„Það er frábært, Ómar er þjóðargersemi“ er oft viðkvæðið þegar ég segist vera að gera heimildamynd í fullri lengd um Ómar Ragnarsson sem verði frumsýnd fyrri hluta næsta árs, en hann varð 86 ára þann 16. september síðastliðinn. Og síðan er gjarnan bætt við, „um hvað á myndin að fjalla, það þyrfti að gera margar myndir um hann?“ Sem er auðvitað alveg rétt, því Ómar er maður ekki einhamur.
