Það rataði í fréttir fyrr í mánuðinum að hermenn í Noregi tóku kínverskan rafbíl á leigu til að nota í öryggisæfingu sem fram fór á flugvellinum í Osló. Á meðan á æfingunni stóð fiktuðu hermennirnir í búnaði ökutækisins og rákust þá á upptökur úr myndavélum bílsins sem t.d. sýndu hverjir stigu í og úr bifreiðinni og hvaða númer hermennirnir höfðu slegið inn til að opna lása til að komast inn á öryggissvæði.
