir fundinn með Herði 1. október. Hún spurði líka hvort Kristrún hefði vitað af þeim þegar Daði Már Kristófersson fjármálaráðherra sagði þinginu 19. október að öll sagan um starfslok Harðar væri sögð.

Fangelsisrefsing hans var stytt úr fimm mánuðum í 30 daga og sekt lækkuð úr tæpum 5,3 milljónum króna í 640 þúsund krónur.

Bakkað var á bíl Heiðu Bjargar Hilmarsdóttur, fyrrverandi borgarstjóra, í mars sem leiddi til þess að hann var seldur.

Landsréttur hefur staðfest úrskurð Héraðsdóms Reykjavíkur um gæsluvarðhald yfir karlmanni sem sakaður er um nauðgun á Írlandi árið 2004. Maðurinn hefur dvalið á Íslandi frá 2017 en hann breytti nafni sínu 2012. Taka átti málið fyrir á Írlandi 2007, eftir að hann var handtekinn í annað sinn, en hann mætti ekki.

Sigurður Ingi Jóhannsson, fyrrverandi fjármálaráðherra, segir að samskipti stjórnar Landsvirkjunar við fjármálaráðuneytið hafi tekið óeðlilegum breytingum eftir að ný stjórn tók við fyrirtækinu.

Ökumaður bíls sem hafnaði í Kleifá á Snæfellsnesi í gær er látinn. Björgunarsveitarmaður segir aðstæður hafa verið varasamar á vettvangi en vegfarendur höfðu reynt að bjarga manninum úr bílnum í straumþungri ánni.

Bæjarstjóri Kópavogs vill kalla eftir læknisvottorðum hjá starfsfólki sem er ítrekað frá vegna skammtímaveikinda. Mat trúnaðarlæknis gæti haft áhrif á greiðslu veikindalauna ef starfsmaður skilar ekki fullnægjandi vottorði. Árlegur veikindakostnaður Kópavogsbæjar er í kringum tveir milljarðar króna. Fjallað verður um málið í hádegisfréttum Bylgjunnar.

Bíll borgarstjóra Reykjavíkur varð fyrir tjóni í mars síðastliðnum og var í kjölfarið seldur. Sá var af gerðinni Hyundai Ioniq 5 en Audi Q7 3.0 hefur verið tekinn á rekstrarleigu á meðan kaup á nýjum borgarstjórabíl eru skoðuð.

Bloomberg greindi frá því í síðustu viku að megrunarlyfið MariTide eigi rætur að rekja til rannsókna Íslenskrar erfðagreiningar á erfðaefni um 200 þúsund Íslendinga sem fyrirtækið safnaði saman.„Við gerðum enga slíka uppgötvun. Við höfðum ekkert með byrjun á þessu prógrammi að gera,“ sagði Kári Stefánsson, stofnandi og fyrrverandi forstjóri Íslenskrar erfðagreiningar, í morgunútvarpi Rásar 2.Kári Stefánsson segist þó telja lyfið verða býsna gott. Hann segir sögur af þessu tagi oft verða til séu blaðamenn látnir skrifa þær.Lyfið byggi á nýtingu sama lyfjamarks og önnur þyngdarstjórnunarlyf Eli Lilly og Novo, sem áður hét Novo Nordisk. Við þá sameind hafi Amgen hnýtt mótefni gegn svonefndum GI-viðtaka, sem tengist tilraunum með mýs en ekki mannefnafræði. „HEFÐI EKKI ÁTT AÐ GERAST“ Þannig

Brynja Baldursdóttir stjórnarformaður Landsvirkjunar neitar að afhenda Morgunblaðinu tölvupóstsamskiptin.

Bifreið mannsins var gerð upptæk og ævilöng svipting ökuréttar áréttuð.

Fyrstu niðurstöður á nýrri rannsókn við Háskóla Íslands benda til þess að engin tegund af skvísum eða fingramat uppfylli viðmið um næringarsamsetningu Alþjóðaheilbrigðismálastofnunar og að einungis fjórðungur mauks í krukkum og um þriðjungur grautarmjöls standist viðmiðin.

Íris Eik Ólafsdóttir er réttarfélagsráðgjafi, fjölskyldufræðingur og framkvæmdastjóri Samskiptamiðstöðvarinnar í Skeifunni. Hún og hennar fjölskyldumeðlimir nota staðsetningarappið Life 360 en ein kveikjan að því að þau hlóðu appinu niður var að maðurinn hennar, sem er lögmaður, hvarf einn daginn og hún náði ekki í hann í síma.„Hann hafði talað við einn svolítið svona æstan síbrotamann fyrr um morguninn sem hafði staðið í hótunum við hann, og ekkert mál, við erum bæði vön því að vinna í krefjandi umhverfi og maður hristir það bara af sér,“ útskýrir Íris Eik. GLÓRULAUSAR HUGSANIR Hún segist þó hafa orðið óróleg þegar ástandið dróst á langinn, „ætli þessi sé bara búinn að ræna honum, bara svona glórulausar hugsanir“.Þegar maðurinn hennar hringdi til baka eftir sex klukkustundir kom í ljós

Salan á skipafyrirtækinu Samskipum til spænsks fyrirtækis vakti mikla athygli fyrir skömmu. Með þessari sölu lýkur rúmlega 30 ára eignarhaldi Ólafs Ólafssonar fjárfestis í þessu skipafyrirtæki sem hann hefur verið kenndur við í áratugi. Sonur Ólafs og nafni, Ólafur Örn Ólafsson, heldur hins vegar áfram sem forstjóri Samskipa eftir kaup spænska fyrirtækisins.Í viðtali við fréttastofu sagði Ólafur yngri að starfsemi Samskipa myndi ekki breytast að ráði eftir kaup spænska fyrirtækisins, sem heitir Boluda, og að kaupverðið myndi ekki verða gefið upp.Sagan um eignarhald Ólafs Ólafssonar á Samskipum síðastliðna þrjá áratugi er áhugaverð í meira lagi. Til þess að átta sig á þessari sölu og samhengi hennar þarf að spóla áratugi aftur í tímann, til þeirra ára í lok síðustu aldar Samband íslenskra s

Björn Árni Ágústsson segir það hafa bjargað lífi sínu að leita til heilsutæknifyrirtækisins Intuens, sem uppgötvaði stærðarinnar heilaæxli í höfði hans.

Nú er að hefjast annar áfangi framkvæmda við uppbyggingu innviða við Nauthólsveg og Háskólann í Reykjavík (HR). Verkið er hluti af borgarlínu og felur í sér breytingar á götusniði Nauthólsvegar, Menntavegar og Menntasveigs ásamt gatnamótum og tengingum á svæðinu

Skemmdarverk voru unninn á íþróttahúsi Menntaskólans í Reykjavík um helgina.

