Yfirvöld í Rússlandi hafa sleppt bandarískum uppgjafarhermanni úr fangelsi. Robert Gilman hafði setið inni í meira en fjögur ár á grunni umdeildra ákæra og við slæmar aðstæður. Donald Trump segir Vladimír Pútín hafa samþykkt að sleppa honum í mannúðarskyni en Gilman er sagður vera mjög heilsulítill.

Norðmenn fylgjast grannt með þjóðaratkvæðagreiðslunni á Íslandi um hvort Ísland eigi að hefja á ný aðildarviðræður við Evrópusambandið. Þeir spyrja jafnframt hvort þeir ættu þá einnig að hefja viðræður við sambandið á ný. Ný skoðanakönnun sýnir að meirihluti Norðmanna er enn andvígur því að sækja aftur um aðild að sambandinu.

Donald Trump, forseti Bandaríkjanna, skipti um flugvél með leynd þegar hann yfirgaf leiðtogafund NATO í Tyrklandi í síðasta mánuði. Það var hluti af skipulagðri aðgerð til að bregðast við hugsanlegri ógn frá Íran.

Albin Kurti starfandi forsætisráðherra Kósovó varð fyrir eggjakasti á fyrsta þingfundinum eftir kosningar sem haldnar voru 7. júní.Á fundinum átti að ganga frá skipan þingsins eftir kosningarnar. Kurti bað um meiri tíma til að ná samkomulagi við stjórnarandstöðuna um skipun nýs þingforseta og var sú beiðni samþykkt. Flokkurinn sem vann kosningarnar hafði boðað fundinn þrátt fyrir mótmæli bæði frá stjórnarandstöðunni og sérfræðingum í stjórnskipun, sem töldu framkvæmdina á skjön við stjórnarskrána þar sem fresturinn sem hún hafði til að skipa þingið hafi verið liðinn.Time Kadrijaj, einn þingmaður stjórnarandstöðunnar, henti þá minnst fjórum eggjum í forsætisráðherrann meðan hún jós yfir hann skömmum.

Evrópski flugvélaframleiðandinn Airbus mun senda sérfræðinga til Nýju Delí á Indlandi í dag til að aðstoða rannsakendur sem rannsaka flug Air India-vélar sem missti skyndilega hæð með þeim afleiðingum að 17 manns slösuðust í ógnvekjandi atviki í háloftunum.

Hólmbert Aron Friðjónsson, atvinnumaður í fótbolta, vann hetjudáð um helgina þegar hann ásamt vini sínum bjargaði manni úr brennandi bíl.Hólmbert spilar fyrir liðið Gwangju (Gvantsjú) FC í Suður-Kóreu og var liðið á heimleið eftir útileik þegar komið var auga á bílinn. Bílnum hafði verið ekið aftan á vörubíl og lenti utan vegar þar sem hann stóð í ljósum logum.„Við sáum út undan okkur að þarna hafði orðið slys sem samt enginn hafði komið enn að, en við vorum að pæla í því hvort einhver væri í bílnum sem kviknað hafði í.“ BÍLLINN ALELDA Á NOKKRUM MÍNÚTUM Bílstjóri liðsrútunnar var smeykur við aðstæður á vettvangi og óttuðust liðsmenn að bíllinn myndi springa.„Það voru allir eiginlega smá hræddir við að bíllinn myndi bara springa eins og í bíómyndunum. Þannig það var eiginlega verið að ba

Donald Trump Bandaríkjaforseti hefur gefið út forsetatilskipun sem felur meðal annars í sér að bólusetningum barna verður fækkað úr átján í ellefu. Tilskipunin er í takt við fyrirhugaðar breytingar heilbrigðisráðherrans Robert F. Kennedy Jr. sem tilkynnt var um fyrr á árinu en þær hafa verið stöðvaðar af dómstólum.

Á annan tug fyrirtækja hafa þegar gerst áskrifendur að nýrri þjónustu samfélagsmiðlafyrirtækis Donalds Trump Bandaríkjaforseta sem veitir þeim aðgang að yfirlýsingum forsetans á undan öðrum. Fyrir það eru fyrirtækin sögð greiða forsetanum milljónir á hverjum mánuði.

