Paris Jackson, dóttir Michaels Jackson heitins, hefur farið fram á að 600 milljónir Bandaríkjadala (um 73 milljarðar íslenskra króna) verði millifærðar úr dánarbúi popparans í fjárvörslusjóð fyrir börn hans þrjú. Paris segir John Branca, skiptastjóra dánarbúsins, hafa járntak á því og það sé löngu kominn tími á að börnin fái peningana, líkt og faðir þeirra hafi viljað. Talsmaður dánarbúsins segir lagadeilur við skattayfirvöld flækja málin.
