Áður en stríðið við Persaflóa braust út í byrjun þessa árs höfðu þjóðir heims komið sér upp miklum birgðum af olíu. Hins vegar hefur gengið mikið á þessar birgðir síðan þá sem gæti leitt til hækkunar á olíuverði. Það er þó ekki olíuverðið sem veldur mestum áhyggjum hérlendis, heldur er það aukið álag á unnar olíuvörur eins og dísil, flugvélaeldsneyti og skipaolíu.
