Lögreglumenn höfðu afskipti af manni í miðborg Reykjavíkur í gærkvöld eða nótt sem við nánari eftirgrennslan reyndist vopnaður og eftirlýstur í þokkabót.Lögreglubílar í miðborg Reykjavíkur. Mynd úr safni.Kristján Þór IngvarssonHann var því vistaður í fangaklefa að því er segir í dagbók lögreglunnar á höfuðborgarsvæðinu. Tveir voru handteknir í miðborginni grunaðir um innbrot í bíl og rúðubrot. Engan sakaði í umferðarslysi í Neðra-Breiðholti.Auk þessa sinntu lögreglumenn umferðinni og ökumönnum í margs konar ástandi og fyrir ýmis umferðarlagabrot, meðal annars fyrir að aka yfir gatnamót á rauðu ljósi, akstur án réttinda og hraðakstur. Einn keyrði á 128 kílómetra hraða þar sem hámarkshraðinn er 90.