Vinstri græn lýsa yfir þungum áhyggjum af „metnaðarleysi“ umhverfisráðherra og ríkisstjórnarinnar í umhverfis- og loftslagsmálum. Varaborgarfulltrúi flokksins segir það öfugsnúna stöðu að vera með „harðasta virkjunarsinna landsins“ sem umhverfisráðherra.

Palestínskur fjölskyldufaðir hélt eiginkonu sinni og fimm börnum í heljargreipum ofbeldis og ótta eftir að fjölskyldan sameinaðist á Íslandi árið 2024.

Víða um land má búast við töluverðri hálku í fyrramálið, sérstaklega um norðanvert landið en einnig suðvestantil.

Lögreglan handtók viðkomandi.

Báðir farþegar bíls sem hafnaði í Kleifá í dag eru erlendir ferðamenn og hafði annar komist út úr bílnum af sjálfsdáðum. Hinn var fastur í bílnum í töluverðan tíma sem staðnæmdist á nokkru dýpi í ánni.

Lögreglan hafði afskipti af óvelkomnum aðila.

Hópur sendla sem starfa hjá Wolt hefur tjáð yfirmönnum fyrirtækisins að þeir muni mögulega aftur leggja niður störf vegna kjaradeilna við fyrirtækið, að því er samskiptastjóri Wolt tjáir mbl.is.

Lúðvík Bergvinsson, fyrrverandi þingmaður og hæstaréttarlögmaður, segir Ólaf Ragnar Grímsson, fyrrverandi forseta, gagnrýna hann harðlega fyrir orð sín í garð utanríkisráðherra. Titillinn „fyrrum forseti“ undanskilji hann ekki gagnrýni. Þá segir hann Ólaf hafa farið með ýmis hlutverk í hruninu eftir hans eigin hentisemi.

Þessu greinir Sigurjón sjálfur frá í yfirlýsingu á samfélagsmiðlum, þar sem hann þakkar vinnuveitendum sínum í þingflokki Viðreisnar fyrir að hafa sýnt sér mikinn stuðning og hlýju.

Sigurjón Njarðarson framkvæmdastjóri þingflokks Viðreisnar er kominn í leyfi frá störfum. Ástæðan er krabbamein sem hann er með í síðu en stefnt er að uppskurði á næstu vikum.

Markmið nýs vændisfrumvarps dómsmálaráðherra er ekki að dæma kaupendur vændis til fangelsisvistar, þar sem ráðherra sér það fyrir sér að slíkum brotum verði að jafnaði lokið með skilorðsbundnum fangelsisdómi, heldur að ítreka fælingarmátt og draga úr eftirspurn með því að nöfn kaupenda verði birt opinberlega.

„Ef þú hugsar alltaf um vandræði, þá lendirðu í vandræðum. En ef þú hugsar í lausnum, þá munu þær birtast. Það er heldur ekki gott að efast um ákvarðanir sínar. Fyrsta hugmyndin er yfirleitt sú besta.“

Ritstjóri Viðskiptablaðsins segir að það kæmi sér ekki á óvart ef stjórn Landsvirkjunar eða fjármálaráðherra myndu segja af sér vegna Landsvirkjunarmálsins. Stjórnsýslufræðingur segir ráðherra hafa brotið lög með því að halda fund með stjórn fyrirtækisins.

Heilbrigðiseftirliti Suðurlands barst ábending nýverið vegna mögulegrar veggjalúsar á gistiheimili.Starfsmenn eftirlitsins fóru á staðinn og smit fannst í fjórum herbergjum.Meindýraeyðir hefur ekki staðfest að aðgerðir hafi tekist og herbergin eru því enn lokuð gestum. SKIPTIR MIKLU MÁLI AÐ REKSTRARAÐILI BREGÐIST RÉTT VIÐ Sigrún Guðmundsdóttir er framkvæmdastjóri Heilbrigðiseftirlits Suðurlands. Hún segir að forvarnir hafi strax farið í gang og rekstraraðili gistihússins fékk meindýraeyði til að útrýma lúsinni.Herbergin voru hituð í yfir sextíu gráður og eru enn lokuð gestum.„Og síðan er verið að bíða eftir aftur að meindýraeyðir staðfesti að aðgerðirnar hafi náð fullnægjandi árangri.“Samkvæmt reglugerð er meindýraeyðum skylt að tilkynna um tilfelli veggjalúsa og láta vita innan þriggja

Þróun nýs megrunarlyfs bandaríska lyfjafyrirtækisins Amgen byggir á rannsóknum vísindamanna deCode á erfðaefni nærri tvö hundruð þúsund Íslendinga. Bloomberg fjallar ítarlega um þróun lyfsins sem gengur undir heitinu MariTide og er ætlað að keppa við sambærileg lyf Eli Lilly og Novo, sem áður hét Novo Nordisk.Amgen keypti deCode árið 2012 og hefur nýtt erfðarannsóknir þess við uppgötvanir og þróun nýrra lyfja. Erfðaefni næstum tvö hundruð þúsund Íslendinga er geymt í frysti í Vísindagörðum Háskóla Íslands og Bloomberg greinir frá því hvernig rannsóknir á því hafi nýst við þróun MariTide.Amgen stefnir á að lyfið verði gefið mánaðarlega í stað vikulega líkt og Zepbound og Wegovy. Greinendur telja þó að sú sérstaða geti orðið fyrir bí árið 2028 þegar MariTide nær til neytenda.Bloomberg rifjar

Þrjátíu og fjögur prósent þjóðarinnar bera mjög eða fremur lítið traust til stjórnar Landsvirkjunar.

Dómsmálaráðherra segir breytingar sem gerðar voru á lögum um fullnustu refsinga í sumar þegar hafa skilað árangri. Fjörutíu erlendum brotamönnum hefur verið fylgt úr landi eftir að þeir afplánuðu þriðjung refsitíma síns.

Þegar Árni Pétur Birgisson var nýfæddur þurfti hann að gangast undir aðgerð á spítala og faðir hans, Birgir Tjörvi Pétursson, viðurkennir að skurðlæknirinn og teymi hans hafi rekið upp stór augu þegar eiginkona hans, Erla Kristín Árnadóttir, spurði í hverju snáðinn yrði meðan á aðgerðinni stæði.

Dagbjört Barringer Gunnarsdóttir og eiginmaður hennar höfðu staðið af sér hvert áfallið á fætur öðru þegar hann var lagður inn á gjörgæslu.

Slökkviliðið var kallað út í kvöld.

„Við erum ánægð með viðbrögðin og í sjálfu sér getum við sagt að þetta sýni vinsældir svæðisins að ná svona sterkri eftirspurn við þessar aðstæður í efnahagslífinu,“ segir Almar Guðmundsson bæjarstjóri Garðabæjar.

