Landsmenn geta átt von á hægum vindi en nokkurri rigningu í dag. Íbúar á Norður- og Austurlandi þurfa þó að bíða fram yfir hádegi áður en blotnar eitthvað þar.Vonskuveðri er spáð á morgun með gulum og appelsínugulum viðvörunum á flestum spásvæðum, fyrir utan norðausturhornið og höfuðborgarsvæðið. Þá er hætt við að samgöngur fari úr skorðum, sérstaklega á norðvestanverðu landinu.Veðurspáin er svohljóðandi: Hæg suðlæg eða breytileg átt, en suðvestlæg átt, 3-8 síðdegis. Þurrt að kalla á Norður- og Austurlandi, en lítilsháttar væta þar seinnipartinn. Skúrir sunnan- og vestanlands. Hiti 6 til 10 stig.Gengur í austan storm á miðvikudag með talsverðri eða mikilli úrkomu, en snýst í vaxandi norðanátt seinnipartinn og kólnar með snjókomu norðanlands um kvöldið. Suðvestlæg eða breytileg átt með skúr
