Samkeppnisaðilar Ölgerðarinnar segja fyrirtækið markvisst reyna að útiloka vörur sínar á börum, veitingahúsum, útihátíðum og hjá nemendafélögum. Þetta er meðal þess sem kom fram í Kveik í gærkvöld en í þættinum var veitt innsýn í viðskiptahætti fyrirtækisins sem er eitt það stærsta sinnar tegundar hér á landi.Samkeppniseftirlitið hefur hafið rannsókn á háttsemi Ölgerðarinnar á drykkjarvörumarkaði og réðst í húsleit á skrifstofum Beru, móðurfélags Ölgerðarinnar fyrir helgi. Til skoðunar er hvort fyrirtækið sé í markaðsráðandi stöðu á viðkomandi mörkuðum og hvort fyrirtækið hafi virt bann samkeppnislaga við misnotkun á markaðsráðandi stöðu. Hvað þýðir að vera í markaðsráðandi stöðu? Samkvæmt Samkeppniseftirlitinu felur markaðsráðandi staða í sér að fyrirtæki hafi svo mikinn efnahagslegan sty
