Stjórn Þristasjóðs, Flugsafn Íslands og DC-3 Þristavinafélagið hafa komist að samkomulagi um að eignarhald flugvélarinnar TF-NPK, eða Þristsins Páls Sveinssonar, færist til Flugsafns Íslands á Akureyri og til framtíðarvarðveislu. Viljayfirlýsing þess sem efnis var undirrituð í Flugsafninu á Akureyrarflugvelli í dag. Samkvæmt henni er stefnt að því að yfirfærslu Þristsins til safnsins verði lokið fyrir lok þessa árs.
