„Fötin mín, alveg eins og orðin sem ég nota, verkefnin sem ég vinn og fólkið sem ég hef í kringum mig, endurspegla viðhorf mitt til lífsins,“ segir Sigríður Margrét Oddsdóttir, forstjóri Bláa lónsins hf. og tískuáhugakona. Sigríður Margrét er alltaf smart í klæðaburði og ræðir hér við blaðamann um eftirminnilegar flíkur, fataskápinn, persónulegan stíl og hvernig starfið óhjákvæmilega hefur mótað stíl hennar.
