Æðsti lögmaður Hvíta hússins hefur sent bréf til þinghússins þar sem hann varaði Demókrata við því að rannsóknir þingmanna á störfum starfsmanna Hvíta hússins og embættismanna framkvæmdavaldsins, gætu verið glæpsamlegar. Demókratar segjast ætla að veita ríkisstjórn Trumps mikið aðhald og meðal annars rannsaka meinta spillingu og umdeildar ákvarðanir sem hafa verið teknar þegar nýtt þing kemur saman í janúar.
