Aðeins fjórða hver kona með erlent ríkisfang tekur þátt í brjóstaskimun, samanborið við rúmlega sjö af hverjum tíu konum með íslenskt ríkisfang. Svipaður munur er á þátttöku í leghálsskimunum. Framkvæmdastjóri Krabbameinsfélagsins hefur miklar áhyggjur af stöðunni og segir brýnt að ná betur til kvenna af erlendum uppruna, ekki síst þar sem nýgengi brjóstakrabbameins fer vaxandi.
