Atvinnumál í minni þorpum á Austurlandi hafa verið til umræðu í sveita- og heimastjórnum undanfarið. Heimastjórn Borgarfjarðar eystri hefur áhyggjur af atvinnumálum þar, sér í lagi einsleitum störfum og árstíðasveiflum. Ólafur Arnar Hallgrímsson er í heimastjórn Borgarfjarðar eystri.„Það er líka þetta tímabundna atvinnuleysi sem er yfir vetrartímann, við þurfum að fylla upp í þetta gat, þarna kemur sértæki byggðakvótinn mikið inn.“Borgarfirði var úthlutað sértækum byggðakvóta frá Byggðastofnun 2024. Kvótinn er gefinn út til sex ára og nemur 200 þorskígildistonnum á ári. Karl Sveinsson er útgerðarmaður á Borgarfirði eystri.„Þessi tími yfir háveturinn er mjög erfiður sko. En svo fer þetta að lagast með hækkandi sól, og þá er fínt að hafa eitthvað svona til að dúlla við.“
