Í það minnsta fimm voru drepnir í árásum Rússa á Úkraínu í nótt, þrír í höfuðborginni Kyiv og tveir í Lvov. Vladimír Pútín, forseti Rússlands, hótaði árásunum í gær og sagði þær svar við árásum Úkraínumanna á Kerch-brúna sem tengir Krímskaga og Rússland. Brúin er lokuð eftir að Úkraínumenn stórskemmdu hana. Eldflaugum og drónum rigndi yfir skotmörk í Úkraínu nokkrum klukkustundum eftir yfirlýsingu Pútíns. Brýr sem eru mikilvægar í samgöngukerfi Úkraínu og orkuinnviðir skemmdust í árásunum.Pútín sagði að árásirnar yrðu sársaukafullar fyrir Úkraínu, mun sársaukafyllri en árásir Úkraínu á Kerch-brúna. Embættismenn í Karkív greindu frá því að sjúkrahús í borginni hefði orðið fyrir árás.Rússar sögðust hafa skotið niður 310 úkraínska dróna.