„Við heyrðum hvelli. Fyrst datt manni í hug að þetta gætu verið flugeldar en svo var þetta svo hratt og reglulegt að það voru eiginlega allir sem áttuðu sig samstundis,“ segir Bjarni Vestmann, sem var ásamt eiginkonu sinni, Rakel Árnadóttur, á veitingastað á torginu þar sem árásarmaður hóf skothríð í Kraká í dag. Þau hjónin forðuðu sér inn á veitingastaðinn.„Þegar þetta var yfirstaðið og ég kom út aftur þá áttaði ég mig á því að þetta var ekki nema 50 metra frá því þar sem við sátum,“ segir Bjarni.Hann segir mildi að ekki fleiri skyldu hafa orðið fyrir skaða á torginu, sem er vinsæll og fjölmennur ferðamannastaður. „Að sama skapi var það áfall að sjá hversu margir féllu í versluninni Zöru.“

Brynja Baldursdóttir stjórnarformaður Landsvirkjunar segir að fjármálaráðuneytið hafi lagt til að fundi sem Hörður Arnarson, þáverandi forstjóri fyrirtækisins, hafði óskað eftir með ráðherra yrði frestað.

Álfheiður Ingadóttir, fyrrverandi ráðherra stjórnarmaður í Landsvirkjun, segist fullviss um að mikil gleði hafi ríkt í herbúðum Alcoa þegar Hörður Arnarson lét af störfum sem forstjóri Landsvirkjunar.

„Við vorum bara rétt búin að tékka okkur inn, löbbuðum út á torg, settumst niður og þá kom þetta. Fyrst héldum við að þessir hvellir væru flugeldar en svo áttaði maður sig á því að það var verið að skjóta.“

„Að skrifa pistla,“ svarar Logi Bergmann Eiðsson spurður hvers hann sakni mest úr fjölmiðlum en hann var í tæp 40 ár í föstu starfi sem blaða- og fréttamaður en býr nú í Bandaríkjunum og sinnir ýmsum verkefnum.

Lilja Dögg Alfreðsdóttir, formaður Framsóknarflokksins, segir ríkisstjórnina hafa brugðist í efnahagsmálum. Tvö glötuð ár séu að baki, mikilvægt sé að draga úr verðbólgu með skynsömum hætti en ekki með því að kæfa efnahagslífið. Hún sakar ríkisstjórnina um þrengja að landsbyggðinni og skapa óvissu um stjórn Landsvirkjunar.

MATVÍS sem er félaga iðnaðarmanna í matvæla- og veitingagreinum; t.d. bakara, framreiðslumanna, kjötiðnaðarmanna, matreiðslumanna og nema sendi frá sér yfirlýsingu í dag þar sem „þungum áhyggjum er lýst af myndefni og fréttaflutningi af aðbúnaði svína hjá Stjörnugrís,“ eins og segir í yfirlýsingunni.Einar Logi Pétursson, sem hefur viðurkennt tvö innbrot í bú Stjörnugríss, hefur birt tvö myndbönd sem hann segist hafa tekið í búinu.Eigendur Stjörnugríss hafa ekki gefið fréttastofu kost á viðtali, en í skriflegri yfirlýsingu sem fyrirtækið sendi í gær er haft eftir Geir Gunnari Geirssyni, forstjóra, að myndefnið gefi villandi mynd af starfseminni. Ástand dýranna megi rekja til fyrra innbrots Einars Loga. VILJA STANDA VÖRÐ UM FAGMENNSKU „Við erum bara að passa okkur að standa vörð um fagmen

Orri Björnsson, oddviti Sjálfstæðisflokksins í bæjarstjórn og formaður bæjarráðs í Hafnarfirði, telur að niðurstaða fáist í bótakröfu Tækniskólans á hendur bænum fyrir áramót.

Reykjavíkurborg framlengdi í vikunni samning um samræmda móttöku flóttafólks og þarf að ráða fólk til starfa á ný sem sagt var upp í ágúst. Kostnaður vegna samningsins er metinn vera um 380 milljónir króna en hann er að mestu fjármagnaður af ríkinu.

Tillaga borgarstjóra var samþykkt á fundi borgarráðs á fimmtudag.

Ákveðið hefur verið að fresta opnun brottfararstöðvar á Íslandi um að minnsta kosti eitt ár, að sögn Snorra Mássonar, þingmanns Miðflokksins og nefndarmanns í allsherjar- og menntamálanefnd.

Há skólagjöld á nemendur sem koma frá löndum utan Evrópska efnahagssvæðisins gætu veikt heilbrigðiskerfið og minnkað gæði heilbrigðisþjónustu.Þetta segir Helga Rósa Másdóttir, formaður Félags íslenskra hjúkrunarfræðinga (Fíh). Háskóli Íslands hefur birt yfirlit um skólagjöld sem nemendur sem koma utan EES verða að greiða til að stunda nám við skólann. Upphæðirnar nema frá 1,45 milljónum króna upp í 3,25 milljónir fyrir veturinn.„Maður hefur áhyggjur af því að það verði færri hjúkrunarfræðingar sem munu sjá hag sinn í því að koma til Íslands að starfa. Og síðan kannski ekki síður mikilvægt hefur maður áhyggjur af því að íslenskukunnátta verði lakari og minni við þessa breytingu hjá hjúkrunarfræðingum sem koma hingað til starfa,“ segir Helga. 700 ERLENDIR HJÚKRUNARFRÆÐINGAR Erlendir hjúkr

Einar Logi Pétursson, 25 ára karlmaður sem viðurkennt hefur innbrot í svínabú Stjörnugríss á Kjalarnesi, sakar fyrirtækið um að ljúga að fjölmiðlum í myndbandi sem hann hefur birt á samfélagsmiðlum.Alls hefur Einar Logi birt tvö myndbönd eftir að hann viðurkenndi að hafa brotist inn í bú Stjörnugríss tvisvar, bæði í maí og svo aftur 2. september.Hægt er að sjá myndband Einars Loga hér fyrir neðan. Varað er við efninu sem birtist í myndbandinu.25 ára karlmaður sem hefur viðurkennt tvö innbrot í svínabú fyrirtækisins Stjörnugríss sakar fyrirtækið um að ljúga að fjölmiðlum um ástand svína í búum sínum.Í yfirlýsingu sem Stjörnugrís birti í gær var fyrra innbrot Einars Loga fordæmt sem dýraníð og sagt að það hafi valdið dýrunum hræðslu, óbætanlegum skaða og dauða.Geir Gunnar Geirsson forstjóri

Menningar- nýsköpunarýsköpunar- og háskólaráðuneytið hefur fækkað stöðugildum við ráðuneytið um átta. Störfin sem um ræðir eru þvert á svið ráðuneytisins og hafa meðal annars áhrif á sérfræðistörf og stjórnarráðsfulltrúa.

Landsréttur hefur staðfest sakfellingu yfir manni í Héraðsdómi fyrir stórfelld brot í nánu sambandi. Í dómnum segir að hann hafi yfir nokkurra ára tímabil vegið að lífi, heilsu og velferð fyrrverandi eiginkonu sinnar og dætra þeirra tveggja og beitt þær líkamlegu og andlegu ofbeldi. Stytti Landsréttur refsitímann og er manninum gert að sæta átján mánaða fangelsi í stað tveggja og hálfs árs dóms sem hann hlaut í héraði, eða ári skemur.

