Umfjöllun um forsætisráðherra, Kristrúnu Frostadóttur, var áberandi í vikunni. Breski fjölmiðillinn Daily Mail gerði mikið úr ljósmynd af henni með Emmanuel Macron Frakklandsforseta. Jafnframt var greint frá því að ráðherra hefði beðið í mánuð eftir tækniaðstoð til að uppfæra hagsmunaskrá sína og að hún hefði hafnað yfir hundrað beiðnum um viðtöl frá fjölmiðlum.