Dómstóll í Sýrlandi dæmdi Bashar al-Assad, fyrrverandi forseta landsins, til dauða fyrir glæpi gegn mannkyninu og stríðsglæpi að honum fjarstöddum í dag. Bróðir Assad og frændi hlutu sama dóm.

Donald Trump Bandaríkjaforseti virðist ekki hafa flogið frá Tyrklandi til Bretlands um borð í „gömlu“ Air Force One forsetaflugvélinni, eins og áður hafði verið greint frá. Hann virðist þess í stað hafa verið fluttur úr þeirri vél í aðra vél í fylgdarflota Air Force One, án þess að aðrir væru látnir vita.

Umfjöllun blaðsins er byggð á gögnum sem það hefur undir höndum, frásögn bandarísks embættismanns sem þekkir til aðgerðarinnar og annars heimildarmanns með vitneskju um ferðir forsetans.

Donald Trump krafðist þess í dag að klerkastjórnin í Íran greiddi skaðabætur vegna þeirra sem hann sagði ríkisstjórnina hafa banað í stríðum, árásum og mótmælum í gegnum árin. Þá ættu þeir einnig að greiða skaðabætur til íbúa Líbanon, Sýrlands, Jemen og á Gasa. Þetta sagði Trump í kjölfar þess að ráðamenn í Íran fóru fram á skaðabætur vegna árása á Íran og að refsiaðgerðir yrðu felldar niður.

SVT, ríkisútvarp Svíþjóðar, greindi frá því að öryggislögreglan hafi um langa tíð kortlagt og fylgst með leyniþjónustuaðgerðinni.

Sænska öryggislögreglan segir að hún hafi komið í veg fyrir rússneska leyniþjónustuaðgerð sem miðaði að því að sverta mannorð Svíþjóðar og sem fól í sér „njósnara“ sem starfaði í erlendri sendinefnd í Svíþjóð.

Fjölmiðlaeftirlitsstofnunin Ofcom telur útvarpsstöðina Radio Caroline hafa brotið útsendingarreglur þegar tilkynnt var ranglega í miðri útsendingu að Karl Bretakonungur væri látinn.

Neyðarástandi hefur verið lýst yfir í Bresku-Kólumbíu í Kanada eftir að þúsundir manna þurftu að yfirgefa heimili sín vegna ört vaxandi skógarelds. Einn hefur látist í eldinum sem hefur meira en tvöfaldast að umfangi frá því hann uppgötvaðist á föstudag.

Hitinn á meginlandi Spánar í júlí jafnaði heitasta mánuð frá því að mælingar hófust árið 1961 að sögn spænsku veðurstofunnar AEMET á mánudag, en hitinn ýtti undir stærstu gróðurelda í sögu landsins á síðari tímum.

Lögreglan í Ástralíu hóf í gær morðrannsaókn eftir að tveir menn fundu ferðatösku sem virtist innihalda líkamsleifar í sveitahéraði í Nýju-Suður-Wales. Í ljós kom þó fljótlega að um afar raunverulega kynlífsdúkku var að ræða.

Alexandra Ocasio-Cortez, fulltrúadeildarþingmaður Demókrataflokksins frá New York, greindi frá því um helgina að hún hyggst láta frysta egg sín. Hún segist hafa ákveðið að greina frá ákvörðuninni til að opna umræðuna, þrátt fyrir að það feli í sér ákveðna pólitíska áhættu.

