Fornleifafræðingar á vegum þriggja norrænna stofnana tilkynntu í síðustu viku að staðfest væri að þekkt rúst innarlega við hinn forna Eiríksfjörð á Grænlandi sé stór norræn miðaldakirkja. Danskur fornleifafræðingur, sem ekki kom sjálfur að rannsókninni, telur að núna sé fengin staðfesting á því að staðurinn, þar sem kirkjurústin fannst, sé í raun hin eina og sanna Brattahlíð, landnámsjörð Eiríks rauða.
