Rafvæðing bílaflotans hefur verið hröð undanfarin ár og nú eru þungaflutningar í auknum mæli farnir að fylgja sömu þróun. Hjá Kletti, umboðsaðila Scania á Íslandi, er nú komin í sölu þriðja kynslóð rafmagnsvörubíla Scania. Þar er ekki um eina staðlaða lausn að ræða heldur fjölbreytt úrval bíla sem hægt er að útfæra eftir verkefnum, allt frá vörudreifingu og sorphirðu upp í þunga flutninga.
