„Ég ætla ekki að skafa af því, þetta er eitt það erfiðasta sem ég hef gengið í gegnum,“ segir Halla Jóns, tónlistarkona og kennari sem var að gefa út plötuna Frá byrjun. Líf hennar hefur breyst gríðarlega mikið að undanförnu, hún og barnsfaðir hennar hættu saman eftir tólf ára samband og á svipuðum tíma gaf hún út tilfinningaríka plötu en listsköpun er risa stór partur af því hver hún er.
