Samkeppniseftirlitið telur „sterkar vísbendingar“ um að Ölgerðin sé í markaðsráðandi stöðu í sölu á léttvíni og sterku áfengi til veitingastaða og annarra stórnotenda, en félagið er á þeim mörkuðum um tvisvar til þrisvar sinnum stærra en næstu keppinautar. Við rannsókn á kaupum Ölgerðarinnar á Gæðabakstri og Kjarnavörum lýstu margir keppinautar áhyggjum af því að aukin vörubreidd gæti gert félaginu kleift að styrkja enn frekar stöðu sína með því að tvinna saman sölu matvæla og drykkjarvara.