Afar raunveruleg dúkka í fullri stærð sem fannst í ferðatösku við ástralskan þjóðveg var um stund talin fórnarlamb morðingja. Tveir menn óku í gærkvöld fram á ferðatöskuna þar sem hún lá við þjóðveg nærri þorpinu Oallen um 230 kílómetra suðvestan við stórborgina Sydney.Þeim brá verulega í brún við að sjá innihaldið, síðhærða konu með hring í nefinu og áverka sem bentu til ofbeldis. Snemma í morgun tilkynnti lögregla í Hume-umdæmi að morðrannsókn væri hafin, sem vakti mikla athygli almennings og fjölmiðla.Aðeins örfáum klukkustundum síðar var tilkynnt að rannsókninni væri lokið, réttarmeinarannsókn hefði leitt í ljós að líkamsleifarnar hefðu aldrei verið lifandi. „Innihald töskunnar var afar raunveruleg, fullklædd dúkka með hring í nefi og tilbúnar skrámur og marbletti,“ segir í tilkynningu

Breski forsætisráðherrann Andy Burnham heitir því að taka hart á fyrirtækjum sem bjóða fólki áskriftir sem þrautin þyngri reynist að losna við og eins að takast á við gerviafslætti ýmis konar.Í tilkynningu frá skrifstofu forsætisráðherra segir að þetta tengist umfangsmeiri aðgerðum til að lækka framfærslukostnað almennings.Burnham sjálfur sagði í yfirlýsingu að fólk væri búið að fá sig fullsatt af gylliboðum um áskriftir sem endurnýjast sífellt sjálfkrafa og hækki sífellt. Ríkisstjórnin myndi sjá til þess að jafn auðvelt yrði að segja upp áskrift og hefja hana.Breskir neytendur verja 1,6 milljörðum punda í áskriftir sem þeir raunverulega vilja alls ekki segir í tilkynningu skrifstofu Burnhams. Það er jafnvirði 267 milljarða króna. Nýjar reglur ganga í gildi í janúar sem neyða fyrirtæki til

Maður sem stýrði bát sem hvolfdi, nálægt Frelsisstyttunni í Bandaríkjunum, hefur verið handtekinn, grunaður um að sýna af sér alvarlegt gáleysi. Kona og ungbarn létust þegar bátnum hvolfdi.

Mikinn óþef hefur lagt yfir Boyle Heights-hverfið í Los Angeles í Bandaríkjunum undanfarna daga. Óþefinn má rekja til matvæla sem geymd voru í vöruhúsi sem brann til kaldra kola um miðjan júní. Þrjátíu og níu þúsund tonn matvæla voru geymd í húsinu, þar á meðal nautakjöt, svínakjöt, kjúklingur og sjávarfang. Hreinsunarstarf eftir brunann hefur tekið lengri tíma en áætlað var.Kona sem vinnur í hverfinu segir lyktina svo vonda að mann langi til að kasta upp og líkir henni við óþefinn af rotnandi líki. Par sem rekur kaffihús nálægt vöruhúsinu segir viðskipti hafa hríðfallið, ekki síst vegna ágangs flugna.Rannsókn á vegum borgarinnar hefur sýnt að rotnandi matarleifarnar verði til þess að flugum sem sýkt geti opin sár fjölgi. Þá hafa íbúar séð stórar rottur í hverfinu og segja að gildrur sem k

Veðurspáin meðan á sólmyrkvanum næstkomandi miðvikudag stendur er tekin að skýrast. Að sögn Theodórs Freys Hervarssonar veðurfræðings sýna flest líkön svipaða niðurstöðu.„Það er lægð hér rétt suður af Reykjanesi, skýjað á mestu landinu og rigning víða. Náttúran er ekki með okkur í liði þegar kemur að sólmyrkvanum,“ segir Theodór.Ef einhver staður er bestur til að njóta sólmyrkvans segir hann að útlit sé fyrir að það verði þurrt á norðvesturhorninu. Enn megi sjá breytingar milli keyrslna á líkönunum. Veðurspáin eigi því eftir að skýrast enn frekar.

