Hægari sala nýbygginga er ein helsta sértæka áhættan í útlánasafni Arion, sem fjármagnar um 15 til 20 prósent nýrra íbúða sem ætlaðar eru til sölu á markaði, en bankinn telur álagspróf sýna talsvert svigrúm til að mæta bæði sölutöfum og verðlækkunum á íbúðamarkaði. Arion skilaði yfir sextán prósenta arðsemi á þriðja fjórðungi, sem var í samræmi við spár, og var afkoman drifin áfram af kröftugum vaxtatekjum á meðan þóknanatekjur gáfu eftir við krefjandi markaðsaðstæður.
