Hrönn Svansdóttir framkvæmdastjóri ABC Barnahjálpar á von á því að þau geti opnað nytjamarkað sinn á ný á næstu dögum. Síðustu daga hefur verið unnið að því að tæma rými verslunarinnar við Smiðjuveg í Kópavogi en eldur kom upp í húsnæðinu fyrir um viku síðan. Hún segir þau á algjörum núllpunkti en hefur ekki áhyggjur af því að fylla verslunina. Hún saknar jóladótsins sem brann og hvetur fólk til að koma með sé það að endurnýja.