Angel Aguirre, fyrrverandi ríkisstjóri Guerrero-ríkis í Mexíkó, hefur verið handtekinn grunaður um að hafa átt við sönnunargögn tengd rannsókn á hvarfi 43 háskólastúdenta þar fyrir tólf árum. Saksóknari segir að ríkisstjórinn hafi fyrirskipað bæði hátt- og lægrasettum embættismönnum að fela gögnin, sem voru hljóðupptökur. Slík yfirhylming sé langt í frá einsdæmi heldur hluti víðtækrar spillingar meðal leiðtoga Guerrero-ríkis. Aguirre lét sjálfviljugur af embætti 2014 og hefur ekki sinnt opinberu embætti síðan. Fulltrúar héraðslögreglu höfðu í september 2014 afskipti af stúdentunum í bænum Iguala eftir að þeir tóku þátt í mótmælum í höfuðborginni gegn stefnu menntamálayfirvalda í ríkinu. Talið er að minnst sex þeirra hafi fallið í skotbardaga en 43 hurfu sporlaust. Grunur hefur lengi leikið

Íbúum í Lesja og nágrenni í Innlandet-fylkinu norska er tekinn vari á að nálgast mann á þrítugsaldri sem talinn er hættulegur og auk þess vopnaður eggvopni en honum tókst að flýja af stofnun sem hann var vistaður á vegna andlegs ástands síns.

Litlu mátti muna að stórslys yrði á fjölfarnasta flugvelli Ástralíu í morgun er tvær farþegaþotur voru nálægt því að skella saman.

Enn hefur ekki tekist að svara því hvernig skógareldar í Frakklandi sem geisuðu í sumar hófust. Margir vilja meina að eldarnir séu birtingarmynd loftslagsbreytinga en þar sem níu af hverjum tíu skógareldum sem hafa komið upp í Frakklandi leita yfirvöld logandi ljósi að sökudólgi. Þarlend ríkisstjórn hefur þó jafnframt verið sökuð um að hafa verið illa undirbúin fyrir eldsvoðana og gripið seint inn í.

Hunter Biden talaði meðal annars um heilsu föður síns Joes Biden í viðtali á BBC síðasta föstudag og sagði krabbameinið sem hann glímir við hafa dreift sér um líkamann. Biden var elsti maðurinn sem gegnt hefur embættinu þegar hann lét af störfum.Joe Biden greindi frá því í maí á síðasta ári að hann hefði greinst með illvígt krabbamein í blöðruhálskirtli sem hefði breiðst út í beinin. Í júlí sagði Biden að geisla- og hormónameðferð gengi að óskum um leið og hann tilkynnti útgáfu endurminninga sinna.Hunter Biden sagði í viðtali á Newsnight að þrátt fyrir meðferðina hefðu meinvörpin dreift sér í önnur líffæri. Erfitt væri að sjá heilsu forsetans fyrrverandi hnigna smám saman og þann sársauka sem meinið veldur. Hins vegar væri hann hvergi hættur að ferðast og flytja erindi víða.Þrátt fyrir að

Jorge Messi er látinn 68 ára að aldri. Hann var faðir og umboðsmaður argentínska knattspyrnumannsins Lionels Messi. Argentínskir miðlar segja Messi eldri hafa andast á föstudaginn á sjúkrahúsi í borginni Rosario þar sem sonur hans fæddist og ólst upp. Hann kom til Argentínu í gær ásamt unnustu sinni Antonellu Rocuzzo og börnum.Jorge Messi starfaði í stálverksmiðju þegar hann gerðist fyrsti þjálfari sonar síns og flutti einn með honum til Barcelona árið 2000. Lionel Messi, sem þá var þrettán ára, hefur sagt fyrstu misserin þar hafa verið erfið fyrir feðgana báða þótt þeir létu sem ekkert væri.Að lokum náði Jorge samkomulagi við Barcelona fyrir hönd Lionels og var eftir það umboðsmaður og helsti málsvari fótboltamannsins.Jorge talaði lítið um sjálfan sig og veitti sjaldan viðtöl. Þegar það g

Skip á Hormússundi.AP/ISNA / Amirhosein KhorgooiEldflaug hæfði olíuflutningaskip á siglingu um Hormússund undan ströndum Óman í dag. Í færslu bresku siglingamálastofnunarinnar UKTMO kviknaði eldur um borð sem greiðlega gekk að slökkva.Reuters segir skipið vera í eigu ríkisolíufélags Sameinuðu arabísku furstadæmanna, sem segir flauginni hafa verið skotið frá Íran. Írönsk stjórnvöld hafa ekki enn tjáð sig um atburðinn. Þau eiga í viðræðum við stjórnvöld í Óman um opnun Hormússunds, sem sagðar eru jákvæðar og uppbyggilegar.