„Ég verð að gangast við því að þetta var pínu áfall,“ segir Berglind Kristinsdóttir, framkvæmdastjóri Sambands sveitarfélaga á Suðurnesjum.

Daði Már Kristófersson fjármálaráðherra segir að það muni hafa afleiðingar ef rétt reynist að stjórnarformaður Landsvirkjunar hafi farið með rangt mál gagnvart Herði Arnarsyni, fyrrverandi forstjóra fyrirtækisins, um ástæður þess að fundur sem Hörður óskaði eftir með ráðherranum á síðasta ári var aldrei haldinn.

Eldsvoðinn bættist í röð áfalla sem fjölskyldan varð fyrir og áttu þátt í þeirri ákvörðun að flytja heim til Íslands.

Mágkona Garps Elísabetarsonar sagði fyrir dómi í dag að á meðal gagna sem lögð hafi verið fram í máli Írisar Helgu Jónatansdóttur, sem sökuð er um umfangsmikið umsáturseinelti, séu fölsuð skjáskot. Var þar búið að breyta ummælum sem hún skrifaði og hafði hún samband við lögreglu vegna málsins.

Foreldrar írskrar stúlku sem lést í banaslysi á Krísuvíkurvegi í lok ágúst segjast ekki geta litið á atvikið sem slys. Vísbendingar eru um að ekið hafi verið á 230 kílómetra hraða þegar bíllinn hafnaði utanvegar með þeim afleiðingum að þrjú ungmenni létust.

Sigmundur Davíð Gunnlaugsson, formaður Miðflokksins, segir Þorgerði Katrínu Gunnarsdóttur ekki geta haldið áfram sem utanríkisráðherra.

Einar Logi Pétursson, sem hefur birt umdeild myndskeið úr svínabúum Stjörnugríss, hafnar fullyrðingum forsvarsmanna fyrirtækisins um að ástand dýranna á myndskeiðunum sé afleiðing fyrra innbrots hans og segir upptökurnar hafa verið gerðar áður en hann hleypti svínunum lausum. Hann segist hafa reynt að koma fyrir falinni myndavél í gasklefa í sláturhúsi fyrirtækisins. Starfsmaður hafi komið að honum og hann verið handtekinn um viku síðar.

„Við í Hagaskóla ákváðum í sameiningu, það er að segja kennarar, á síðasta skólaári, að endurhugsa svolítið hvernig við notuðum upplýsingatækni eða tækin öllu heldur í skólanum. Þetta hafði verið umræða í svolítinn tíma. Það sem við vorum að velta fyrir okkur var hver væri ávinningurinn og hvort hann væri raunverulegur og hvernig við eða nemendur væru að nýta tækin í skólunum,“ segir Ómar Örn Magnússon, skólastjóri Hagaskóla. Mikil ánægja sé með breytinguna meðal nemenda, foreldra og starfsfólks.Hann minnir á að hjá Reykjavíkurborg og mörgum öðrum sveitarfélögum hafi hver og einn nemandi á unglingastigi fengið spjaldtölvu til afnota, oftast svonefndar Chrome-bækur (e. Chromebook). Þeir fá tækið í hendurnar að hausti, bera ábyrgð á því og eiga að nýta það í sínu námi yfir veturinn.Í Hagaskó

Stöðugildum innan Menningar-, nýsköpunar- og háskólaráðuneytis fækkar um átta með ráðstöfunum sem gripið var til í vikunni.Logi Már Einarsson, menningar-, nýsköpunar og háskólaráðherra.RÚV / Ragnar VisageÍ skriflegu svari frá ráðuneytinu til fréttastofu segir að þrjú stöðugildi hafi verið lögð niður og ekki ráðið í tvö önnur störf sem losnuðu á árinu. Þrír tímabundnir ráðningarsamningar verði ekki framlengdir.Störfin séu þvert á svið ráðuneytisins, sérfræðistörf og stjórnarráðsfulltrúi. Uppsagnirnar taki mið af framlögum til reksturs ráðuneytisins í fjárlögum og hagræðingarkröfu stjórnvalda.

Myndbandsupptaka er meðal gagna sem lögreglan hefur undir höndum í tengslum við rannsókn á manndrápi í Breiðholti. Upptakan er úr öryggismyndavél í grennd við þar sem áflogin brutust út en atvikið átti sér stað á horni Hraunbergs og Austurbergs í Breiðholti.

Sprengjuhótanir sem borist hafa ríkisstofnunum og fyrirtækjum landsins undanfarna daga og vikur hafa verið raktar til Sýrlands. RÚV greinir frá því að þær hafi allar borist frá netfangi sem Mohamed Thor Jóhannesson, áður Mohamed Kourani, hefur áður notað.

Einar Logi Pétursson, sem hefur játað á sig innbrot í svínabú Stjörnugríss og kjúklingarækt í Reykjabúi, segist hafa verið einn að verki í öllum tilfellum. Hann hafi alls farið í óleyfi inn í fimm landbúnaðarbú hér á landi.

Stjörnugrís segir myndefni sem birt var úr innbroti gefa villandi mynd af starfseminni. Þau segja innbrotin dýraníð og aðgerðir Einars Loga Péturssonar ekki samræmast yfirlýstum gildum hans um dýravelferð. Þau telja að hann hafi brotist inn í tvígang til að ná myndefni í seinna innbrotinu sem hann náði ekki í því fyrra.

Rannsóknarniðurstöður í meðgönguvernd munu nú berast beint til þeirra sem bera ábyrgð á eftirfylgni.

Almenningur, sérstaklega eldra fólk, hefur undanfarið verið að taka út reiðufé í stórum stíl og sumir háar upphæðir vegna upplýsinga í bæklingi almannavarna „Verum viðbúin“.Þetta kemur fram í tilkynningu Félags eldri borgara sem send var á félagsmenn eftir að Almannavarnir höfðu samband við félagið. Einn af stóru bönkunum vakti athygli Almannavarna á málinu eftir að bæklingurinn var gefinn út. Í bæklingi Almannavarna eru ábendingar sem undirbúa eiga almenning fyrir aðstæður sem raskað gætu daglegu lífi, til dæmis ef náttúruhamfarir eiga sér stað, rafmagnsleysi, fjarskiptatruflanir eða aðrar áskoranir. Til að bregðast við slíkum aðstæðum er meðal annars bent á að gott sé að eiga tiltækt reiðufé. Sú upphæð ráðist af fjölda þeirra sem eru á heimilinu og hvaða vörur þarf að vera hægt að kaupa.

Bók þeirra Jóns Trausta Reynissonar og Reynis Traustasonar – Davíðstíminn – er nýkomin út og fyrstu viðbrögð eru blendin eins og við mátti búast. „Það kemur ekkert nýtt fram í henni,“ segir Hannes Hólmsteinn Gissurarson prófessor emeritus og einn helsti aðdáandi Davíðs Oddssonar.

