Ísland mætir Lúxemborg í síðasta leik sínum í riðlakeppni C-deildar Þjóðadeildarinnar klukkan 17 á morgun á Laugardalsvelli. Þar getur Ísland innsiglað sigur í riðlinum og komist beint upp í B-deildina að nýju. Ljóst er að Arnar Gunnlaugsson landsliðsþjálfari mun gera tvær breytingar að minnsta kosti á byrjunarliðinu frá 5-0 sigrinum gegn Búlgaríu. Stefán Teitur Þórðarson og Kristall Máni Ingason eru meiddir.