Aron Snær Ingason skrifaði í gær undir nýjan samning við Þrótt en fyrri samningur var að renna út. Aron hefur verið sterklega orðaður í burtu frá Þrótti og aðallega við Val, en hann ákvað að framlengja í Laugardal og taka slaginn þar í Bestu deildinni. Sóknarmaðurinn átti gott tímabil í Lengjudeildinni og skoraði markið sem tryggði Þrótti sæti í efstu deild. Aron var valinn í lið ársins í deildinni hér á Fótbolta.net. En hvers vegna ákvað hann að framlengja í Laugardal?
