Seðlabankastjóri telur ekki að kostnaðurinn af háu vaxtastigi fyrir þjóðarbúið sé orðinn meiri en ávinningurinn af því að ná verðbólgunni niður, þrátt fyrir versnandi efnahagshorfur, vaxandi atvinnuleysi og samdrátt í fjárfestingu. Hann segist hafa trú á að hagkerfið taki hratt við sér þegar dregur úr vaxtaaðhaldinu, en viðurkennir að erfið staða byggingaverktaka og vaxandi framboð óseldra íbúða geti tekið tíma að leysa.