Danskur tónlistarfræðinemi, Carl Emil Martin, hefur vakið athygli fyrir að afhjúpa hina fullkomnu laglínu. Laglínuna má heyra í mismunandi útfærslum í tugum ef ekki hundruðum popplaga. Sjálfur kennir Carl Emil laglínuna við Alpha-kynslóðina þar sem flest lögin voru samin á öðrum og þriðja áratug þessarar aldar. Sé litið út fyrir popptónlistarstefnuna má jafnvel finna dæmi úr klassískri tónlist frá 19. öld.Hundruð laga í viðbót noti svo afbrigði laglínunnar en Carl vill ekki setja þau undir sama hatt.Carl Emil greinir frá uppgötvun sinni í myndbandi á YouTube sem hefur fengið nærri fjórar milljónir áhorfa. Hann segir að lagið APT. með ROSÉ og Bruno Mars hafi komið honum á sporið. Það hafi minnt hann á Reckless með Madison Beer og Ode to the Mets með The Strokes.Í myndbandinu útskýrir hann a

Slökkvilið í Bresku-Kólumbíu í Vestur-Kanada berst nú við gróðurelda í Bald Range sem tvöfaldast hafa að umfangi síðan þeirra varð vart í gær og hafa þúsundir neyðst til að yfirgefa heimili sín í hamförum sem verið hafa nánast daglegt brauð Evrópumegin við Atlantshafið síðan í maí. Neyðarástandi hefur verið lýst yfir í fylkinu.

Guardia Civil-lögreglan í Málaga á Suður-Spáni hefur fundið og sektað erlent ferðamannapar í kjölfar þess er myndskeið fór sem eldur í sinu um samfélagsmiðla sem sýndi parið hafa kynmök undir stýri á A7-brautinni sem liggur meðfram Miðjarðarhafsströndinni.

Fjórir létust þegar þyrla hrapaði í Rio de Janeiro í Brasilíu í dag.

Innflytjenda- og skattaeftirlit Bandaríkjanna (ICE) ætlar að gera öllum fulltrúum sínum skylt að bera búkmyndavél. Hins vegar mun myndefni vélanna ekki vera birt opinberlega nema í það sé í þágu þeirra „brýnustu hagsmuna“.

15 ára stúlka sem hvarf á Jótlandi á þriðjudaginn fannst í Ungverjalandi. Grunur leikur á að refsivert brot hafi verið framið í tengslum við hvarf stúlkunnar. Lögreglan í Danmörku greindi frá þessu í gær.Fljótlega eftir að stúlkan hvarf hóf danska lögreglan samstarf við Europol og stúlkunnar leitað á alþjóðavísu.Hinn grunaði eða hinir grunuðu voru ekki viðstaddir í réttarsalnum í Horsens á Jótlandi þegar lögreglan fór fram á gæsluvarðhald vegna alvarlegrar frelsissviptingar.Saksóknari í málinu krefst þess að réttarhöld fari fram fyrir luktum dyrum með tilliti til rannsóknar málsins. Talið er að einn eða fleiri gerendur gangi enn lausir og að málið innihaldi upplýsingar sem gætu valdið stúlkunni ama. KORTLEGGJA HVERNIG STÚLKAN KOMST TIL UNGVERJALANDS „Alvarleg frelsissvipting nær yfir la

Donald Trump Bandaríkjaforseti hefur enn á ný gefið í skyn að hann muni sækjast eftir embættinu fyrir þriðja kjörtímabilið. Hann birti fjöldann allan af gervigreindarmyndum á samfélagsmiðlum.

Hunter Biden, sonur fyrrverandi Bandaríkjaforseta Joe Biden, segir það ekki hafa verið góða ákvörðun fyrir Bandaríkin að faðir hans náðaði hann fyrir brot gegn vopna- og skattalögum. Það hafi neikvæð áhrif á arfleið Joe Biden.

