Jafnréttisstofa segist hvorki hafa borið ábyrgð á rannsóknarhönnun né lokaskýrslu umdeildar rannsóknar sem unnin var af alþjóðlegu hugveitunni Equimundo að beiðni Norrænu ráðherranefndarinnar um hugmyndir norrænna karla um karlmennsku. Íslenskir fræðimenn hafa gagnrýnt rannsóknina og sagt að setja verði fyrirvara við niðurstöður hennar sem virtust benda til þess að hugmyndir íslenskra karla væru íhaldssamari en annarra norrænna karla.
