Úkraínumenn gerðu árás á Krímbrúna annan daginn í röð. Krímbrúin tengir Rússland og Krímskaga saman. Ríkisstjóri Krímskaga greindi frá árásinni á Telegram. Umferð um brúna var stöðvuð í kjölfar árásarinnar. Brúin er mikilvæg samgönguæð fyrir Rússa en ekki liggur fyrir hve miklar skemmdir urðu á brúnni. EPA / StringerRússar gerðu jafnframt árásir á tvær stórar brýr í Kænugarði í Úkraínu. Borgarstjóri Kænugarðs greindi frá árásunum á Telegram rétt fyrir miðnætti á staðartíma. Þá hafi verið gerðar árásir á bæði norður- og suðurbrúna í höfuðborginni. Skömmu fyrir árásirnar hafði úkraínski herinn varað við flugskeytum sem stefndu að borginni.