Innbrotum í hús og bíla virðist hafa fjölgað verulega á höfuðborgarsvæðinu að undanförnu og eru orðin fyrirferðamikið umræðuefni á hverfishópum á Facebook.

Lögregla hafði talsverðan viðbúnað við Austurbæjarskóla eftir að maður fannst þar látinn rétt fyrir klukkan 13 í dag.

Laust fyrir klukkan 13 barst Lögreglunni á höfuðborgarsvæðinu tilkynning um mann við Austurbæjarskóla í Reykjavík, sem talið var að væri látinn. Þegar lögregla kom á vettvang reyndist svo vera. Ekkert bendir til þess að andlát hans hafi borið að með saknæmum hætti.

Svo kann að virðast sem ríkissjóður hafi undir léninu rikissjodur.is og ríkissjóður.is óvænt blandað sér í kosningabaráttuna fyrir þjóðaratkvæðagreiðsluna með útgáfu upplýsingavefs um kostnaðinn, sem hlotist hafi af því að hafa krónuna sem gjaldmiðil á þessari öld. Við nánari skoðun kemur þó í ljós að vefurinn er hinu opinbera alls óviðkomandi.

Í hádegisfréttum ræðum við við Kristrúnu Frostadóttur forsætisráðherra sem vísar ásökunum nokkurra verkalýðsforkólfa frá því í gær á bug.

Búið er að bera kennsl á mann sem lést í bílslysi í Þrengslunum sunnudagskvöldið 26. júlí síðastliðinn. Það var þó lögreglu erfiðara en oft, og þurfti hún að afla dómsúrskurðar til þess að framkvæma réttarkrufningu til þess að fá úr því skorið.

Landskjörstjórn hefur gefið frá sér yfirlýsingu þar sem frétt Morgunblaðsins, um að orðalagi á upplýsingavef Landskjörstjórnar um þjóðaratkvæðagreiðsluna í lok mánaðar hafi verið breytt, er sögð alfarið röng.

Minkabóndinn á Dalsbúi segir að altjón hafi orðið á hans búi þegar óþekktir menn hleyptu út meirihlutanum af dýrunum.

Landsréttur hefur heimilað lögreglunni á Suðurlandi að framkvæmda réttarkrufningu á líki óþekkts manns sem lést í umferðarslysi í júlí.

Um miðja þessa viku hefst innleiðing nýrrar umbúðareglugerðar Evrópusambandsins (e. Packaging and Packing Waste Regulation, PPWR). Um er að ræða víðtækt og flókið regluverk sem enn er í mótun og mun taka gildi í áföngum næsta einn og hálfan áratuginn.

Formaður Sjálfstæðisflokksins sakar forsætisráðherra um að vera ósamkvæm sjálfri sér í aðdraganda þjóðaratkvæðagreiðslunnar. Segir hún fyrirhugaða hlustunarfundi forsætisráðherrans um landið ekkert annað en kosningaherferð.

Það eru aðeins íslenskir ríkisborgarar sem greiða mega atkvæði þann 29. ágúst. En hvernig hyggjast þær Kristín Gunnarsdóttir og Ólöf Skaftadóttir ráðstafa atkvæðum sínum?

Fulltrúar frá ungliðahreyfingum allra stjórnmálaflokka landsins tóku þátt í Gleðigöngunni um helgina, nema ungum Miðflokksmönnum. Formaðurinn segir að í göngunni séu auglýstar hugmyndir sem þeir telji ekki „ástæðu til að lyfta á stall“.

Einhver breyting virðist hafa átt sér stað hér á landi, hvað varðar manndrápsmál, um árið 2020. Þá fór slíkum málum að fjölga töluvert en erfitt er að greina einhverjar ástæður fyrir því. Helgi Gunnlaugsson, prófessor í félags- og afbrotafræði við Háskóla Íslands, segir eðli manndrápa hér á landi enn á þann veg að gerandi og fórnarlamb tengist með einhverjum hætti.

Karlmaður hefur verið ákærður fyrir að nauðga fjórtán ára gamalli stúlku í nóvember árið 2015.

Sævar Helgi Bragason, einnig þekktur sem Stjörnu-Sævar, segir upplýsingar um notkun sólmyrkvagleraugna á vef embættis landlæknis rangar.

