„Ég vaknaði með strákinn okkar, fékk mér kaffi og sá fyrirsögnina á Vísi: WOW air heyrir sögunni til. Maðurinn minn var enn sofandi, á leið í flug þennan dag. Þetta var algjört áfall – við vorum bæði að missa vinnuna og tekjurnar fóru í núll á einu augabragði,“ segir Marín Jónsdóttir þegar hún rifjar upp örlagamorguninn þegar Vísir – eins og aðrir fjölmiðlar – birti fréttir um þrot WOW.
