Elliði Vignisson, bæjarstjóri í Ölfusi, segir það mikilvægt að taka vel á móti fólki sem flyst hingað til lands en á sama tíma gæta sérstakrar varúðar gagnvart þeim sem aðlagast illa. Hann kallar eftir því að stjórnvöld safni og birti ítarlegri upplýsingar um innflytjendur, meðal annars um afbrot, atvinnuþátttöku og fjárhagsaðstoð eftir uppruna og dvalargrundvelli.