„Þessi maður, hann bara kemur allt í einu, lendir á Akureyri, gengur inn á besta hótel staðarins, pantar sér þar tvö herbergi og svo er hann bara þar í þrjú ár, inni á þessu hóteli, og er að reyna að hjálpa fólki,“ segir Ásgeir Jónsson, seðlabankastjóri og rithöfundur. Hann ræðir þarna um þýsk-bandarískan uppfinningamann, Georg Schrader, sem bjó síðustu þrjú æviárin á Akureyri í upphafi síðustu aldar.Fyrir tæpum 20 árum stóð Ásgeir að endurútgáfu bókar í viðskiptafræði sem Schrader skrifaði á Íslandi og skrifaði formála. Bókin heitir Heilræði fyrir unga menn í verslun og viðskiptum.Nafn Schraders er heimsþekkt vegna samnefnds ventils sem hann bjó til ásamt föður sínum í Bandaríkjunum undir lok 19. aldar. Hann efnaðist vel á þessum ventli sem enn þann dag í dag er notaður á reiðhjólum, bifr

Ekkert nýtt er að frétta af minkamálinu að sögn lögreglunnar á höfuðborgarsvæðinu.

Recep Tayyip Erdoğan forseti Tyrklands hefur skipað Mustafa Levent Bilgen nýjan sendiherra landsins á Íslandi, að því er fram kemur í umfjöllun tyrkneska dagblaðsins Cumhuriyet.

Þrír voru handteknir af lögreglunni á Suðurlandi grunaðir um vasaþjófnað á Þingvöllum. Þar með bætist í hóp grunaðra vasaþjófa.

Einhver óprúttinn fór inn fyrir girðingu og breytti skilaboðum á heyrúllu sem stillt hafði verið upp með límmiða sem á stóð „ESB, nei takk.“

Lögreglan á höfuðborgarsvæðinu lýsir eftir Daníel Má Kárasyni, 41 árs, en síðast er vitað um ferðir hans í Reykjavík í gær, laugardag. Daníel er klæddur í mosagrænan jakka, bláa skyrtu, gallabuxur og Timberland skó. Hann hefur verið á ferðinni á ljósgráum Volvo XC, sem er með skráningarnúmerið OF677.Lögreglan biður þau sem geta gefið upplýsingar um ferðir Daníels, eða vita hvar hann er að finna, eru vinsamlegast beðin um að hafa tafarlaust samband við lögregluna í síma 112.Í tilkynningu frá Lögreglunni á Höfuðborgarsvæðinu er tekið fram að leitin að Daníel tengist ekki aðgerðum lögreglu í Kópavogi og nágrenni Skeifunnar í dag.Lögreglan á HöfuðborgarsvæðinuLögreglan á Höfuðborgarsvæðinu

Síðast er vitað um ferðir hans í Reykjavík í gær.

Að minnsta kosti einn hefur verið handtekinn vegna manndráps sem lögregla rannsakar á Kársnesi í Kópavogi.

Umferð um svæðið var stöðvuð um tíma vegna aðgerða lögreglu.

Mikill viðbúnaður lögreglu er við verslunarkjarna í Vogunum í Reykjavík en minnst sex lögreglubílar eru á vettvangi.

Lögregla hafði afskipti af ökumanni sem var í símanum undir stýri, en hann tók mynband af slysstað er hann keyrði fram hjá vettvangi.

Enn er óvíst hvenær verslunin opnar aftur.

Hjón frá London skildu fimm ára son sinn eftir í bíl á bílastæði við Eldgjá í Skaftártunguafrétti á Suðurlandi í gær. Íslensk kona lýsir því að hafa fundið drenginn grátandi á bílaplaninu og róað hann.