Bandaríkjastjórn hyggst veita Kólumbíu eins milljarðs dala, jafnvirði um 120 milljarða íslenskra króna, aðstoðarpakka til öryggismála eftir að hægrimaðurinn Abelardo de la Espriella tók við embætti forseta landsins í gær.

Simon Levy, fertugur Breti, var í dag fundinn sekur fyrir Sakadómi Englands og Wales í London, Old Bailey eins og dómstóllinn er kallaður í daglegu tali, um tvö manndráp, nauðgun og stórfellda líkamsárás. Saga hans er hins vegar mun lengri og kostaði alvarleg handvömm refsivörslukerfisins mannslíf.

Áfrýjunardómstóll í Bandaríkjunum staðfesti fyrr í kvöld úrskurð um að framkvæmdir við nýjan veislusal Donalds Trumps Bandaríkjaforseta við Hvíta húsið skuli liggja niðri nema samþykki fáist frá öldungadeild þingsins.

Abdul El-Sayed, sem margir telja eina skærustu vonarstjörnu vinstri vængs Demókrataflokksins í Bandaríkjunum, hefur vakið athygli hér heima eftir að hann birti kosningaauglýsingu þar sem hann þeysist um á reiðhjóli frá íslenska framleiðandanum Lauf.

Yorgen Fenech, erfingi Maltnesks hótel- spilavíta- og fasteignaveldis, mun hafa sagt vitorðsmanni sínum, leigubílstjóranum Melvin Theuma, að hann væri klár með kampavín meðan hann beið óþreyjufullur eftir því að leigumorðingjar á hans snærum dræpu blaðamanninn Daphne Caruana Galizia.

Þrír menn á þrítugsaldri frá Fredrikstad í Noregi eru í haldi lögreglu, tveir þó á sjúkrahúsi, eftir að til alvarlegra átaka kom á milli að minnsta kosti tveggja þeirra þar í bænum í kvöld með þeim afleiðingum að báðir voru færðir á sjúkrahús.

Lisa Murkowski, sem er öldungadeildarþingmaður repúblikana, segir að hún muni leggjast gegn tilnefningu Donalds Trumps Bandaríkjaforseta í embætti dómsmálaráðherra Bandaríkjanna og vísaði til þess að hún hafi áhyggjur af „pólitískri misnotkun“ dómsmálaráðuneytisins.

14 ára drengurinn sem varð hópi fólks að bana í Taílandi í morgun drap alls sjö manns, þar á meðal fimm starfsmenn menntaskóla.

Vísindamenn hafa í fyrsta sinn notað gervigreind til að búa til nýjar tegundir veira. Þetta vekur vonir um framfarir í læknavísindum en um leið uggvænlegan möguleika á að tæknin gæti einhvern daginn verið notuð til að skapa hættulega sýkla.

„Ég hélt ég myndi deyja og ég óttaðist að ég gæti ekki uppfyllt drauma mína,“ sagði Pawarisa Maylissa, 12 ára nemandi við menntaskólann Debsirin Nonthaburi í Nonthaburi-héraði í Taílandi, eftir skotárásina í morgun.

Kínversk stjórnvöld hafa staðfest, á lítt áberandi hátt, að tveir kínverskir sjómenn hafi látist þegar tvö skip rákust saman í Suður-Kínahafi en eitt ár er liðið síðan atburðurinn átti sér stað.

Maður er í haldi spænsku lögreglunnar Guardia Civil, grunaður um að hafa myrt fyrrverandi eiginkonu sína, 44 ára gamla, í verslunarmiðstöðinni Carrefour Infante í Murcia á Suðaustur-Spáni í gær.

Áhrifavaldurinn Sydney Towle, sem deildi því hvernig væri að lifa með sjaldgæfu og ágengu krabbameini, er látin 26 ára að aldri.

Upplýsingaóreiða og falsfréttir á samfélagsmiðlum urðu kveikjan að því að tugþúsundir farandfólks streymdu til Ceuta í liðinni viku, sem er landsvæði í Norður-Afríku sem tilheyrir Spáni.

Maður, nákominn konu sem fannst örend í íbúð á eyju í skerjagarðinum úti fyrir sænsku höfuðborginni Stokkhólmi í fyrradag, hefur nú verið handtekinn, grunaður um að stytta henni aldur.

