Í drögum að frumvarpi til breytinga á lögreglulögum, sem hefur verið til umsagnar í Samráðsgátt stjórnvalda, er dregin upp alvarleg mynd af þróun skipulagðrar brotastarfsemi hér á landi. Í greinargerðinni kemur fram að umfang skipulagðar brotastarfsemi hafi aukist verulega á undanförnum árum, hún er orðin flóknari og tengsl innlendra brotahópa við erlend brotasamtök hafa aukist.