Kvárið Sindri „Sparkle“ Freyja Bjarnabur segir þolinmæði sína á þrotum eftir að hafa verið grýtt á leiðinni heim ásamt eiginmanni sínum eftir Gleðigöngu Hinsegin daga í gær. Hán segir í myndbandsfærslu á samfélagsmiðlum fimm unga menn hafa staðið við hús í Vesturbænum þar sem þau áður bjuggu og tekið „þá ákvörðun að það má bara drepa transfólk á götunni“.Þeir hafi forðað sér á hlaupum áður en hjónunum tókst að hringja í lögreglu og því ekkert hægt að gera í málinu. Sindri Freyja segist oft verða fyrir aðkasti fyrir það eitt að vera trans, hán hafi fyrst verið beitt líkamlegu ofbeldi árið 2020 og oft sé öskrað á hán á götum úti.Hér fyrir neðan má sjá færsluna:Sindri Freyja lýsir einnig atviki sem gerðist fyrir þremur vikum þegar ungur maður veifaði hjólabretti sem vopni og kallaði transfólk

Alvarlegt slys varð austur af Kirkjubæjarklaustri í kvöld þar sem maður varð fyrir sparki frá hesti og hlaut af því höfuðáverka. Vísir greinir fyrst frá. Útkallið barst um klukkan korter yfir sjö í kvöld.Þyrla Landhelgisgæslunnar var kölluð út og flytur manninn til Reykjavíkur. Áætlað er að þyrlan lendi í Reykjavík um korter yfir níu, samkvæmt Einari Valssyni, aðgerðarstjóra hjá Landhelgisgæslunni. Ekki liggur fyrir hversu alvarlegir áverkarnir eru.RÚV / Kristófer Óli Birkisson

Flugvél Icelandair þurfti að hætta við að taka á loft frá Reykjavíkurflugvelli rétt fyrir flugtak vegna fugls sem hafnaði á vélinni.

Líkamsárásir, innbrot og eignaspjöll er meðal þess sem laganna verðir á höfuðborgarsvæðinu fengust við á tímabilinu frá klukkan 05 í morgun til jafnlengdar síðdegis og voru 56 mál skráð í kerfi lögreglu þetta tímabil en ekki getur yfirlit lögreglu þess að nokkur sé vistaður í fangageymslum hennar um þessar mundir.

Mikið álag var á Strætó á höfuðborgarsvæðinu í dag, enda stefndu margir á miðbæ Reykjavíkur þar sem Gleðigangan fór fram. Í Háaleitishverfinu ók troðfullur strætó án þess að nema staðar og hleypa inn farþegum á stoppistöð, en samkvæmt sjónvarvotti var Kristrún Frostadóttir, forsætisráðherra, á meðal þeirra sem komst ekki í vagninn.

Kjósendur þurfa að vera mjög vel vakandi yfir því hvaðan upplýsingarnar koma, hvers eðlis þær eru og sannreyna þær í aðdraganda þjóðaratkvæðagreiðslunnar. Þetta segir formaður stjórnskipunar- og eftirlitsnefndar Alþingis. Bagalegt sé að ekki hafi verið fyllt upp í glufur á íslenskum lögum um fjármögnun baráttuhópa og netmiðlun fyrir kosningarnar. ÁBENDINGAR ÖSE FÁ EKKI ÞINGLEGA MEÐFERÐ FYRIR KOSNINGARNAR Formaður stjórnskipunar- og eftirlitsnefndar Alþingis segir miður að athugasemdir ÖSE um glufur í íslenskum lögum varðandi þjóðaratkvæðagreiðsluna fái ekki þinglega meðferð fyrir kosningarnar.„Eins og væri ef þing væri að störfum,“ segir Bryndís Haraldsdóttir, formaður stjórnskipunar- og eftirlitsnefndar Alþingis. „Þetta virðist vera sú leið sem að ríkisstjórnin vildi fara, að þingið væ

Lögreglan á höfuðborgarsvæðinu sinnti útkalli í dag vegna fólks sem virti ekki götulokanir í miðborginni vegna Gleðigöngunnar, sem hófst klukkan 14 í dag og lauk með tónleikum í Hljómskálagarðinum sem kláruðust nú um fimmleytið.

„Þetta var erfið nótt. Það rigndi þegar við byrjuðum í gærkvöldi og rigndi í alla nótt sem gerði keppendum erfitt fyrir og margir sem duttu út,“ segir Sigurjón Ernir Sturluson sem ásamt Símonu Varei konu sinni hefur veg og vanda af Rauðavatn Ultra-hlaupinu sem nú er haldið í annað sinn, þó með nokkuð dræmari þátttöku en í fyrra.