Hálffertugur maður kom fyrir sakadóm í Forfar í Austur-Skotlandi í gær þar sem hann var borinn þeirri sök að hafa myrt níu ára gamla stúlku eftir að hún fannst illa haldin á iðnaðarsvæði í Arbroth um á mánudaginn.

Fransk-argentínskur ferðamaður í Frakklandi greindist nýverið með Hantavírusinn og er nú kominn í einangrun á Spáni að því er heilbrigðisráðuneyti Frakka greinir frá.

Donald Trump segir ekkert til í fréttum af tómum hillum í vopnabúrum Bandaríkjanna vegna stríðsins gegn Íran. Í sama mund segir hann að verið sé að elta uppi heimildarmenn fjölmiðla sem hafa sagt frá hinum meinta skorti. Þeim verði refsað fyrir að leka yfirlýsingum sem Trump setur til jafns við landráð.

Mexíkóskur áhrifavaldur var í vikunni myrtur í beinni útsendingu. Morðið varpar enn ljósi á ofbeldið í Mexíkó og skipulagða glæpastarfsemi, sem hefur teygt anga sína til áhrifavalda þar í landi. Talið er að morðið tengist áhrifamiklum glæpasamtökum.

Gervigreindarfyrirtæki skrifa nú bóksölum víða um heim og vilja kaupa fágætar bækur í vörubílsförmum. Bókmenntaáhugi er þar enginn drifkraftur.

Einn er látinn og tveir aðrir slösuðust eftir að sprengja sprakk í eldsneytisgeymslu í bænum Telde á Kanaríeyjum. Sprengingin varð á Salinetas-iðnaðarsvæðinu á Gran Canaria þar sem orkufyrirtækið DISA er með höfuðstöðvar.

Innanríkisráðherra Þýskalands, Alexander Dobrindt, segir fund sprengidróna á Leipzig/Halle-flugvellinum marka „nýtt hættustig“ fyrir landið.Dobrindt segir ekkert benda til þess að viðvaningar hafi verið að verki og að rannsakendur líti á málið sem hluta af fjölþáttaárás. Þá er rannsakað hvort erlent ríki hafi átt þátt í fyrirhugaðri árás, að því er fram kemur í frétt The Guardian. RANNSAKA HVORT MARKMIÐIÐ HAFI VERIÐ AÐ RÁÐAST Á ÚKRAÍNSKAR FLUGVÉLAR Dróninn fannst nærri úkraínskum fraktflugvélum á Leipzig/Halle-flugvelli, sem er mikilvæg flutningamiðstöð fyrir þýska herinn og NATO.Skömmu áður hafði fraktflugvél þurft að hætta við lendingu á flugvellinum og rakist á óþekktan fljúgandi hlut. Vélin lenti síðar heilu og höldnu í Hannover með minni háttar skemmdir.Rannsóknin beinist meðal ann

Bandaríkjamenn hafa gengið verulega á birgðir af ýmsum nútímavopnum vegna átakanna við Íran. Þetta á sérstaklega við langdræg og nákvæm vopn eins og ATACM-eldflaugar og Tomahawk-stýriflaugar. Einnig hafa forsvarsmenn herafla Bandaríkjanna áhyggjur af því hve mörg flugskeyti í loftvarnarkerfi hafa verið notuð í stríðinu.

Tæplega tvítugur maður hlaut í byrjun vikunnar sjö ára og átta mánaða dóm fyrir Héraðsdómi Södertälje í Svíþjóð fyrir að sprengja öfluga sprengju við inngang fjölbýlishúss í Ronna-hverfinu í norðausturhluta Södertälje aðfaranótt 30. mars.

Fertugur Norðmaður, sem setið hefur bak við lás og slá í Frakklandi í tvö ár, var framseldur til Noregs 30. júlí þar sem hann situr nú í gæsluvarðhaldi og bíður réttarhalda sem hefjast við Héraðsdóm Søndre Østfold 6. október.

