Fögnuðu samgöngubótum og gagnrýndu hægagang

„Þetta er gleðidagur fyrir okkur í Reykjavík, höfuðborgarsvæðið og alla landsmenn myndi ég halda,“ sagði Einar Þorsteinsson borgarstjóri þegar hann hóf umræðu í borgarstjórn Reykjavíkur um samgöngusáttmálann. Sjálfstæðismenn sögðu hins vegar að hagsmunum borgarbúa hefði verið fórnað með töfum og varð tíðrætt um mislæg gatnamót þar sem Reykjanesbraut og Bústaðavegur koma saman.Fyrri hluti umræðu borgarstjórnar um samgöngusáttmálann fór fram í gær. Þar komu fram meginþættir í málflutningi bæði meirihlutans og minnihlutans, auk mismunandi viðbragða minnihlutaflokkanna.Sjálfstæðismenn gagnrýndu að lítið væri gert á höfuðborgarsvæðinu fyrst um sinn og sögðu hag borgarbúa borinn fyrir borð í viðræðunum. Meirihlutinn lagði áherslu á að meta þyrfti ávinning af samgöngusáttmálanum í heild og að han