Safna fyrir nýju Kvennaathvarfi eftir ítrekaðar fréttir af heimilisofbeldi

Fjáröflunar- og kynningarátakið Á allra vörum hefur legið í dvala frá 2019, en í mars verður því hrint af stað í tíunda sinn.„Það vakti okkur til umhugsunar, allar þessar fréttir um ofbeldi inni á heimilum fólks. Og þetta plantaðist inn í höfuðið á okkur og síðan er það nú bara þannig að Linda Dröfn Gunnarsdóttir, sem stýrir Kvennaathvarfinu, hafði samband við okkur og viðraði þá hugmynd að við myndum koma úr dvala og setja af stað söfnun,“ segir Elísabet Sveinsdóttir, einn forsvarsmanna átaksins. „HRÆÐILEGT AÐ HEIMILIÐ SÉ EKKI GRIÐARSTAÐUR“ Líkt og áður verður helsti söluvarningur átaksins varagloss sem hægt verður að nálgast í fjölda verslana út um allt land. Auk þess verður hægt að styrkja málefnið með frjálsum framlögum. Vefsíða fer í loftið á næstu dögum þar sem almenningur getur f