Lítil tengsl eru á milli karls og konu sem hann réðst á í íbúð í fjölbýlishúsi við Engihjalla í Kópavogi í síðustu viku.„Það virðast hafa verið einhver tengsl en ekki mikil. Þau þekktust,“ segir Ævar Pálmi Pálmason, aðstoðaryfirlögregluþjónn hjá lögreglunni á höfuðborgarsvæðinu.Rúmlega fertugur Íslendingur réðst á konu á heimili sínu kvöldið 28. september og veitti henni lífshættulega stunguáverka. Hún lá um tíma á gjörgæslu. Málið er rannsakað sem tilraun til manndráps.Ævar segir rannsókninni miða ágætlega. Málsatvik liggi nokkuð ljós fyrir. Búið er að yfirheyra konuna sem var útskrifuð af gjörgæslu í síðustu viku. Engin vitni urðu að árásinni.Lögregla hefur lagt hald á stunguvopn. „Við teljum okkur vera með vopnið sem var notað,“ segir Ævar Pálmi.Lögregla bíður nú gagna, svo sem læknisvo