N1 mót stúlkna fer fram á Akureyri í annað sinn um helgina en sambærilegt mót fyrir stráka hefur farið fram síðustu fjörutíu ár. Framkvæmdastjóri KA segir mótið komið til að vera og vonast til að stúlkurnar skapi minningar fyrir lífstíð.

Lögmannsstofa Carls Baudenbachers, fyrrverandi forseta EFTA-dómstólsins, greindi sjálf frá því að Baudenbacher hefði þegið boð samtakanna Áfram Íslands um að koma fram á viðburði á hátíðarsal Háskóla Íslands þar sem hugsanleg aðild Íslands að ESB yrði til umræðu.Halldór Benjamín Þorbergsson, formaður stjórnar Áfram Íslands, sagði við fréttastofu í gær að viðburðurinn væri ekki á vegum Áfram Íslands og sömu sögu segja Hannes Hólmsteinn Gissurarson og Ragnar Árnason, prófessorar emiritus, í opnu bréfi til rektors Háskólans í dag.Ragnar hafði leigt salinn undir fundinn, en honum var síðan tilkynnt að fundurinn mætti ekki fara fram í salnum. Í samtali við fréttastofu í gær vísaði Silja Bára Ómarsdóttir, rektor Háskóla Íslands, í húsreglur salarins þar sem fram kemur að salurinn sé ekki leigður

Eigendur básaleigunnar Barnaloppan biðla til leigjenda sinna að fara ekki gagngert í Góða hirðinn og selja vörurnar síðan í básaleigunni.

Fyrirhuguðum fyrirlestri um hugsanlega aðild Íslands að Evrópusambandinu, sem Carl Baudenbacher fyrrverandi forseti EFTA-dómstólsins á að halda 10. ágúst næstkomandi hefur verið færður úr hátíðarsal Háskóla Íslands. Ástæðan mun vera sú að fyrirlesturinn var álitinn of pólitískur.

Fyrirlestur dr. Carls Baudenbacher, fyrrverandi forseta EFTA-dómstólsins, um Ísland og ESB verður ekki í hátíðasal Háskóla Íslands eins og auglýst hafði verið. Rektor segir salinn ekki ætlaðan viðburðum sem eru pólitískir í eðli sínu og að bókun hans hafi ekki fylgt upplýsingar um að félagasamtök kæmu að fundinum.Fyrirlestur dr. Baudenbachers, sem verður 10. ágúst, var auglýstur á heilli síðu í Morgunblaðinu í gær. Í auglýsingunni kemur fram að rædd verði ýmis álitaefni um hugsanlega aðild Íslands að Evrópusambandinu og fundarstjóri sé Ólafur Ragnar Grímsson, fyrrverandi forseti Íslands. Þá verði bók dr. Baudenbachers og dr. Lauru M. Baudenbacher til sölu á staðnum.Neðst í auglýsingunni er merki samtakanna Áfram Íslands og Almenna bókafélagsins, og fram kemur að fyrirlesturinn sé í samstar

„Við vorum að setja í loftið núna útboð fyrir nýjan öryggisleitarbúnað í vopnaleitina hjá okkur sem þýðir að við erum að fara að skipta út öllum búnaði sem snýr að vopnaleit farþega,“ segir Maren Lind Másdóttir, framkvæmdastjóri flugvallarþróunar og innviða hjá Isavia, í samtali við Morgunblaðið.

Engin þjóð hefur stofnað til umsóknar að ESB með þeim hætti sem íslensk stjórnvöld vilja gera nú. Björn Bjarnason hefur fjallað ítarlega um yfirvofandi umsóknarferli Íslands og ræðir það í Spursmálum.

Búist er við fjölda ferðamanna til landsins vegna sólmyrkvans næsta miðvikudag, 12. ágúst, og eins og greint hefur verið frá er komið talsvert af varningi tengdum við sólmyrkvann.

Mikil óvissa er um veðrið á sólmyrkvanum á miðvikudag. Veðurfræðingur segir erfitt að spá í skýjafarið. Skýin ættu ekki að skemma sólmyrkvann en hafa töluverð áhrif á upplifunina að mati stjörnufræðings.

