Skoða á hvort hlaðvörp þurfi að skrá sig sem fjölmiðla þegar fjölmiðlalögum verður breytt, sagði Logi Einarsson menningarmálaráðherra á Alþingi. Hann sagðist einnig vera að kanna hvort hægt væri að skýra reglurnar með reglugerð. Árni Helgason, þingmaður Sjálfstæðisflokksins, spurði hann á Alþingi hvort eðlilegt væri að fjölmiðlanefnd hótaði hlaðvarpsfólki dagsektum á meðan beðið væri eftir breytingum á fjölmiðlalögum.
