Beiðni bræðranna Andrew og Tristan Tate um lausn úr fangelsi gegn tryggingu var hafnað í gær. Saksóknari á Miami á Flórída úrskurðaði að þeir gætu ógnað öryggi almennings ef þeim yrði sleppt lausum og hætta væri á að þeir myndu reyna að flýja.Tate-bræður voru handteknir á Miami og settir í fangelsi 18. júlí en þeir eru meðal annars ákærðir fyrir mansal í Rúmeníu og nauðganir og kynferðisafbrot í Bretlandi. Bresk yfirvöld hafa 60 daga frá handtöku til að fara fram á framsal á Tate-bræðrum og sá frestur rennur út 16. september næstkomandi.Bræðurnir, sem eru með bæði bandarískan og breskan ríkisborgararétt, ætla að berjast gegn því að vera framseldir til Bretlands. Samanlagt eiga þeir yfir höfði sér 59 ákærur í Bretlandi fyrir meint kynferðisbrot sem eiga að hafa átt sér stað á árunum 2010 ti