Áform eru um að reisa sérstaka miðstöð um öryggisráðstafanir á Hólmsheiði, skammt frá fangelsinu. Áætlaður byggingarkostnaður er um 5,2 milljarðar króna og stefnt er að því að húsnæðið verði tilbúið í byrjun árs 2031.

Íslenskur karlmaður lést af völdum Creutzfeldt-Jakob-sjúkdómsins 1. nóvember. Þetta kemur fram í skriflegu svari landlæknis við fyrirspurn fréttastofu þar sem staðfest er að dánarvottorð hafi borist embættinu þar sem sú dánarorsök er staðfest.Sjúkdómurinn er afar sjaldgæfur, til í nokkrum mismunandi gerðum, og tilheyrir sama flokki og riðuveiki í dýrum. Sóttvarnalæknir segir í sérstöku svari að hvorki hafi borist greiningar um sjúkdóminn né klínísk tilkynning.Samkvæmt upplýsingum úr farsóttarskrá hefur Creutzfeldt-Jakob greinst þrisvar áður hér á landi, árin 2006, 2020 og 2023 og þrjú andlát af hans völdum síðan 1996. Það fyrsta árið 1997, annað 2007 og það þriðja 2022.Orsök sjúkdómsins er smitefnið príon, afbrigðilegt prótín sem umbreytir eðlilegum prótínum í afmyndað form. Creutzfeldt-Ja

1.157 hafa skrifað undir lista til að mótmæla fyrirhuguðu vindorkuveri að Hnotasteini, milli Kópaskers og Raufarhafnar. Franska fyrirtækið Qair hyggst reisa þrjátíu tvö hundruð metra háar vindmyllur að Hnotasteini á Hólaheiði í Norðurþingi. Sveitarstjórn Norðurþings vill að virkjunin verði sett í nýtingarflokk en sem sakir standa er hún í biðflokki.Einn þeirra sem hafa mælt hvað harðast gegn vindorkuverinu er Elvar Árni Lund, sviðsstjóri skipulags- og umhverfissviðs Norðurþings.„Það hefur komið góð gagnrýni frá minnihlutanum. En meirihlutinn virðist ekki vilja sjá neitt nema þetta og þeir hafa bara tekið einhliða afstöðu með Qair snemma í málinu. Málið virðist hreinlega verið rekið þannig að það er ekki hlustað á neitt nema þeirra skoðanir.“ NÁTTÚRU- OG DÝRAVERNDUNAR SJÓNARMIÐ RÁÐI FÖR

Hugbúnaðarfyrirtækið Abler, sem hefur það að markmiði að einfalda og efla íþrótta- og tómstundastarf, harmar mistök sem leiddu til þess að foreldrar sem misstu dóttur sína fyrir tæpum þremur árum fengu ítrekað boð um námskeið fyrir hana.

Sonur brotaþola í máli Írisar Helgu Jónatansdóttur, sem sökuð er um umfangsmikið umsáturseinelti, sagði hana hafa gert allt sem í hennar valdi stóð til þess að gera líf hans og fjölskyldu hans sem erfiðast. Hún hafi sent honum skilaboð úr nokkrum mismunandi aðgöngum, þar af einum sem var nefndur eftir föðurömmu hans.

Aðstandendur umdeildrar rannsóknar á skoðunum íslenskra karlmanna segja að rannsókninni hafi aldrei verið ætlað að vera endanlegur dómur yfir karlmönnum heldur innlegg í umræðuna um hugmyndir karla. Þannig hafi rannsóknin sitt skýringargildi þrátt fyrir rannsóknaraðferðina, sérstaklega hvað varði hóp fólks sem reglulega sé á netinu. Aldrei hafi komið til greina að sleppa birtingu í ljósi fárra svara á Íslandi miðað við á hinum Norðurlöndunum.

Þrír lögmenn hafa verið fengnir til að annast málsvörn Íslands með utanríkisráðuneytinu gegn Eftirlitstofnun EFTA sem hefur höfðað mál gegn íslenska ríkinu vegna bókunar 35 við EES-samninginn.

Guðlaugur Þór Þórðarsson, fulltrúi Sjálfstæðisflokksins í fjárlaganefnd, hefur síðustu daga sent rúmlega þrjú hundruð fyrirspurnir til ráðuneyta. Formaður nefndarinnar sakar Guðlaug um að reyna að „setja sand í tannhjólin“ og kallar Sjálfstæðismenn „hina nýju Pírata“. Guðlaugur segir þetta vera einu leiðina til að nálgast tiltekin gögn um fjárlagafrumvarpið sem ekki sé að finna í opinberum gögnum.

Lögreglunni á höfuðborgarsvæðinu barst í dag tilkynning um innbrot í heimahús. Þar voru innbrotsþjófar búnir að tína til hluti sem þeir ætluðu að stela og stafla þeim upp. Þeim tókst þó ekki að stela mununum áður en húsráðandi kom heim og tókst einnig að flýja af vettvangi.

Utanríkisráðuneytið hefur fengið þrjá lögmenn til liðs við sig vegna málshöfðunar Eftirlitsstofnunar EFTA gegn íslenska ríkinu vegna bókunar 35 við EES-samninginn. Stjórnvöld hyggjast óska eftir fresti fram yfir áramót til að skila málsvörn sinni. Enn hefur ekki verið ákveðið hvort Ísland muni hafna ásökunum ESA eða viðurkenna brot á EES-samningnum.

Landsréttur dæmdi í dag karlmann í 60 daga skilorðsbundið fangelsi fyrir vændiskaup og líkamsárás á gistiheimili í Reykjavík í maí 2023.

„Það eru enn 12 manns þarna og allt rafmagnslaust. Það eru allir að frjósa úr kulda,“ segir Bergþóra Pálsdóttir, talskona hjólabúa, spurð út í hjólhýsabyggðina á Sævarhöfða.

Stærsta nafnið á gestalista bókmenntahátíðarinnar Iceland Noir þetta árið er spennusagnahöfundurinn Lee Child. Hátíðin fer fram í næstu viku, frá miðvikudegi til laugardags, og er dagskráin afar þétt.

Karlmaður hefur verið ákærður fyrir að hafa nauðgað konu í bíl í Hafnarfirði sumarið 2024, meðal annars með því að neyða hana til að hafa við sig munnmök.

Líf Magneudóttir, borgarfulltrúi Vinstrisins, segir starfsfólki Reykjavíkurborgar sem hélt utan um grænt bókhald og Grænu skrefin hafa verið sagt upp. Enginn hafi tekið við verkefnunum og óljóst sé hvort þeim verði haldið áfram.

Vinna við niðurrif á húsi Sambíóanna við Álfabakka stendur yfir og er búið að rífa þak og allt innanstokks í húsinu. Jarðvegsvinna vegna stækkunar hússins er í fullum gangi, en húsið verður lengt um 53,5 metra og verður heildarlengd hússins 120 metrar. Húsið verður 10.000 fermetrar að stærð.