Stækkunarstjóri Evrópusambandsins vill finna „skapandi lausnir“ fyrir báðar hliðar vegna sérstöðu Íslands í sjávarútvegi og landbúnaði.

Þorgerður Katrín Gunnarsdóttir utanríkisráðherra fór hörðum orðum um andstæðinga þjóðaratkvæðagreiðslunnar í erlendu fjölmiðlaviðtali. Hún sakaði þá um að afvegaleiða kjósendur með „kjaftæði“.

Isavia hefur boðið út ný öryggisleitartæki á flugvellinum sem á að gera starfsfólki kleift að greina meiri massa og vökva. Gert er ráð fyrir að tvö þúsund geti farið í gegnum öryggisleit á einum klukkutíma í nýjum tækjum.

„Mér hefur þótt það vanta í umræðu um loftslagsmál í hvað peningarnir fara og að það sé svona sannfæring hjá skattgreiðendum um að það sé verið að beina þeim í ábatasöm verkefni. Ég get bara fullyrt það að hjá Loftslags- og orkusjóði þá tókst það á árinu 2025.“

Í nýjasta riti hins virta kampavínshúss Pol Roger er rifjuð upp óvenjuleg saga úr Reykjavík á stríðsárunum sem fáir Íslendingar þekkja.

Óafturkræfur skaði getur orðið á augum ef horft er beint í sólina og venjuleg sólgleraugu duga ekki til að verja augun fyrir skaðlegum geislum frá sólinni. Almyrkvi verður sjáanlegur frá vesturhluta landsins 12. ágúst.Deildarmyrkvinn hefst um korter í fimm og þá er mikilvægt að nota sólmyrkvagleraugun til að virða sólina fyrir sér.Almyrkvinn hefst klukkustund síðar. Þegar skuggi tunglsins hylur alla sólarkringluna má taka gleraugun af í örstutta stund. Almyrkvinn getur varað allt frá nokkrum sekúndum upp í rúmar tvær mínútur. Þegar honum er að ljúka þarf að setja sólmyrkvagleraugun upp aftur til að forðast augnskaða. Börnum yngri en 12 ára er ráðlagt að bera gleraugun allan tímann.Athugið að í sjónvarpsfréttinni sagði augnlæknirinn „sólgleraugu“ þegar átt var við „sólmyrkvagleraugu.“

Þrettán sóttu um embætti forstjóra Stofnunar atvinnuveganna. Embættið var auglýst laust til umsóknar 7. júlí síðastliðinn og rann umsóknarfrestur út 4. ágúst.

Svandís Svavarsdóttir, fyrrverandi formaður Vinstri grænna og ráðherra, ætlar að segja nei í þjóðaratkvæðagreiðslunni í lok ágúst. Það er þvert á vilja flokksmanna hennar.

Maðurinn sem var úrskurðaður í fjögurra vikna gæsluvarðhald í gær í tengslum við mannslát í Kópavogi er grunaður um að hafa orðið föður sínum að bana í heimahúsi í Kópavogi þarsíðustu helgi. Maðurinn sem um ræður hefur glímt við andleg veikindi til lengri tíma.

Einn þekktasti stuðningsmaður Ísraelshers, bandaríski rabbíninn Shmuley Boteach, birti í gær myndband á Instagram-síðu sinni af Íslendingi, Samúel Guðmundssyni, og sakar hann um gyðingahatur og áreitni.

Sem betur fer tókum við margar myndir af litlu stelpunni okkar. Þær hjálpa mér að muna. Þær minna mig á að hún var hér, að við héldum á henni, töluðum við hana og að hún var skírð.

Kristrún Frostadóttir forsætisráðherra segist ekkert geta fullyrt um hvort að Ísland fái undanþágur í mögulegum aðildarviðræðum við Evrópusambandið. Ísland yrði stærsta fiskveiðiþjóð sambandsins og fara þurfi inn í viðræðurnar, sem eigi að kosta um tvo milljarða, með stolti. Segi 51 prósent kjósenda nei verði niðurstaðan virt.

Heiðrún Lind Marteinsdóttir segir nauðsynlegt að leiðrétta rangfærslur í grein Torben M. Andersen, eins af samningamönnum Noregs gagnvart ESB á sínum tíma en Jónas Hagan vitnar til orða hans í Spursmálum.

