Krúttlegir bangsar og eigendur þeirra litu við á Bangsaspítalanum í dag. Eftir að börnin innrituðu bangsana fylgdu bangsalæknar börnunum og böngsunum inn á læknastofu þar sem þeir fengu þá aðhlynningu sem þeir þurftu á að halda.Bangsaspítalinn er árlegur viðburður og tilgangur hans er tvíþættur. Annars vegar er hann til að fyrirbyggja hræðslu við lækna og heilbrigðisstarfsfólk hjá börnum og hins vegar til að gefa læknanemum á yngri árum tækifæri til að æfa samskiptin við börnin.
