Borgarleikhúsið frumsýndi um helgina verið Svikasögur á stóra sviðinu eftir Maríu Reyndal leikstjóra og handritshöfund. Hún var gestur Mannlega þáttarins á Rás 1 þar sem hún leit í baksýnisspegilinn og sagði þeim Guðrúnu Gunnarsdóttur og Gunnari Hanssyni frá því þegar höfundurinn og leikstjórinn vöknuðu til lífs hjá henni ungri að árum, unglingsárunum á níunda áratugnum, náminu í London og mörgu fleiru. HÉLT AÐ DRAUMURINN VÆRI AÐ VERÐA LEIKARI Hún er leikaramenntuð og hefur brugðið sér í ýmis hlutverk en segir starfið ekki hafa hentað sér að öllu leyti. > Það er svo erfitt að vera við símann og bíða eftir að hann hringi svo ég fór frekar að skrifa og leikstýra. Var byrjuð á því áður en ég fór í námið. Um tíma hafði hún þó talið að þangað lægi leiðin. > Ég hélt að draumurinn væri að v