Lögreglan í Grikklandi hefur handtekið mann sem faldi lík föður síns í frystikistu í rúm tvö ár.Málið komst upp þegar lögreglan í Lakóníu í Grikklandi fékk ábendingu um að ekki hefði sést til föður mannsins, sem fæddur var 1936, um nokkurt skeið.Þegar sonurinn var kallaður til yfirheyrslu sagði hann við lögreglu að faðir sinn hefði flutt til Aþenu. Þegar sú fullyrðing stóðst ekki hófu lögregluyfirvöld leit á hóteli sem sonurinn átti og bjó á. Í kjallara hússins fannst lík föður hans í frystikistu ásamt loftbyssu.Maðurinn sagði föður sinn hafa látist af eðlilegum orsökum fyrir um tveimur og hálfu ári. Hann sagðist þá hafa ákveðið að leyna andlátinu til að halda áfram að fá lífeyrisgreiðslur hans.Sonur hins látna hefur nú verið ákærður fyrir ranga skýrslugjöf, ítrekuð fjársvik og brot á vopn

Kona er grunuð um að hafa stungið fjóra karlmenn í Lundúnum í dag. Umrædd kona, sem mun vera 47 ára gömul, hefur verið handtekin.

Flugvél flaug á óþekktan fljúgandi hlut í um sex kílómetra fjarlægð frá flugvellinum í Leipzig í Þýskalandi seint í gærkvöld. Hún lenti heilu og höldnu skömmu síðar.„Flugvélinni var ætlað að lenda í Leipzig en hún þurfti að hætta við lendinguna,“ sagði talsmaður innanríkisráðuneytis Þýskalands á blaðamannafundi. „Hún klessti svo á óþekktan hlut,“ sagði hann og bætti við að hún hefði lent í Hanover. Minni háttar skemmdir voru á nefi vélarinnar.Starfsemi flugvallarins var stöðvuð og nokkrar flugvélar sem voru á leið til lendingar voru sendar annað. Starfsemin færðist í eðlilegt horf í morgun. Önnur flugbrautin er þó lokuð vegna rannsóknar lögreglu. FUNDU DRÓNA SEM VAR HUGSANLEGA HLAÐINN SPRENGIEFNI Þýski miðillinn Bild segir að dróni með hvellhettu hafi fundist á Leipzig/Halle-flugvelli.

Rússar skutu 24 skotflaugum, fjórum annars konar eldflaugum og 115 sjálfsprengidrónum að Kænugarði og úthverfum borgarinnar í nótt. Úkraínumenn segjast hafa skotið 98 dróna niður en ekki einustu eldflaug en að minnsta kosti sautján létu lífið í árásinni og tugir eru særðir. Úkraínumenn virðast búnir með flugskeyti sín í einu loftvarnarkerfin sem þeir eiga sem geta verið notuð til að skjóta niður rússneskar skotflaugar.

Óboðnir gestir hafa reglulega truflað atkvæðagreiðslur á fylkisþingi Mato Grosso í Brasilíu að undanförnu.Þessar boðflennur eru af krúttlegra taginu, flóðsvín sem búa í garði í grennd við þinghúsið.Nayara Bueno, starfsmaður í þinghúsinu, myndaði heimsókn flóðsvína 30. júlí þegar hún reyndi að stía þeim út úr húsinu.„Þau koma hingað frekar oft svo við erum orðin vön því að sjá þau,“ segir Bueno.Flóðsvín hafa á síðustu árum notið mikillar hylli á netinu meðal fólks um heim allan. Þau þykja einkar róleg í fasi og eru miklar félagsverur. Tegundin er stærsta nagdýr jarðarinnar en fullvaxta flóðsvín getur náð allt að 80 kílóa þyngd.

Bútur úr SpaceX-eldflaug sem er á stærð við fimm hæða hús og vegur í það minnsta fjögur tonn rakst á tunglið á sjöunda tímanum. Áreksturinn er ekki talinn hættulegur lífi á jörðinni og var hann ekki sýnilegur frá hörðu með berum augum. Búturinn er úr Falcon 9-eldflaug sem var skotið á loft frá Flórída með tvö tunglendingaför út í geim í janúar í fyrra.