Eyrarhlíð, vegurinn milli Hnífsdals og Ísafjarðar, er lokaður vegna aurskriðu sem féll á veginn.Hlynur Snorrason yfirlögregluþjónn á Ísafirði segir tilkynningu um skriðuna hafa borist á sjötta tímanum í dag. Lögregla og björgunarsveitarfólk hafi lokað veginum báðum megin og fulltrúar Vegagerðarinnar vinni nú við að ryðja veginn.Hann segir Veðurstofuna meta hvenær hægt verði að opna veginn aftur og segir fólk því þurfa að sýna biðlund á meðan. Vegurinn verði opnaður um leið og það sé talið öruggt. Ljóst sé að einhverjir séu fastir vitlausum megin við skriðuna.Hlynur hvetur fólk til að vera á varðbergi á vegum þar sem úrkoma hafi verið mikil í dag sem auki hættu á grjóthruni og skriðum.Fréttin hefur verið uppfærð.