Garðabær auglýsti í október byggingarrétt fyrir 26 einbýlishúsalóðir og samtals 23 íbúðir í fjórum raðhúsalengjum til sölu á almennum markaði.

Þórunn Sveinbjarnardóttir forseti Alþingis biðst afsökunar á því að hafa vísað til Bangkok höfuðborgar Tælands vegna umræðu um aukið vændi á Íslandi. Hún segir orð sín hafa sært Íslendinga af tælenskum uppruna og segist hafa orðað þetta óvarlega.

Jón Heiðar Gunnarsson, markaðsstjóri Forlagsins, segir að Meta hafi gefið þær skýringar að bókin sé „of pólitísk“

Starfsemi lögreglunnar flutti í maí 2025 úr lögreglustöðinni í annað húsnæði vegna myglu. Það húsnæði átti að vera til bráðabirgða en síðan hefur liðið eitt og hálft ár án nokkurra úrbóta.

Fjármálaráðherra fagnar því mjög að stjórnskipunar- og eftirlitsnefnd Alþingis hafi ákveðið að kalla eftir gögnum og samskiptum ráðherrans og Landsvirkjunar til skoðunar. Hann hafnar því að hafa haft pólitísk afskipti í málinu.

Ýmislegt skondið hefur komið upp á í Fjarðarkaupum í Hafnarfirði á þeim 53 árum sem fjölskylda Gísla Sigurbergssonar hefur rekið verslunina.

Þórunn Sveinbjarnardóttir forseti Alþingis segir sér hafa runnið blóðið til skyldunnar að stíga í pontu Alþingis til að tjá sig um nýtt frumvarp um vændi. Frumvarpinu sé ætlað að draga úr eftirspurn úr vændi og vernda þau sem stundi það, Þórunn segir ástandið slæmt hér á landi, Reykjavík hafi verið lýst þannig að borgin sé að verða eins og Bangkok norðursins.

Fjölskyldan sem hefur rekið Fjarðakaup í meira en hálfa öld gekk frá sölu verslunarinnar í vikunni. Það er greinilegt að búðin á hvert bein í eigendum, viðskiptavinum og starfsfólki sem á allt að 35 ára starfsferil þar. Framkvæmdastjórinn býst við að sjokkið komi þegar hann gengur út en ætlar að taka lopapeysu eftir móður sína með sér.

Seint í jólabókaflóði ársins 2005 kom út bókin Thorsararnir, eftir Guðmund Magnússon. Þar rakti höfundurinn sögu athafnamannsins Thors Jensen, barna hans og barnabarna. Fjölskyldu sem mikið fór fyrir í íslensku samfélagi fram eftir allri síðustu öld. Frumkvöðlar og eigendur fyrstu stórfyrirtækja á Íslandi, bæði í sjávarútvegi og landbúnaði.Bókina byggði sagnfræðingurinn og höfundur hennar, Guðmundur Magnússon, á rannsóknarvinnu sinni á umsvifum ættarinnar. Þar munaði mestu um aðgegni Guðmundar að umfangsmiklu, áður óséðu skjalasafni fjölskyldunnar, sem vörpuðu nýju ljósi á viðskipti, persónuleg málefni og eldfim pólitísk mál.Nú, rúmum tuttugu árum síðar kemur bókin aftur út, hjá öðru forlagi. Nú er það bókaútgáfan Ugla útgáfa sem gefur hana út. Ástæðan fyrir endurútgáfunni er þó ekki eingö

Arinbjörn Jóhannsson, ferðabóndi á Brekkulæk í Miðfirði, lést á Heilbrigðisstofnun Vesturlands á Hvammstanga 29. október síðastliðinn, 76 ára að aldri.

Aldarfjórðungur er liðinn frá því fyrsta einkarekna heyrnartækjastöðin var opnuð hérlendis. Heyrnartækni hóf rekstur í Lágmúla sumarið 2001 en flutti á dögunum úr Glæsibæ í Síðumúla 24 þar sem fyrirtækið lét sérhanna húsnæði fyrir starfsemina.

Kona sem bar vitni fyrir dómi í máli Írisar Helgu Jónatansdóttur í dag sagði samstarfskonu þeirra hafa grátið á öxlinni á Íris vegna sögu um krabbamein og lyfjameðferð sem hún sagðist vera að ganga í gegnum. Þá lýsti barnsmóðir Sölva Guðmundssonar því hvaða áhrif meint áreiti hefur haft á dóttur þeirra.

„Kerfið sýndi mér þá, þetta er mjög grimmt. Það er engin hjálp,“ segir Dagbjört.

Skynjarar sem telja farþega í strætó hafa verið óvirkir í öllu leiðakerfi höfuðborgarsvæðisins frá apríl 2024. Á meðan hefur verið stuðst við handtalningar og greiðslugögn sem ná aðeins til hluta farþega.

Í tilkynningu segir að um ánægjulegan áfanga sé að ræða.

Manninum var gert að halda sig á afmörkuðu svæði innan flugstöðvarinnar og verða sér úti um flugmiða frá landinu.

Fjárfestingarfélag sem sýndi áhuga á að kaupa Fjarðarkaup í Hafnarfirði vildi fá húsnæði verslunarinnar afhent tómt og gera ráð fyrir því að öllum starfsmönnum yrði sagt upp.

Málið kom upp í miðborginni.

Vonir standa enn til að Radisson Red hótelið við Skúlagötu verði klárað og það opnað gestum. Arion banki segir að bankinn hafi þurft að bregðast við í ljósi upplýsinga sem fram hafi komið á síðustu dögum.Líkt og fréttastofa greindi fyrst frá í gær voru allar framkvæmdir við hótelturninn á Skúlagötu stöðvaðar á mánudaginn og verktakar beðnir um að yfirgefa byggingarstað þar sem búið var að loka fyrir frekari fjármögnun á framkvæmdum. Arion banki er aðalkröfuhafi og þar á bæ er skoðað hvernig hægt er að bjarga sem mestum verðmætum. Arion banki segir í stuttu svari við fyrirspurn fréttastofu að á síðustu dögum hafi komið fram upplýsingar varðandi framkvæmd og stöðu verkefnisins sem bankinn hafi þurft að bregðast við. Málið sé í viðeigandi farvegi og unnið sé að lausn þess.Miklir fjármunir eru

Karl Wernersson, einn umsvifamesti fjárfestir landsins fyrir efnahagshrunið, hélt fund í dag fyrir fullum sal í Smárabíó þar sem hann fór yfir þau málaferli sem hann hefur staðið í síðustu nær 20 ár og þau áhrif sem málin hafa á hann enn í dag.

