„Það er engin leið út úr þessum átökum án kostnaðar úr því sem komið er,“ segir Michael Singh í viðtali við Ingólf Bjarna Sigfússon í Kastljósi. Singh er framkvæmdastjóri og sérfræðingur við hugveituna Washington Institute for Near East Policy og margreyndur í alþjóðastjórnmálum. Hann taldi nauðsynlegt að ráðast á Íran áður en stríðið hófst en gagnrýnir nú að markmið Bandaríkjanna og Ísraels hafi verið óljós í upphafi.Hann skrifaði ítrekað um mikilvægi þess að tryggja að írönsk stjórnvöld gætu ekki komið sér upp kjarnorkuvopni og taldi einu leiðina að því markmiði að ráðast á innviði í Íran. Hann segir í viðtali við Kastljós að árásir Bandaríkjanna og Ísraels hafi nánast tryggt það, þótt mat annarra sérfræðinga og stofnana sé ekki jafnafgerandi. Það er rétt hjá Singh að almennt sé talið að
