Russell Brand hefur borið marga hatta í gegnum árin. Ferill hans náði fyrst flugi með uppistandi, sem þótti oft vera ögrandi. Því næst fór hann að birtast í sjónvarpi í Bretlandi og á endanum í kvikmyndum í Hollywood. Á nokkrum árum hafði hann náð á efstu stig frægðar og sneri hann sér í kjölfarið að YouTube og tók upp ýmsar pólitískar baráttur, sem bendla má við vinstri væng stjórnmála.