Hæstiréttur hefur staðfest úrskurð Landsréttar og Héraðsdóms Reykjavíkur um að sýkna íslenska ríkið af kröfu manns sem hefur staðið í deilu við það um það hvar hann átti að borga skatta á þriggja mánaða tímabili árið 2012.Maðurinn fluttist ásamt fjölskyldu sinni til Bretlands árið 2012. Hann var farinn út í maí en fjölskyldan fylgdi á eftir í ágúst.Maðurinn og íslenska ríkið deildu um það hvort skattfesti hans hefði haldist á Íslandi þangað til fjölskyldan flutti út eða færst til Bretlands um vorið. Áður en fjölskylda mannsins flutti frá Íslandi dvaldi hann á breskum herragarði endurgjaldslaust í eigu viðskiptafélaga síns.Maðurinn hafði átt aðild að samningi í júní 2012 sem færði honum talsverða fjármuni sem sættu hvorki skattlagningu á Íslandi né í Bretlandi að mati ríkisskattstjóra. Maðu

Meint áreiti Írisar Helgu Jónatansdóttur á hendur Garpi Elísabetarsyni og dóttur hans hefur haft gríðarleg áhrif að sögn barnsmóður Garps sem bar vitni í aðalmeðferð málsins fyrir Héraðsdómi Reykjaness í dag. Brast hún í grát þegar hún lýsti því hvaða áhrif málið hafi haft á dóttur þeirra.

Einn eigenda félaganna að baki hótelturninum segir umfang tjónsins þó enn óljóst.

Hanna Katrín Friðriksson atvinnuvegaráðherra hefur skipað sérfræðihóp sem er falið það verkefni að greina eignarhald erlendra aðila á jörðum hérlendis.

„Ég var að vinna á þýsku seglskipi sem tekur stundum farandsveina með. Fyrir fjórum árum var ég að sigla og þá komu fjórir farandsveinar um borð og ég fór að spyrja þá út í þeirra líf og þessi skrítnu föt sem þeir ganga í. Ég fann strax að þetta væri eitthvað sem mig langaði að prófa," segir Freyja Sif sem nú er að hefja þriggja ára starfsnám farandsveina samkvæmt þúsund ára gamalli þýskri hefð. Freyja sem hefur nýlega lokið sveinsprófi í húsgangasmíði er lögð af stað út í heim þar sem hún mun flakka um með öðrum farandsveinum í þrjú ár og einn dag. Reglurnar eru þær að hún má ekki vera með síma eða tölvu, hún má ekki koma nær heimili sínu en 50 kílómetra og hún verður að útvega sér mat og gistingu með því að bjóða vinnu í staðinn.

Öryggisbrestur varð í Innu, sameiginlegu skráningarkerfi framhaldsskólanna, í síðustu viku sem varð til þess að nemandi komst inn á aðganga starfsfólks og annarra nemenda og reyndi að breyta upplýsingum um einkunnir og mætingu.

Arion banki staðfestir að hann sé veðhafi í hótelverkefninu við Skúlagötu. Bankinn hefur ekki talið tilefni til sérstakrar tilkynningar til markaðarins vegna málsins.

Dóttir Írisar Helgu Jónatansdóttur sagði bróður sambýliskonu eins brotaþola í máli móður hennar hafa ráðist inn á heimili þeirra og hótað að drepa þær. Barnsfaðir Írisar Helgu vildi ekki tjá sig þegar hann var kallaður sem vitni í morgun. Íris Helga sætir ákæru fyrir umfangsmikið umsáturseinelti gagnvart þremur karlmönnum og fjölskyldum þeirra.

Sérsveit ríkislögreglustjóra (RLS) hefur í einhverjum tilfellum þurft að notast við einkabíla lögreglumanna til að sinna bæði útköllum og æfingum.

„Við vonumst til að fá inn mjög góða reynslu af sambærilegum verkefnum. Vonandi verður þetta öflugt teymi sem kemur til starfa,“ segir Guðmundur Daði Rúnarsson, forstjóri Ganga og brúar.

Borgarfulltrúi Framsóknarflokksins segir vinstrið í borgarstjórn aldrei munu styðja hagræðingaraðgerðir í borginni og að það hafi legið fyrir í langan tíma að taka þyrfti utan um rekstur Reykjavíkurborgar. Borgarfulltrúi Vinstrisins segir óljóst hver áhrifin af uppsögnum innan borgarinnar verði og þær gætu leitt til kostnaðar seinna meir. Fjárfesta þurfi í húsnæði.

Framhaldsskólanemi nýtti sér öryggisbrest í Innu, innri vef sem fjöldi framhaldsskóla notar, og gerði tilraun til þess að breyta einkunum og mætingu hjá öðrum nemendum. Öryggisbresturinn snertir allt að sextán skóla.

Í almannavarnabæklingi stjórnvalda er gátlisti yfir þær nauðsynjar sem heimilið þarf til að komast af í að minnsta kosti þrjá daga. Til dæmis vatn og matur, peningar, lyf, hreinlætisvörur, verkfæri, eldunartæki, vasaljós og útvarp.Vegfarendur sem fréttastofa ræddi við töldu sig nokkuð vel setta: „Ég hugsa að ég eigi ekki allt. En næstum því,“ sagði Nanna Norðfjörð.Grétar Björnsson sagðist að minnsta kosti eiga vatn. „En það mætti alveg fylla á gaskútinn sko.“Rúnar Sigurður Birgisson fagnaði útkomu bæklingsins: „Ég man þegar símaskráin kom út, þá voru allar þessar upplýsingar þar. Nú höfum við ekki lengur aðgang að þessum upplýsingum og þess vegna fagna ég þessu framtaki.“Izabela Kinga Nieradko taldi sig nokkuð viðbúna, ef á reyndi. „En mér finnst að við hér á Íslandi séum örugg.“

Ingibjörg Sveinsdóttir, forseti bæjarstjórnar í Hornafirði, hefur látið af störfum sem bæjarfulltrúi og þar með sem forseti bæjarstjórnar.

Daði Már hafnar því að hafa óskað eftir að funda með stjórn Landsvirkjunar án Harðar Arnarsonar þáverandi forstjóra.

„Mér finnst þetta fyrst og fremst bara sorglegt,“ segir Ólafur Ragnar Grímsson, fyrrverandi forseti Íslands, sem telur ummæli Þorgerðar Katrínar Gunnars utanríkisráðherra í sinn garð vart svaraverð. „Af því að ég er nú búinn að fylgjast í áratugi með utanríkisráðherrum Íslands og ég hef aldrei fyrr upplifað að sá sem gegnir þeirri trúnaðarstöðu í íslenska lýðveldinu leyfi sér svona bull.“

Sölvi Guðmundsson sem segir Írisi Helgu Erlingsdóttur hafa setið um sig og eltihrellt segir áhrifin hafa verið mjög mikil og valdið óöryggi og vanlíðan á heimi fjölskyldu hans. Eftir að ákæra var gefin út birtist dánartilkynning um Sölva í Morgunblaðinu sem var ekki fótur fyrir.

