Fjórir karlmenn eru grunaðir um að hafa flutt fimm kíló af amfetamíni til landsins með hraðsendingu frá Þýskalandi. Þrír þeirra voru handteknir í byrjun september og sá fjórði viku síðar.Mennirnir voru úrskurðaðir í fjögurra vikna áframhaldandi gæsluvarðhald í Héraðsdómi Reykjavíkur í gær, til 28. október, á grundvelli almannahagsmuna að kröfu lögreglunnar á höfuðborgarsvæðinu.Fjórmenningarnir eru jafnframt grunaðir um að hafa veitt fleiri fíkniefnasendingum viðtöku á undanförnum vikum. Við húsleitir fundust fíkniefni, meðal annars eitt kíló af ketamíni.Í tilkynningu lögreglu segir að stefnt sé að því að ljúka rannsókn fljótlega. Málið verði í framhaldinu sent til embættis héraðssaksóknara.
