Fjölmiðlar sem eru tengdir Hútum segja 33, hið minnsta, hafa verið drepna í loftárásum Sádi-Araba í Jemen í dag.Meðal látinna eru konur og börn.Hátt í fjörutíu særðust í árásunum.Vopnahléi milli Húta og bandalags undir stjórn Sádi-Araba lauk í júní. Bandalagið styður ríkisstjórnina í Jemen en Hútar njóta stuðnings Írana. HÚTAR SEGJA SÁDI-ARABA ÁBYRGA Al Masirah, sjónvarpsstöð á vegum Húta, hefur birt myndir og myndskeið sem sýna björgunarfólk draga lík úr rústum húsa í bænum al-Shariyah, sem er austur af höfuðborginni Sanaa.Sjónvarpsstöðin, ásamt fréttastofunni Saba, segir Sádi-Araba bera ábyrgð á árásunum.Sádí-Arabía hefur barist gegn Húta-hreyfingunni í yfir áratug, með stuðningi stjórnvalda í Jemen.Bandalagið hefur ekki lýst yfir ábyrgð á árásunum. Hverjir eru Hútar? Hútar, sem eru a
