Tölvuverð skjálftavirkni hefur verið suðvestur af Reykjanestá.RÚV / Ragnar VisageJarðskjálftavirkni færðist í aukana að nýju suðvestur af Reykjanestá laust fyrir miðnætti. Hrinan hefur færst nær landi en hún var í gær og flestir skjálftanna eru nú um 30 kílómetra suðvestur af tánni, að sögn Bjarka Kaldalóns Friis, náttúruvársérfræðings á Veðurstofu Íslands. Bjarki segir um sextíu jarðskjálfta hafa mælst á þessum slóðum frá því fyrir miðnættið, flestir undir tveimur að stærð, nokkrir um þrír og þeir stærstu rúmlega þrír. Bjarki segir engin merki um gosóróa, virknin þurfi í sjálfu sér ekki að þýða nokkuð enda jarðskjálftahrinur algengar þarna. Einnig hefur verið nokkur virkni við Langjökul.
