Yerma: Hádramatískur og pólitískur harmleikur sem er líka mjög fyndinn

Katla Ársælsdóttir skrifar:Yerma er jólasýning Þjóðleikhússins þetta leikárið og var hún frumsýnd annan í jólum. Verkið er eftir hinn ástralska Simon Stone og byggist á samnefndu leikriti spænska leikskáldsins Federico García Lorca frá árinu 1934. Yerma er eitt þekktasta verk hans og hefur meðal annars verið sýnt hér á landi, í uppsetningu Þjóðleikhússins árið 1987. Stone endurskrifar hið fræga verk Lorcas og færir það frá spænsku sveitaþorpi upprunalegu útgáfunnar til nútímaborgar. Stone hefur hlotið mikla athygli fyrir leikgerðir sínar sem hann byggir á leikritum frægra leikskálda á borð við Chekhov og Ibsen, þar sem hann staðfærir verk þeirra til samtímans. Stone er óhræddur við að fjarlægja þemu úr verkinu sem einkenna verk Lorca, þar á meðal ljóðræna eiginleika textans. Fjölskyldan he