Nágrannar Tjarnarbíós í miðborg Reykjavíkur höfðu ekki erindi sem erfiði eftir að þeir kvörtuðu til Úrskurðarnefndar umhverfis- og auðlindamála vegna hávaða frá bíóinu. Nefndin hafnaði kröfu um íbúa um beitingu þvingunarúrræða Heilbrigðiseftirlits Reykjavíkur vegna málsins en svo virðist vera sem upphaf málsins hafi verið rekið til þess þegar hljóð voru spiluð úr röngum hátölurum í leikhúsinu í vor. Nágranninn segir málið eiga sér langa sögu, sextán ára langa nánar tiltekið.