Yngsta barnið sem fékk boð um vistun í leikskóla í Reykjavík í haust er fætt í júní 2025 og verður því um fimmtán mánaða þegar það hefur leikskólavist í haust.

„Ég sofna með tilgang og ég vakna með tilgang,“ segir tónlistarmaðurinn Bubbi Morthens í Dagmálum Morgunblaðsins en hann kveðst semja og skrifa lög á hverjum einasta degi.

Ný könnun Gallup leiðir í ljós að kjósendur skiptast í tvær jafnar fylkingar þegar spurt er um afstöðu þeirra í komandi þjóðaratkvæðagreiðslu. Átta prósent segjast óákveðin en 46 prósent eru síðan á sitt hvorri hliðinni, já og nei.

Kristín Lilja Eyglóardóttir, læknir í Svíþjóð, gagnrýnir nýtt myndband samtakanna Já til að sjá þar sem Margrét Rós Sigurjónsdóttir, varaborgarfulltrúi Viðreisnar, fjallar um sænsku krónuna í tengslum við húsnæðislán.

Kristrún Frostadóttir verður gestur Bítisins á Bylgjunni klukkan átta í fyrramálið. Þar mun hún sitja fyrir svörum um komandi þjóðaratkvæðagreiðslu, stöðuna í efnahagsmálunum og margt fleira. Þá verður opnað fyrir símann og hlustendur fá tækifæri til að ræða við forsætisráðherra.

Ólafur Ragnar Grímsson, fyrrverandi forseti Íslands, og Dorrit Moussaieff eru sögð standa í skilnaðarferli samkvæmt frétt Vísis í morgun. Í skriflegu svari til fréttastofu RÚV segist Dorrit hvorki geta játað því né neitað, en leggur ríka áherslu á að tengsl hennar við landið muni ekki breytast.Í fyrirspurn fréttastofu til Dorritar Moussaieff var hún spurð hvort hún gæti staðfest fréttir af skilnaði þeirra Ólafs Ragnars og hvort slíkt myndi breyta sambandi hennar við Ísland.„Ég get hvorki staðfest né neitað því ég veit það ekki,“ segir Dorrit í svari sínu.Hún bætir því við að samband hennar við Ísland sé „ekki samningsatriði“.„Ég hef eytt fleiri dögum ævi minnar á Íslandi en í nokkru öðru landi! Og mun halda því áfram. Ég varð ástfangin af Íslandi um leið og fætur mínir snertu jörðina og ís

Málum hefur fjölgað á undanförnum árum þar sem í ljós hefur komið að vígslumenn sem annast hjónavígslur höfðu ekki tilskilin réttindi til að framkvæma hjónavígslu.

Ólafur Ragnar Grímsson, fyrrverandi forseti Íslands, telur að já-niðurstaða í þjóðaratkvæðagreiðslunni 29. ágúst verði túlkuð erlendis sem endurnýjuð ósk Íslands um aðild að Evrópusambandinu.

Sigmar Vilhjálmsson þáttastjórnandi og Guðlaugur Þór Þórðarson, þingmaður Sjálfstæðisflokksins og fyrrverandi ráðherra, tókust á um Evrópumálin. Guðlaugur sagði svör Sigmars vera þvælukenningu á meðan Sigmar benti á að Guðlaugur hefði þegar staðið á bak við innleiðingu fjölda Evrópureglna, eitthvað sem Guðlaugur sjálfur átti erfitt með að svara fyrir.

Maður var í síðasta mánuði dæmdur í eins og hálfs árs fangelsi fyrir að hafa í nokkur skipti kynferðismök við stúlku, stjúpsystur sína, þegar hún var þrettán ára gömul. Hann var ákærður fyrir nauðgun, en að mati Héraðsdóms Reykjaness gerðist maðurinn ekki sekur um það.

Norrænir stjórnmálamenn nota sænsku leiðina um bann við kynlífskaupum fyrst og fremst til að viðhalda ímynd ríkjanna sem siðferðislegra jafnréttisleiðtoga á alþjóðavettvangi, að mati fræðimanna. Rannsóknir undanfarinna ára, þar á meðal…