Fyrirkomulag við skipan í stjórn Landsvirkjunar og annarra ríkisfyrirtækja var harðlega gagnrýnd af þingmanni Miðflokksins á Alþingi í dag.

Ólafur Ragnar Grímsson fyrrverandi forseti Íslands gefur lítið fyrir orð Þorgerðar Katrínar Gunnarsdóttur utanríkisráðherra um að hann ýti undir sjónarmið Rússa í innrásinni í Úkraínu og að hún hafi ítrekað þurft að útskýra málflutning hans og baksögu á alþjóðavettvangi, nú síðast á öryggisráðstefnunni í München.Þetta sagði hún í viðtali við fréttastofu eftir ríkisstjórnarfund í morgun.Ólafur Ragnar segir ráðherrann veruleikafirrtan og bitran vegna útkomu þjóðaratkvæðagreiðslunnar í ágúst. HVORKI SÆMANDI NÉ SVARAVERT „Þessi nýi götustelpustíll í umræðum um utanríkismál er nú hvorki sæmandi né svaraverður. Og mér finnst sorglegt að í stað efnisríkrar umræðu sé ráðherra ítrekað að temja sér dylgjur og rangfærslur,“ segir Ólafur Ragnar spurður um viðbrögð við ummælum ráðherra.Tilefni þessa

Fjármálaráðherra stendur við þá lýsingu sem hann gaf í þinginu á starfslokum Harðar Arnarsonar hjá Landsvirkjun.

Feðgarnir og hinn látni voru á ferðinni saman áður en til átaka kom í Efra-Breiðholti um helgina. Einn mannanna lést eftir að hafa hlotið stunguáverka og annar særðist.

Þorgerður Katrín Gunnarsdóttir utanríkisáðherra segist hafa þurft að svara fyrir ummæli Ólafs Ragnars Grímssonar fyrrverandi forseta um Rússa í samtölum við kollega hennar erlendis.

Brotaþoli í máli Írisar Helgu Jónatanasdóttur, sem sökuð er um umfangsmikið umsáturseinelti, sagði hana hafa valdið sér og fjölskyldu sinni mikilli hræðslu og ótta. Sambýliskona hans brast í grát þegar hún lýsti meintu umsátri.

Maður sem segir að Íris Helga Jónatónsdóttir hafi áreitt sig segir hana hafa valdið sér og fjölskyldu sinni miklum sálrænum skaða og að þau telji sig ekki örugg lengur. Hún áreiti þau enn.Tekin var skýrsla af fyrsta brotaþola í máli Írisar Helgu við framhald aðalmeðferðar í morgun. Íris Helga er sökuð um umfangsmikið umsáturseinelti gegn þremur mönnum, sambýliskonu eins þeirra, börnum tveggja þeirra og fjölskyldum.Maðurinn sagði að hegðun Írisar Helgu hefði valdið þeim mikilli hræðslu og kvíða.„Við þurftum alltaf að vera á varðbergi,“ sagði maðurinn.„Við gátum ekki upplifað eðlilega hversdagslega hluti eins og að hafa dyrnar ólæstar,“ sagði hann. Öryggistilfinning þeirra væri horfin. ÝMISLEGT UNDARLEGT Í FARI ÍRISAR HELGU Samband mannsins og Írisar Helgu hófst 2021 en því lauk í janúar

Netárásin sem gerð var á kæla og frystiskápa í nokkrum Evrópulöndum náði líka til Íslands.„Gærdagurinn fór svolítið í að kortleggja Ísland gagnvart þessari árás og við höfum upplýsingar um að það voru allavega tveir sem voru undir í þessari sömu árás,“ segir Magni Reynir Sigurðsson, forstjóri CERT-IS. „Því miður voru enn þá greinilega einhverjir kælar sem voru enn þá opnir út á netið og hægt að tengjast þeim frá netinu, fara inn á þá og breyta þessum stillingum.“„Við höfum upplýsingar um að þessi árás hafi haft árás á að minnsta kosti tvo kæla hér á landi.“Magni Reynir segir að árásin hafi uppgötvast því sem næst um leið og hún hófst. Því olli hún litlu sem engu tjóni hér.Netárásir voru gerðar á matvöruverslanir í sjö löndum Evrópu í gær auk Íslands. Verslanir í Belgíu, Lúxemborg, Svíþjóð,

Gunnar Tryggvason hefur verið skipaður formaður verkefnisstjórnar sjötta áfanga rammaáætlunar.

Orð Þorgerðar Katrínar Gunnarsdóttur utanríkisráðherra um skrif Heimis Más Péturssonar, framkvæmdastjóra Flokks fólksins, sem hún lét falla á Alþingi í gær hafa valdið rússneska sendiráðinu bæði undrun og harmi, að því er fram kemur í færslu á Facebook-síðu sendiráðsins. SKRIF UM HERMENN OG KJARNORKUVOPN RÖTUÐU INN Á ÞING Heimir Már skrifaði athugasemd við færslu Emmanuels Macrons, forseta Frakklands, og hvatti hann til að senda hermenn til Úkraínu til að berjast við Rússa og hafa kjarnorkuvopnin tilbúin. Hann eyddi síðar færslunni og baðst afsökunar.Stefán Vagn Stefánsson, varaformaður Framsóknarflokksins, spurði utanríkisráðherra út í orð Heimis Más. Hann sagði þau geta valdið Íslandi orðsporsáhættu. Þorgerður Katrín sagðist ekki sjá ástæðu til að elta ólar við færslu Heimis Más. Hún

Veðrun var tekin að hrjá límmiða með myndum af bílum mannlega ásjónu í gluggum „Vitans“ svonefnda við bílastæðahús við Vitatorg í Reykjavík og því þótti Bílastæðasjóði nauðsynlegt að fjarlægja þá.Fjarlæging miðanna er hluti af vinnu Bílastæðasjóðs við að bæta og fríska upp á ásýnd bílastæðahúsanna. Þetta kemur fram í skriflegu svari verkefnastjóra samskipta hjá Reykjavíkurborg.Við greindum í gær frá undirskriftasöfnuninni sem nágrannarnir Máni Sigurðsson og kærasta hans hrundu í framkvæmd þar sem hvatt er til þess að einni myndanna sem eftir lifir verði hlíft og hinar settar upp aftur. Söfnuninni er ætlað að standa í einn mánuð. Mikilvægt væri að halda í eitthvað af því sem skapar sálina í borginni, eitthvað skrýtið sem fólki væri farið að þykja vænt um. Borgin segir ljóst að margir tengi

Svanur Jóhannesson bókbindari lést á Landspítalanum við Hringbraut 31. október, 97 ára að aldri.

Móðir sem á von á sínu öðru barni býst við lágmarksgreiðslum í næsta fæðingarorlofi eftir að hafa dreift greiðslum úr því síðasta. Þingkonur úr Samfylkingunni og Sjálfstæðisflokknum vilja breyta útreikningnum. Ljósmóðir vill lengja orlofið í átján mánuði.